الموضوع: فوجات البي واي دي ... دراع النور لتشغيل الفوجات

المشاركة الأصلية كتبت بواسطة ehabpopo

شكرا يا بيتر على المعلومة القيمة .... ممكن تقولنا على اسعار التركيب ... ده اولا
ثانيا : انت لية ماصورتش تركيب الشبورة ... علشان الناس بردة تتأكد ان فيش الفوانيس موجودة وواصلة للاكصدام ... احنا عارفين كدة بس زيادت تأكيد برده للناس اللى عايزة تتأكد ... واحكيلنا هو عمل اية بالظبط فك الاكصدام كلة ولا فك الكرتيرة من تحت الاكصدام فقط ولا عمل اية بالظبط ... وشكرا ليك يا باشا

بص يا استاذ ايهاب
بالنسبة لسعر التركيب هو خد 30 جنية حق تركيب و 20 كتاوت لزرار الشبورة التاتش علشان يحافظ علية و قالى كدة يعش معاك عمر طويل
بصراحة حكاية الصور دى مجتش فى بالى لان استاذ ابو جينى قال انة ركبهم و حضرتك اشتريت الكشافات فقلت يعنى انا مضفتش اى جديد و بعدين انا رحت بالليل و هو راجل كبير فى السن و كنت بساعدة شوية فجاش فى بالى ان اصور
انا هنزل ابص على حاجة بالنسبة لنور الاكصدام الخلفى علشان انا شوفت افكار و عايز اشوفها فهصور الشبورة و ارفعها كمان شوية
بالنسبة للتركيب
فك مسمرين بس اللى فى اخر الكرتيرة و فك مسمار الماكيت اللى منظر و شد الفيشة و ركب الجديد و ربط تانى كل حاجة و بعدين قعد يظبط مفتاح الشبورة و بعدين راح مركب الشبورة التانى و بقى تمام
بس انا اخدت وقت علشان هعدنا نتكلم على السيارة و التوكيل
على فكرة الراجل دة بيصلح الامبوليزر بتاع العربية و لحد ما ساب التوكيل بمشكلة بيبعتولو تصليح لحد دلوقتى على كلامة و ساعات بيبعتلوة شغل من فرع الشرابية و كان عامل اختراع امان للعربية حلو لدرجة انك لو نسيت المفتاح فى العربية و نزلت منها و مشيت لو حد حب يشغلها و يمشى تعمل انذار و متتحركش و قالى دى برأة اختراع وورانى جرنان كان عامل معاة حديث على الانذار الجديد
و بيصلح اى اعطال كهربا فى العربية وورانى قطع الغيار
بأمانة راجل عفريت و زى العسل -- الراجل دة بالنسبالى كنز علشان انا كنت سألت كتير و عرفت من مش اى حد يعرف يتعامل مع كهربائ العربية
فكنت عمال ادور على حد جرب كهربائى كويس و الحمد للة وصلت و قلت افيد اللى بيدور بردو

المشاركة الأصلية كتبت بواسطة bassem.naguib

ألف مبروك يا بيتر باشا .. ومستنيين المزيد من الانطابعات عنها وعن تركيبها .

وبالنسبة لقوة الفوجات .. مسألتش ليه إذا كان ممكن يركب عليهم حاجة أقوى من غير ما تأثر أو يحصل ضرر في حاجة .

ها يا شباب حد ليه تعليق أو إضافة تتقال .

اللة يبارك فيك يا استاذ باسم
بالنسبة للتركيب انا لسة كاتبة لاستاذ ايهاب
قوة الاضائة ضعيفة -- انا كنت هجيب لبمات فيلبس رالى 55w - h3
بس لما لفيت على النت لقيتها قليلة فى السوق ول ما سألتة قالى هات واحدة من اى واحد بتاع كماليات سيارات ملقتش غير 100 وات و دة كتير على الكشاف
و بصراحة انا كنت فرحان و مستعجل انى اركبهم و خصوصا لما عرفت انهم هيركبو على مفتاح الشبورة دة
بالنسبة للضر على المفتاح
هو ركبلى كتاوت للمفتاح نفسة مش للكشافات علشان تحمى المفتاح
و فى نفس الوقت قالى انة شغل الكشافات نفسها على الكتاوت بتعات العربية و قالى انها 55 وات
و ممكن اجيب اى لمض عايزها و ابقى مطمن و بقى يسمعنى كل ما يشغل و يقفل فى صوت طالع من الجزء اليمين من التبلوة قالى دة صوت الكتاوت الاصلى اللى شغالة علية الكشافات
انا شارح كل حاجة و اى استفسار انا موجود --
و ياريت لو فى مقابلة يا استاذ باسم ابقى نبهنى برسالة خاصة لانى مش بدخل كل يوم و بنسى اصلا - معلش هتعبك معايا

المشاركة الأصلية كتبت بواسطة ابوجنى2112

مبروك يابيتر........ بس خلى بالك..... ( كلام اخوك الكبير يصير ياحسنين ) اقرأها بالصعيدى....ههههههههه.
مفتاح الشبورة الخلفى ..فيه احتمال.. انا بقول اهه..فيه احتمال ...
لما تغير اللمبات ...وتجيبها 55 .. نوع نضيف... زى فليبس رالى مثلا.... انه يبوظ..
طيب مادام هو عدل فيها أصلا ..كان ركبها على النور الصغير اللى هو فى الدراع الاصلى.. وبدون اى تعديلات منه...
اللهم بلغت.... اللهم فاشهد......ومبروك مرة تانية ياحبيبنا.... وارجو يكون توقعى مش فى محله...وكتاوت الشبورة الخلفى هو
الحكم...
وفليبس رالى تباع عند توكيل هاشم باص... ولكن اسف انا مش فاكر العنوان حاليا...اصلية ونور 100/100

