بلد المرمطه (مصر)

**no2nn** · 23-01-2013 06:34 PM

احب ابدا كلامي بالصلاه ع النبي
كلو يصلي ع النبي يلاااااااااااااااااا ^_^
سلام عليكم يا جماعه
افضل مكان الواحد يفضفض فيه هو المنتدى هنا بصراحه
هاحكيلكو قصتي من ساعت ما رجعت مصر
ويا لها من قصه
رغاااااااااي انا عارف ^_^
انا كنت مقيم بالمملكه مع الوالد وانا عاشق للسيارات
المهم والدي ركب عربيات كتير ف السعوديه امريكي وياباني وكوري وياباني والافضل اكيد كان الامريكي
المهم نزلنا مصر بعربيه اسمها (شيفروليه ابيكا 2006 )
وشافت مني كتير المهم نزلنا بيها مصر وقضينا بيها الفتره المسموح بيها ف التريبتك وشحنها الوالد ورجعت اتباعت ف المملكه
تخيلوا بكام !!
ابيكا 2006 ب 12 الف ريال
مع العلم ان العربيه مفيهاش عيب وكانت فابريكه برا وجوا وحالتها تحفه
المهم طبعا محتاجين عربيه !
دي مصر بلد المواصلات والشقا
المهم الوالد ربنا وقعه ف عربيه من عربيات تاكسي العاصمه
وطبعا الكلام ده كان ف شهر 3 السنه اللي فاتت ولحد الان مرخصناش العربيه ×_×
المهم بعد عناء دام سنه واني مش بعرف اتحرك بالعربيه عشان الرخص
كنا من اول الناس اللي رفعو قضيه ع صاحب الشركه والحمد لله تمت الاستجابه من محكمه العباسيه بعد مرور 5 شهور
والراجل اتسجن 3 سنين مع الشغل والنفاذ
والحمد لله اخذنا جواب للمرور من السيد مساعد وزير الداخليه
وهاروح مرور السلام يوم السبت القادر ان شاء الله
سؤال بقا : هو المرور يوم السبت اجازه ولا شغال ؟؟
ايه اجراءات الفحص ؟؟
والعربيه (كيا سيراتو 2009 )
والعربيه مافيهاش نمر هاعرف اروح بيها من الهرم للسلام ولا هايبقا في رخامه من المرور
مع العلم اني معايا عقد البيع وصوره المحضر وجواب السيد مساعد وزير الداخليه بس مش معايا رخصه لسا هاطلعا ف شهر 5
ايه العمل بقا ؟؟
اسف ع الاطاله بس انتو اخواني الكبار ولازم مشورتكو ^_^
منتظر الرد

ملاحظه العربيه اخر حاجه ف الشكل القديم

**kimotop** · 23-01-2013 08:36 PM

ويلكم باك تو ايجبت

**eldell** · 23-01-2013 11:46 PM

الف مبروووووك اولا ياحبى على استلام الجواب بالنسبه للمرور يوم السبت ده ممكن يكونو اجازه خليك فى الضمان يوم الاحد وياااريت تروح بدرى علشان مرور السلام ده بيبقى زحمه جداااااااااااااااااا الله معاااك بالنسبه للاجراءات الفحص هتجيب ورقه مطابقه بصمه ويطبقوها وطلعت تماااام مع الملف بتاعها خلاص تنقل العربيه باسمك وخلاص كده

بالنسبه للمرور اى حد يوقفك انت معاااك الجواب ورايح ترخص انا كنت ماااشى بنمر دبى ههههههه واى حد كنت بوريله الافراج ولسه مرخصتش وكان بيبقى حوار عنك انت وكانت الدنيا الحمد لله بتمشى والف مبرووووك تااانى ياحبى

**Ahmed_Adham** · 24-01-2013 12:18 AM

حبيب قلبي! أنا كان معايا ابيكا 2006 لون أبيض في الكويت. بصراحه عربيه عشريه جدا وكنت بطلع عين أبوها ومتقولش لاء. كنت بطلع بيها على الرصيف وأنزل بالعجلتين ومشتكتش أبدا ووفاء ليها أنا كاتبها في البوفايل بتاعي هنا في المنتدى مع اني بايعها قبل ما انضم للمنتدى. فكرتني بذكريات جميله بصراحه.

