هو انا لو ركبت وحدات رفع للزجاج لازم يفكوا الابواب

**أبــوحبيبه ونور** · 05-08-2008 10:12 AM

و هل التركيب عند هشام لهيطه يخرج العربية من الضمان و لا لا

هو انت لما بتروح تركب حاجة فى التوكيل بيعملها ببلاش ولا بياخد فلوس.

انا قبل ما اركب سالت بتوع غبور على الموضوع دا قالولى العربية كدة هتخرج من الضمان قولتله يعنى انتى ولا عاوزين تركبوها عندكو ولا عاوزنى اركبها بره
وقولته وبعدين الضمان بتاعكو بيعملى ايه انا اى حاجة بركبها عندكو بدفع ثمنها انتو بتركبولى حاجة ببلاش سكت قالى خلاص ركب برحتك

**أبــوحبيبه ونور** · 05-08-2008 10:20 AM

يا شباب احنا بقالنا اسبوع بنتكلم فى الموضوع دا وكل اللى بحط رد مفيش واحد قال انا ركبت كله بالسمع ومفيش واحد قال انا شفت شغل حد كويس.

يا ريت يا شباب اللى يعرف حد كويس وجربه ويقلنا ولو معه رقم تليفونه يكتبه عشان اللى عاوز يتصل ويسال على حاجة يبقا برحته.

رجاء اخير اللى يعرف حد(يكون كويس) يكتب ارقامه او عنوانه بالتفصيل عشان الاستاذ اللى كاتب بتاع شارع دمشق مش محدد دمشق المهندسين ولا مصر الجديدة.
والسلام عليكم

**dr.ayman** · 05-08-2008 10:40 AM

انا ركبتها فى المنصورة
الموضوع اكلف كالاتى
وحدتين رفع الواحده ب 35 جنيه
(وحده الرفع الواحده بتشغل زجاجين )
مصنعيه الكهربائى 30 جنيه
العربيه لانسر و كانت بره الضمان و كل حاجه
انا كنت بدور على واحد نضيف علشان لما يفك الباب يرجعه زى ماكان
هوا بيفك باب السائق فقط لا غير
و خليه كمان يثبتهملك كويس اوى و انا عندى قام الكهربائى لافف عليهم كيس كويس اوى و بعدين بالشكرتون علشان مايجيش عليهم مايه نهائى
و خليهم يركبوا على السنتر مش على جهاز الانذار
نا شايف ان السنتر احسن علشان لو حصل حاجه للانذار وحده ارفع تشتغل عادى
و اى استفسار انا تحت امرك بس انا من المنصورة فا مش هافيدك فى مكان تركيبهم

**أبــوحبيبه ونور** · 05-08-2008 11:00 AM

انا مش فارك معى المكان المنصورة اسكندرية شرم الشيخ المهم اظبط العربية كويس ويبقا حاجة كويسة ومظبوطه لو الراجل اللى انت ركت عنده تمام قولى عليه
وانا اروح بس المهم يكون كويس

**abou_sama** · 05-08-2008 11:43 AM

بيخرج الابواب من الضمان

**abou_sama** · 05-08-2008 11:48 AM

على فكرة غلط جدا انة يركب على السنتر
لو ايد قفلت غلط ولا حاجة الزجاج هيقفل وممكن يكون حد مش واخد بالو ولا طفل و لاحاجة زى كدة

**أبــوحبيبه ونور** · 05-08-2008 11:57 AM

انا بختلف مع الاخ ايو سما

عشان الاصل والافضل انه يكون مع السنتر اولا عشان يكون مفتاح واحد
ثانيا انت مش بتقفل السنتر وفى حد فى العربية
وثالثا ودا الاهم عشان ميبقاش حمل تقيل على توصيلات الكهرباء .

وغير كدة وكدة الكهربى هو اللى بيقولك لازم تعمل الاتنين فى واحد عشان ميبقاش فى عك ف الشغل ويتعب نفسه كتير.

الاخ ابوسما اعتذر لو فهمتنى انى بختلف لمجرد الاختلاف انا بقول راى عشان مصلحة الاخ السائل

**abou_sama** · 06-08-2008 12:19 PM

مفيش اعتذار احنا هنا كلنا اخوات
وبنستفيد من بعض
واقبل تحياتى

**أبــوحبيبه ونور** · 06-08-2008 12:35 PM

السلام عليكم

يا شباب بعد اذنكم احنا اتكلمنا فى موضوع الزجاج الكهربا وفى ناس كتير قالت على هشام لهيطة بتاع التوفيقيه وهشام طلع كهرباء مش بتاع زجاج ولا حاجة يا ريت محدش يقول على حد او يوصف حد من غير ما يكون عارفه او جربه او على الاقل يكون يعرف حد جربه عشان حرام اسيب الشغل بتاعى وانزل لحد التوفيقيه والاخر يطلع كهربى مش بتاع زجاج وشكراً

___________________________
العضو الكريم
اللون الأحمر مخصص للمراسلات الإدارية فقط
برجاء مراجعة قواعدالمنتدى

مشرف قسم الكماليات

**dr.ayman** · 06-08-2008 04:26 PM

مادام انتا ساكن فى القاهره يبقى الاحسن ليك تلاقى حد هناك و الموضوع مش صعب اوى يعنى
المهم واحد فاهم كهرباء بس
دى حاجه و ثاينا فى ميزة كمان فى موضوع التركيب انتا لو ركبته مع الانذار هايكون فى لبخ كتير فى التوصيلات و لو لاقدر الله حصل حاجه فى الانذار وحده الرفع هتتوقف عن العمل معاه يبقى من الاجدى انك تركبه مع السنتر دا غير ان العربيات اللى بينزل فيها وحده رفع على ما اظن انها بتشتغل مع السنتر