والله يا باشا هو موضوع الكوسه ده بدا ينحسر كتير اوي عن المرور انا من حوالي شهركنت بجدد رخصه العربيه وبعملها باسمي لاني كنت ماشي بتوكيل
وكان معايا عسكري من مكتب قياده عاليه جدا من قيادات البلد بيخلصلي الاوراق وكان الراجل معايا دايما علي الموبايل خطوه بخطوه
اولا: المخالفات كانت 100 جنيه دفعوهالي من غير اي خصم (سير عكس الاتجاه )
ثانيا : اشتريت طفايه الحريق مع انه المفروض واني رايح بواسطه زي ده واكنت من قيادات المرور في يوم من الايام اني مشتريهاش بس قالوا دي حاجه احنا منقدرش نعملك فيها اي استثناء
ثالثا :تم فحص العربيه ورفضها بس دي عدت بالواسطه
المهم يعني انا عاوز اوصل لحضرتك اني تقريبا قعدت يوم واحد في المرور بس ودي كانت فايده الواسطه بصراحه
وقدام عيني ناس كتير دخلت وكان اخرهم خصوصا في المخالفات الحد الادني (اللهم الا اذا كنت لابس جيبه وانت داخل ومرفوعه فوق الركبه بقدر لا يراه الانسان كل يوم )
انما غير كده فانا سمعت ان فيه لجان بتنزل تراقب وتتابع المرور علشان الحاجات دي
فانا شايف انهم بيحاولوا يظبطوا الموضوع واتمني انه يتظبط
بس برضه احب اقول حاجه
لما يكون ان المخالفه حتتحصل وقت حصولها ماهو برضه الواسطه مش فاضيلك كل شويه يكلم الظابط علشان يطلعك(الا لو كان ابوك)
يعني انت الاول كنت بتحتاج الواسطه مره واحده ساعه التجديد
انما في ظل الاوضاع الجديده فلو محترمتش نفسك حتحتاجه كل يوم او يومين
ويمتهياليش ان فيه حد مننا عنده واسطه من النوع ده واللي حيستحملك النهارده مش حيستحملك بكره
فاكيد الوضع حيتغير والناس حتلم نفسها بصوره كبيره