للي ميعرفهاش العربيه كانت بتنزل 4 سلندر 2000 سي سي وسته سلندر 2500 وده شكلها من بره ومن جوه

**Ahmed_Adham** · 24-01-2013 12:20 AM

حبيب قلبي! أنا كان معايا ابيكا 2006 لون أبيض في الكويت. بصراحه عربيه عشريه جدا وكنت بطلع عين أبوها ومتقولش لاء. كنت بطلع بيها على الرصيف وأنزل بالعجلتين ومشتكتش أبدا ووفاء ليها أنا كاتبها في البوفايل بتاعي هنا في المنتدى مع اني بايعها قبل ما انضم للمنتدى. فكرتني بذكريات جميله بصراحه.

للي ميعرفهاش العربيه كانت بتنزل 4 سلندر 2000 سي سي وسته سلندر 2500 وده شكلها من بره ومن جوه

**no2nn** · 24-01-2013 02:12 PM

المشاركة الأصلية كتبت بواسطة Ahmed_Adham

حبيب قلبي! أنا كان معايا ابيكا 2006 لون أبيض في الكويت. بصراحه عربيه عشريه جدا وكنت بطلع عين أبوها ومتقولش لاء. كنت بطلع بيها على الرصيف وأنزل بالعجلتين ومشتكتش أبدا ووفاء ليها أنا كاتبها في البوفايل بتاعي هنا في المنتدى مع اني بايعها قبل ما انضم للمنتدى. فكرتني بذكريات جميله بصراحه.

للي ميعرفهاش العربيه كانت بتنزل 4 سلندر 2000 سي سي وسته سلندر 2500 وده شكلها من بره ومن جوه

اولا احب اشكرك جدا ع المرور الكريم ^_^
ثانيا بالنسبه للابيكا هيا فعلا عربيه جميله جداااا وانا مازلت بفضلها عن كتير من العربيات
تقبل تحياتي

المشاركة الأصلية كتبت بواسطة eldell

الف مبروووووك اولا ياحبى على استلام الجواب بالنسبه للمرور يوم السبت ده ممكن يكونو اجازه خليك فى الضمان يوم الاحد وياااريت تروح بدرى علشان مرور السلام ده بيبقى زحمه جداااااااااااااااااا الله معاااك بالنسبه للاجراءات الفحص هتجيب ورقه مطابقه بصمه ويطبقوها وطلعت تماااام مع الملف بتاعها خلاص تنقل العربيه باسمك وخلاص كده

بالنسبه للمرور اى حد يوقفك انت معاااك الجواب ورايح ترخص انا كنت ماااشى بنمر دبى ههههههه واى حد كنت بوريله الافراج ولسه مرخصتش وكان بيبقى حوار عنك انت وكانت الدنيا الحمد لله بتمشى والف مبرووووك تااانى ياحبى

د

حبيب قلبي ربنا يخليك يا باشا ووالله الموضوع نور بمشاركتك فيه ^_^
معلش هاتقل ع حضرتك عندي بس استفسار صغير
العربيه اول ما شتريناها خدت عين حلوه ف وهيا واقفه ميكروباص خبط الرفرف الشمال وكسر الاكصدام والحمد لله خليتو يعملها بس الصنايعي معملهاش كويس واكيد ف الفحص لازم اكون ظابطها وراششها كمان
المهم انا دلوقتي مش عارف هيا هاتكلفني كام واعملها عند مين يكون كويس وامين ف شغلو
عموما بالليل انا هاصورها وانزلها عشان تقدر تساعدني
واسف مره اخره اني تاعبك معايا

**zizo50001** · 24-01-2013 03:08 PM

اولا الف مبروك
تانى حاجة فعلا اوعى تروح مرور السلام يوم السبت بيبقى ضرب نار مفيش مكان تقف فية خليك الاحد
معلش سؤال ممكن اعرف جيب العربية بكام من هناك

**eldell** · 24-01-2013 04:48 PM

حبيب قلبي ربنا يخليك يا باشا ووالله الموضوع نور بمشاركتك فيه ^_^
معلش هاتقل ع حضرتك عندي بس استفسار صغير
العربيه اول ما شتريناها خدت عين حلوه ف وهيا واقفه ميكروباص خبط الرفرف الشمال وكسر الاكصدام والحمد لله خليتو يعملها بس الصنايعي معملهاش كويس واكيد ف الفحص لازم اكون ظابطها وراششها كمان
المهم انا دلوقتي مش عارف هيا هاتكلفني كام واعملها عند مين يكون كويس وامين ف شغلو
عموما بالليل انا هاصورها وانزلها عشان تقدر تساعدني
واسف مره اخره اني تاعبك معايا [/QUOTE]