اللة يبارك فى حضرتك
انتم السابقون و نحن الاحقون -- جول يا كبير
بص حضرتك يا باشا
هو خيرنى انى اشغلة مع النور الصغير فعلا يعنى اول ما اشغل نور التبلوة ( اللى هيا اللمبة اللى زى السهارى ) الفوجات تشتغل
بس انا مردتش لان نور الشبورة معروف انة بيتحرق كل شوية و بيسخن و كلة مشاكل
فقلتلة انا عايز اتحكم فية منفصل سواء مع العالى او الواطى او السهارى اطفية و اشغلة زى ما احب
بالنسبة لزرار النور هو زى ما ذكرت ركب كتاوت امبير عالى مخصوص للزرار علشان يحافظ علية و فى نفس الوقت شغل الكشافات على الكتاوت الاصلية للعربية و لما سألتة قالى هات اى لمض 55 واط و ابقى مطمن من الزرار و من الكتاوت
و هستأذنك لو افتكرت فين مكان التوكيل او تيلفونة قولى لان حضرتك ركبت الفوجات و شوفت نورها عامل ازاى
تحس انة عايز زقة علشان يقوم هو منظر فقط
بس عايز اقولك ان حضرتك اللى شجعتنى على نور الشبورة
شكرا

و ادى الصور علشان يبقى الموضوع كامل
سامحونى على جودة الصورة
--------------------
دى صورة تبلوة العربية اثناء تشغيل الفوجات


Uploaded with ImageShack.us


Uploaded with ImageShack.us


Uploaded with ImageShack.us
اتمنى الصور تعجبكو

الف شكر للاخ الكريم صاحب الموضوع والف مبروك تركيب الفوجات ويسترها معاك ويكفيك شرها ولى سوال بسيط ارجو الرد علية بعد اذنك ممكن اشغل الفوجات بدون ما اشغل النور الوسط خد بالك مش الشمعة انا اقصدى بعد ما اشغل الشمعة اللى هوا السهارى اشغل الشبورة بدون النور الوسط ولا لازم اشغل الوسط اشكرك وشكر وتقدير الى جميع الاخوة الافاضل اللى بيفدونا بما هوا جديد لكم كل التقدير والاحترام

المشاركة الأصلية كتبت بواسطة bassem.naguib

أيه يا عم بيتر .. انت بتضرب الكشافات في عنينا ولا أيه .. عميتنا يا أخي ربنا يسامحك .. هههههههه

تسلم أيدك على رفع الصور يا باشا .. بس من رأي حيبقى من الأفضل لو الصور كانت للإضاءة نفسها مش للكشاف وعلى مسافة (ويا حبذا لو كانت في منطقة ضلمة نسبياً علشان قوة النور تبان .. بس مش مسئول لو وقفت في حتة ضلمة وطلع عليك واحد وثبتك .. هههههههه) .


وتقصد مين بالبخل يا إيهاب ..

ايوة علشان اى واحد يضرب العالى فى وشى اعمية -- مش حضرتك طبعا يا استاذ باسم
على فكرة انا عايز اقولك ان النور اللى شغال فى الكشاف اللى فوق دا نور السهارى مش الوسط
دا لو النور الواطى شغال مكنش هيبقى فى صورة اصلا
مش انا قلتلك قبل كدة انة ادانى اختيار انى اشغل الفوجات يا اما مع السهارى او النور الواطى او اطفية او انورة فى اى وقت و مع اى نور
فالنور اللى فى الصورة مع الفوجات دة النور السهارى
بالنسبة ان اصور تانى
اصلا انا كنت محرج و انا بصور علشان فى ناسى كتير متفهمش كلام المنتديات دة
لكن بالنسبة لاضاءة الفوجات مش حلوة و ضعيفة بس هيا رسمت العربية مش اكتر لكن شوية كدة و هجيب لمض فيلبس رالى علشان تيبقى فوجات بجد
بالنسبة علشان لو حد ثبتنى -- انا تحت بيتنا فلو حاول يثبتنى انا اللى هثبتة و هطلب فدية علية كمان

المشاركة الأصلية كتبت بواسطة ابوجنى2112

قوله وحياتك ياباسم ..دا مادفعش نصيبة فى ال 129.5جم اللى علية لغاية دلوقتى....خلية يدفع الاول احسن هاعترف عليه....ههههههههههههه

هو انا اسمى فى لستة الاسماء اللى هتدفع
هههههههههه دا انا معطلكوش انا من بكرة هدخل بأسم جديد
و معاك ربنا يا استاذ ابو جينى -- معطلكوش

المشاركة الأصلية كتبت بواسطة abomona

الف شكر للاخ الكريم صاحب الموضوع والف مبروك تركيب الفوجات ويسترها معاك ويكفيك شرها ولى سوال بسيط ارجو الرد علية بعد اذنك ممكن اشغل الفوجات بدون ما اشغل النور الوسط خد بالك مش الشمعة انا اقصدى بعد ما اشغل الشمعة اللى هوا السهارى اشغل الشبورة بدون النور الوسط ولا لازم اشغل الوسط اشكرك وشكر وتقدير الى جميع الاخوة الافاضل اللى بيفدونا بما هوا جديد لكم كل التقدير والاحترام

زى ما ذكرت قبل كدة يا استاذ ابو منى
الفوجات ممكن تشغلها مع النور السهارى او الوسط او العالى
و بتشغلها و تتطفيها اى وقت عادى جدا -- متقلقش