الموضوع: غيرت عمود الكامات

المشاركة الأصلية كتبت بواسطة kar!m

ربنا معاك .. أنا غيرته مرتين قبل كده .. بس كان اتكسر مكانش صوت تكتكة.

http://www.nilemotors.net/nile/299914-a.html

الأضمن انه يغير جوان وش السلندر .. عشان مسامير الهيد هيّ اللي ماسكه وش السلندر في البلوك .. و لما هيفك الهيد الوش هيتحرك من مكانه و بالتالي الجوان يفضل يتغير.

كنت قريت الموضوع دا قبل ما اروح ..و كان في موضوع تاني علي ما اتذكر
بس المشكله اني مغير الزيت اول امبارح ب 270 و المياه من شهر تقريبا 70 جنيه
دا غير ان سحبها حلو .. و كنت عامل اختبار كبس كان جايب 13

المهم ... وصلت للميكانيكي علي الساعه 6 ... شاف العمود و الهيد و الشواكيش و الكوسيتبانات قالي حلوه ..
قولته هتاخد شغل قد ايه قالي ساعه ان شاء الله .. سيبنا العربيه تبرد نص ساعه ..بعد كده دخلتها الورشه .. اول حاجه فتح قربه المياه عشان متكونش المياه مضغوطه ,,,
بدا يفك خراطيم الزيت اللي فوق وشال البوجيهات و فك غطا التكيهات ... و فك الكاتينه و و ترس الكامه .. و فك مسامير اللي رابطه الهيد بالوش بال بلوك ,,اول ما فك ال 10 مسامير الطوال دول جوان وش السلندر جاب ميه
, ,
بعد كده شال الهيد بالكامات القديمه ... بصراحه متبهدله .. فيهم كامه قربت تبقي مدوره ... للاسف نسيت اصورها ... لما انزل للعربيه هصورهالكو ... دا غير ان الشواكيش ممسوحه
.
ركبنا الكوستبنات الجداد و الشواكيش و الهيد ..و قفلنا ... و ربطنا غطا التاكيهات ,,,و لسه هنركب الموبينه ... للاسف .....مفيش مكان لل3 مسامير اللي بيركب فيها الموبينه
:...
بصراحه ساعتها ضحكت و استغبيت نفسي اوي
عشان افتكرت الموضوع دا ل كريم
http://www.nilemotors.net/Nile/299914-a.html و ان المشكله دي حصلت معاه ....
ف قولت للميكانيكي جرب كده تركب الكامه الجديده علي الهيد القديم اللي عندي ...هو اصلا مش كان متاكل و شكله كويس .,...
فكينا كل حاجه تاني ,,,و وش السلندر جاب ميه تاني .
و الحمد لله الكامه الجديده ركبت علي الهيد القديم ....و ركبنا كل حاجه تاني ....بس قبل ما نركب البوجيهات ... الميكانيكي قالي اديها مرش عشان نطلع الميه من غرفه الحريق ...
فعلا دورت المارش ... طلع مياه كتير ......
ركب البوجيهات .... ودورنا ....
..
..
الحمد لله دارت الساعه 9 بليل .. صوتها كان عالي اوي في الاول ... بعد كده هدي ... بقي ناعم ... و مفيش تكتكه ,,,, مكنتش مصدق من الفرحه..
..
بعد كده قولت ابص علي الزيت ..... لقيته مطحن :)))))) و مفهوش لزوجه خالص (اختبار الصوابع :))) )
الميكانكي قالي عادي سيبها دايره ربع ساعه هتلاقي الزيت رجع للونه ....بصتله كده و قولتله ايه الفتي دا :))) قالي سيبها و نشوف و مش محتاج تغير زيت

فعلا سبتها دايره و روحت اشوف حاجه اكلها و المكانيكي كان بيشوف عربيه استرا بتغير مساعدين باين ....
رجعت بعد ربع ساعه بشوف الزيت ... لقيته اغمق شويه و بقي فيه لزوجه شويه ..
اديته مصنعيته 120 جنيه و مشيت و الحمد لله السحب حلو و مفيش صوت و عجبتني ...
عملت كام مشوار كده .... روحت البيت علي الساعه 3 بليل ... بشوف الزيت لقيته غامق و لا اكنه كان مطحنه.....

ايه رايكوا بقي .. اغير الزيت و الا اسيبه ,,, انا شايف لونه بقي غامق تاني و فيه لزوجه ...؟؟؟؟

كده اجمالي المصاريف في اليومين دول
فلاش اويل 17.5
زيت 270
فلتر زيت 25 ج
بوجيهات 110 ج
فلتر بنزين 45 ج
فلتر هواء 55 ج
مصنعيه تغير 40 ج
العمود بالهيد و 8 شواكيش و 8 كوستبنات و 8 اطباق 800
مصنعيته 120
الاجمالي 1500 ج

بس ممكن ارجع الهيد الجديد اللي مستخدمتوش تاني ل هيثم ... مش عارف بقي هياخده و لا لا ... و هياخده بكام ؟؟


بس اجمالا بغض النظر عن المصاريف الصوت التكتكه كان مجنني و مضايقني بجد ....و الحمد لله خلصت منه

المشاركة الأصلية كتبت بواسطة kar!m

يا سيدي كنت بالمره تغير جوان وش السلندر .. مانت كده كده فاكك.

منا بصراحه خفت لتطلع حاجه تانيه .. و كنت فاكر كلمه طناني ( محدش يحضر العفريت و يفتح الموتور ) .. مكنتش عايز وش السلندر يتحرك من مكانه

المشاركة الأصلية كتبت بواسطة kar!m

بالنسبة لموضوع الزيت .. بصراحه الأصح انك تغيره .. أنا مش عارف الميكانيكي ليه منزلوش قبل ما يشتغل ما دام انت جايب زيت غالي.

المشاركة الأصلية كتبت بواسطة kar!m

او كان فضي المياه ,, و اهو جركن المياه ب 65 جنيه مش حوار .... الواحد مش بيتعلم ببلاش

المشاركة الأصلية كتبت بواسطة kar!m

الحاجه الأهم .. ان الصوت يكون راح و العربية بارده الصبح.
مش عارف المفروض متقرصش على العربية لحد ما العامود يطبع مع الهيد ولا لأ.

لسه هحربها بقي ,,,,
مش عارف موضوع يطبع دا ,,, بس انا امبارح اصلا جبت 160 علي الدائري و انا مروح الساعه 3 بليل ...