هى لونها ايه دلوقتى ؟ يعنى نفس لون الدواخل والا لسه مرشتهاش انت ؟ لو لسه مترشطش لازم تترش اما هتتثبت فى الرخصه اللون الى عليه لو اترشط بقى واتخبطت بعدها عااادى جدااااا روح عادى خالص بيها وهترخص عااادى انا كنت روحت فحصت والرفرف كان مخبوط وكان واخد فيلر وفحصت عااادى
وياحبى والا تعب والا حاجه الواحد والله مبسوووط ان الحمد لله جالك جواب بتاع العربيه ربنا يكملهالك على خييير باذن الله

**no2nn** · 24-01-2013 05:32 PM

المشاركة الأصلية كتبت بواسطة zizo50001

اولا الف مبروك
تانى حاجة فعلا اوعى تروح مرور السلام يوم السبت بيبقى ضرب نار مفيش مكان تقف فية خليك الاحد
معلش سؤال ممكن اعرف جيب العربية بكام من هناك

استاذ زيزو شاكر جدا لمشاركتك ف الموضوع
الله يبارك فيك وان شاء الله هاعمل بنصيحه حضرتك
انا بعتذر من حضرتك انا والله معرفش تمن العربيه كام بالظبط لان الوالد واخدها من تاجر كان ليه تعامل معاه سابقا والتاجر كان واخدها من واحد كمان مش من الموقف بتاعهم والعربيه احنا مش دافعين تمنها فلوس احنا مدخلين عربيتين ف بعض
هيونداي h1 × كيا سيراتو ومش فاكر مين اللي دفع الفرق بس اكيد احنا
بعتذر من حضرتك مره اخري

المشاركة الأصلية كتبت بواسطة eldell

حبيب قلبي ربنا يخليك يا باشا ووالله الموضوع نور بمشاركتك فيه ^_^
معلش هاتقل ع حضرتك عندي بس استفسار صغير
العربيه اول ما شتريناها خدت عين حلوه ف وهيا واقفه ميكروباص خبط الرفرف الشمال وكسر الاكصدام والحمد لله خليتو يعملها بس الصنايعي معملهاش كويس واكيد ف الفحص لازم اكون ظابطها وراششها كمان
المهم انا دلوقتي مش عارف هيا هاتكلفني كام واعملها عند مين يكون كويس وامين ف شغلو
عموما بالليل انا هاصورها وانزلها عشان تقدر تساعدني
واسف مره اخره اني تاعبك معايا

هى لونها ايه دلوقتى ؟ يعنى نفس لون الدواخل والا لسه مرشتهاش انت ؟ لو لسه مترشطش لازم تترش اما هتتثبت فى الرخصه اللون الى عليه لو اترشط بقى واتخبطت بعدها عااادى جدااااا روح عادى خالص بيها وهترخص عااادى انا كنت روحت فحصت والرفرف كان مخبوط وكان واخد فيلر وفحصت عااادى
وياحبى والا تعب والا حاجه الواحد والله مبسوووط ان الحمد لله جالك جواب بتاع العربيه ربنا يكملهالك على خييير باذن الله[/QUOTE]

العربيه احنا الحمد لله واخدينها مرشوشه جاهز ورجعوها للونها الاصلي الابيض وهو لون انا بحبو جدا وبينفع بالذات في الصيف وبحكم اني كنت عايش ف السعوديه ف متعود ع العربيات البيضاء
يعني عادي ارووح وهيا مخبوطه ؟
هيا حاليا لون الرفرف واخد اللون اللي هو لما الصاج بيتعمل ع الحار بيبقى لون ملخبط كده والاكصدام متثبت بمسامير للاسف وبفكر اجيب اكصدام جديد بس مش عارف تمنو كام ومنين
لاني باذن الله ناوي اظبط العربيه وفي اكتر من فكره ف دماغي وعموما انا هاظبطها تظبيط خليجي تهمير وقطب وكده يعني مش هاعمل زي شباب مصر الغالب علي تظبيطهم بيبقى بودي كيت وعتب واسبولير وعده صوت وكده
انا ف دماغي حاجات تانيه
والله المستعان
ومره اخرى اتشرفت اني رديت ع حضرتك واتمنى حضرتك تبعتلي اكونت الفيس عشان لازم ف يوم نتقابل

**abo_lamar** · 24-01-2013 10:38 PM

اولا يا باشا الف حمد الله على السلامة و مصر نورت .
ثانيا انت ليه سميت موضوعك بلد المرمطة مصر ... انا مش شايف انك اتمرمطت فيها ولا اتبهدلت فيها عشان تقول عليها كده .... عنوان موضوعك يا اخي مالوش علاقة بمضمون الموضوع .