الموضوع: السريون و الدخان افيدوني

أنا عندى نفس المشكلة بالظبط فى عربية كيا سيفيا

المشاركة الأصلية كتبت بواسطة sanhory

السلام عليكم

انا عندي سيريون 2001 عربية تحفة ماشاء الله بس ليها حركة كده كل ما ادورها الصبح تبخ شوية دخان كده كثيف و ازرق و شوية و اول ما بتسخن بيروح و طول اليوم خلاص مفيش اي دخان

روحت للميكانيكي قالي دي بلوف صبابات و يمين و شمال و حفك الموتور و نعمل شنبر بالمرة و حيدخلني في متاهات و مقتنعتش بكلامه بس قولتله يفك غطا و ش التاكيهات و نغير الجوان بتاع الغطا و نغير البوجيهات

طلعت البوجيهات غرقانة زيت من ساسها لراسها و قالي ممكن الجوانات الصغيرة اللي في الغطا اللي بتمنع الزيت انه يدخل عالبوجيه هي اللي تعبانة المهم اداها شوية سليكون عشان دورت عليها ملقتهاش بتتباع و اللي يقولي دي بتيجي مع الغطا كامل استيراد المهم بالسليكون منعت شوية و رجعت تاني

هل في حل اني الاقيها او الاقي بديل يركب عليها

انا سالت كل بتوع الدايهتسو اللي في الحرفين و مفيش دا حتي جوان غطا التاكيهات ملقتهوش لواحده بيجي مع طقم كامل بجوان وش السليندر بكذا حاجة ب 300 جنيه و هو لواحده لو بيتباع ميجبش 30 جنيه

حد عنده حل؟

ممكن بمنتهى البساطه جوان غطا التاكيهات بيسرب زيت وبالتالي مع الحرق بيطلع دخان ازرق ودخان ازرق ده معناه حرق زيت نصيحتي اشتري الطقم كله وخد منه جوان غطا التاكيهات وركبه علشان تنهي المشكله ديه نهائي

المشاركة الأصلية كتبت بواسطة hmada9009_99

ممكن بمنتهى البساطه جوان غطا التاكيهات بيسرب زيت وبالتالي مع الحرق بيطلع دخان ازرق ودخان ازرق ده معناه حرق زيت نصيحتي اشتري الطقم كله وخد منه جوان غطا التاكيهات وركبه علشان تنهي المشكله ديه نهائي

مهو اللي انا عايزه تحديدا مش جوان غطا التاكيهات اللي انا عايزه الجوانات اللي بتبقى جوه اللي بتقفل عالبوجيه اللي بتبقى 4 كاوتشات مدوره كده و طبعا في السريون 3 عشان 3 سليندر و الجوانات دي مش بتيجي حتي مع الطقم ابو 300 جنيه و مش لاقيها

جوان غطا التاكيهات حيطلع الزيت بره لكن مش حيجيبه عالبوجيهات

المشاركة الأصلية كتبت بواسطة هانى سمير

حلك الوحيد تاخد القديم ابو اربع عيون وتروح لواحد يقص جوان مثلة تمام سواء كان جوان جلد او مطعم نيكل ممكن يخرط زيةتمام ويتقلد

حضرتك تقصد جوان وش السليندر انا قصدي على الكاوتش اللي عند البوجيه اللي بيبقا متثبت في غطاء التاكيهات

المشاركة الأصلية كتبت بواسطة هانى سمير

ممكن تصور لنا هذا الكاوتش لكى نتمكن من ارسال الاقتراحات أو للبحث عن شبية

استاذ هاني

اشكرك لاهتمامك

الحقيقة انا قلت اعدي على بتاع قطع غيار الدايهاتسو و اسأل عالجوانات دي و قالي اه موجوده و اداني 3 جوانات

روح البيت فكيت وش التاكيهات اعتقادا مني اني لما حفك الوش حلاقي ماسك 3 جوانات (جوان لكل بوجيه) حشيلهم و حركب دول لكن القصة طلعت غير كداه خالص

و هي ان السيريون دي مافيهاش الكلام ده و ان الوش منه فيه و مفيش حاجة بتتفك و جه في دماغي كلام الميكانيكي بتاع دايهاتسو لما قالي لا دول مبتغيروش دا الوش بيترمي و بتحط وش غطا تاكيهات تاني استيراد بس انا كبرت دماغي من الكلمة دي

وبتاع قطع الغيار منه لله عايز يبيع و خلاص رغم اني اكدت عليه سيريون 2001 قالي اه

المهم ظبت الغطا و الحتت المشققة دي كله بالسليكون الحراري و اهو بقالي يومين و مفيش دخنة الصبح الحمد لله لما اشوف بقى حتعمر ولا لازم اغير الغطا برضه

بس مديت صباعي جوة المكان اللي بيركب فيه البوجيه و فعلا مليان زيت نشفته كويس و معرفتش افك البوجيهات كان معايا مفتاح بوجيهات كده عبيط و انا بحل بيه اتقطم , قلت اسيبه ينشف مع الحرق بقى