السلام عليكم يا رجاله اوبل
هدخل في الموضوع علي طول ,, كنت عامل موضوع قبل كده عن صوت تكتكه في كورسا
http://www.nilemotors.net/Nile/331648-2005.html
.
الاخوه قالولي ان ممكن يكون الصوت من الكوستبنات و ان دي مشكله زيت .... و فعلا غيرت الزيت و استعملت فلاش اويل ( جبته من بنزينه شيل ب 17.5 ) و حطيبت زيت تخليقي 5w40 ب 270 ال4 كيلو
عملت شويه صيانه
قلتر زيت من التوكيل 25 ج
بوجيهات جي ام من التوكيل (1 شمعه ) 110 ج
فلتر بنزين 45 ج
فلتر هواء 55 ج
و مصنعيه تغير 40 ج
.
بس للاسف صوت التكتكه فضل زي ما هو ... الميكانيكي فتح غطا التكيهات و بص علي الكامات .. كان الاربع كامات اللي علي اليمين تاحيه الموبينه متاكلين ( مخربشين مش بيلمعوا زي الباقي )
.
كده يبقي هنحتاج نغير عمود الكامه بالهيد بالشواكيش ( لان اكيد هتكون اتاكلت من الكامه من كتر التخبيط فيها )
.
سالت علي الاسعار و كانت ... للجديد
عمود الكامه لوحده من التوكيل ب 950 ج
عمود الكامه بالهيد من وطنيه 500+750 = 1250 ج.و سعر الشاكوش او الكوستبان الواحد ب 65 ج
عمود الكامه بالهيد من عند البوشي 450+500 = 950 و سعر الشاكوش او الكوستبان ب 60 ج

و الاسعار للاستيراد
انا سالت في الحرفين بس .. سالت عند 4 كان السعر بين 650 ل 750 (للعمود بالهيد )
...
بعد كده بتكلم مع صحبي بالصدفه .. طلع يعرف الشيخ هيثم بتاع اوبل اللي في الحرفيين ..قالي تعالي نجيب من عنده الحاجات و نعمل الشغل عنده ...و انا بارضو كنت قريت هنا علي المنتدي انه كويس
.
ف اتقابلنا امبارح و اتوكلنا علي الله طلعنا الحرفين في حدود الساعه 1 الضهر ..ملقناش هيثم هناك ..بس لقينا امير اخوه ... هو شكله محترم و بيتعامل باحترام مع الناس.. انطباعي عن الورشه ... هي واسعه اوي فيها بتاع 4 عربيات فيكترا a و 2 فيكترا b و 2 فيكترا c و 1 كورسا ... بس عيبها الزحمه و الوقت
...
الحوار كالاتي
أنا : الموتور فيه صوت تكتكه و انا شاكك في الكوستبنات او الكامات
هو : اعمل معاك واجب .... غير المكنه !!!!!
انا :كان رد فعلي

قولتله لا .. اعملي صوت التكتكه بس ..
هو : ماشي هتسيبلي العربيه تبات عندي .. عشان هحل وش السلندر و اغير الجوان و اغير الهيد و الكامات و المياه و الزيت !!!1
انا : تاني
( كلمت استاذ فادي ربنا يكرمك ... اساله هو لازم افك وش السلندر ...قالي لا متفكش وش السلندر و ينفع يتغيير الكامات من غير ما نحله )
رجعت تاني ل امير بقلب جامد بقي .. قولتله مش عايز افك وش السلندر
هو : لا مينفعش و لازم نفك و دي نضافه و .........
انا : خلاص شكرا انا هاخد العمود و الهيد و خلاص
.....
عموما قالنا في الاول العمود بالهيد و 8 شواكيش و 8 كوستبنات و 8 اطباق ( تحت الشواكيش ) ب 1000 ... و في الاخر خدناهم ب 800 ...و هو حلهم من علي مكنه .., هو من نفسه قالي لو فيهم حاجه رجعهم و خد فلوسك ...
.... خدت الحاجات و مشيت من الحرفين علي الساعه 5 تقريبا ... , , و روحت علي الميكانيكي اللي بشتغل معاه في مدينه نصر . الحي السادس
,, للموضوع بقيه