اهم مشاكل دهان عربيتك وطرق علاجها

**michohat** · 01-09-2008 12:19 AM

قابلت مع الدهان مشكله مش عرفت حلها ايه وهيا ان بعد العربيه ما اترشت لاحظت بعد الاستلام ان فى مناطق فى البوية لما بشوفها فى انعكاس النور بلاقيها عامله زى منظر الجلد خطوط طول وعرض عشوائية بنفس لون الدوكو
فوديتها لبتاع الدوكو تانى وسبتها له فراح ساحق العربية كلها تانى و دخلها رشها كلها تانى
دلوقتى بعد ما استلمتها لاحظت برضة نفس الحكاية ان فى مناطق فى الدوكو شكلها شكل تقليمة الجلد وبنفس لون الدوكو ومش مطقطقة ولا مشقشقة
فدى من ايه؟

**MotorX** · 03-10-2008 05:41 AM

المشاركة الأصلية كتبت بواسطة michohat

قابلت مع الدهان مشكله مش عرفت حلها ايه وهيا ان بعد العربيه ما اترشت لاحظت بعد الاستلام ان فى مناطق فى البوية لما بشوفها فى انعكاس النور بلاقيها عامله زى منظر الجلد خطوط طول وعرض عشوائية بنفس لون الدوكو
فوديتها لبتاع الدوكو تانى وسبتها له فراح ساحق العربية كلها تانى و دخلها رشها كلها تانى
دلوقتى بعد ما استلمتها لاحظت برضة نفس الحكاية ان فى مناطق فى الدوكو شكلها شكل تقليمة الجلد وبنفس لون الدوكو ومش مطقطقة ولا مشقشقة
فدى من ايه؟

ده ممكن يكون من حاجات كتير ، مثلا يكون البوهيجي بيستعمل تنر سريع وده في المساحات الكبيرة زي سقف العربية مثلا تلقي جزء من البوية شمع قبل مايلحق يكمل بقية السطح وفروق البوية بتبان ، أو ممكن تكون مشكلة في الكابينة الولاعة فيها عيوب بتنشف جزء قبل التاني ، وفي حركة بيعملها بتوع الدوكو مع البوية المصري للالوان العادية وده انه بيضيف شوية ورنيش على الوش الاخراني من البوية علشان تديله لمعة وده لو ما اتعملش بحرفنه بيخلي البوية تلم (تكرمش) وبيبقى عيب صنايعي ، عموما بدل ماتسحق وتدهن كتير ممكن بعد البوية ما تعضم تنسحق بصنفرة ناعمة جداااااا وبعد كده تتلمع بطاقية على صاروخ.

تحياتي.