الموضوع: سؤال هوا لازم اكشف على العربيه فى التوكيل قبل الشراء ولا اكشف عند طارق بتاع المقطم

متشكرللرد السريع بتاع حضرتك يعنى افهم من كدا ان فرينش موتورز حلو يتكشف هناك وصيانه هناك وكل حاجه هناك بس المشكله فى الوقت شغلهم حلو واسعارهم زيهم زى التوكيل ولا ايه

سعيد جدا بردك يا استاذ احمد عبد المقصود وربنا يخليك لينا يارب

بما انك جديد فى الميجان يبقى ابعد عن فرينش موتورز تماما
انا لما جيت اشترى العربيه كشفت عندهم الكشف كان ب 350 جنيه
كتبوا ان العربيه محتاجه تغير طرمبه بنزين ب 1800 جنيه و ترس ديفيزر ب 1400 و اويل سيل الكرنك وده كان تمنه 125 جنيه و هما هياخدوا مصنعيه 1500 لتغيير الاويل سيل ده لوحده
الحاجتين الاولانيين طلعوا سلام فلو كنت مشيت ورا كلامهم كان زمانى دافع 4 الاف على الفاضى
الاويل سيل غيرته و دفعت مصنعيه 400 جنيه بس
بالاضافه بقى لان اللى انا اشتريت منه العربيه كان عمل عندهم جوان وش سلندر قبل ما اشتريها بشهر عايز اقولك ان القربه بتاعه الميه كانت مليانه زيت مترسب عامل زى الطينه ولونها اصفر غامق علشان مهنش عليهم ينضفوا دوره المياه ولا ينضفوا القربه مع العلم انهم واخدين مبلغ خرافى فى الموضوع ده
انا ليا واحد زميلى كان بيتعامل معاهم باع العربيه من كتر الزهق والمصاريف دلوقتى لما شاف العربيه و شاف الاسعار اللى بتعامل بيها بيفكر يشترى ميجان تانى