الموضوع: ما هورأيك في قانون المرور الجديد والضرائب المفروضه على السيارات؟

أنا رأي أن القانون كويس لو استطاع أن ينظم الفوضىالموجودة في الشارع المصري
يس ده بشرط أن يتم تطبيقه على الكل ولا يكون وسيلة لرفع رسوم الرشاوي
وكذلك الضرائب بس يتم استخدامها في تحسين الطرق.
أما نشوف كله حيبان.

بصراحة معمول لمصلحة ناس وضد مصلحة ناس تانية اللى هما الطبقة الكادحة من الشعب المطحون بمعنى المظلومين هما بتوع الاجرة والتاكسى وطبعا لمصلحة ناس عشان الحقيبة اللى هتشتريها رغما عن انفك والمثلث كمان وكله هيرزق

المشاركة الأصلية كتبت بواسطة amir

قانون سيفتح الباب للرشاوي بطريقه غير مسبوقه و ده بسبب ان في عقوبات حبس كتير و ده لو اتتطبق هيعمل هزه قويه في النظام الاجتماعي و خلل رهيب في الاستقرار الاسري,تخيل واحد رايح الشغل يقوم يترحل علي السجن و ده ممكن يكون متجوز و مخلف و بيشتغل في شركه خاصه محترمه و اكيد هتفصلو و الراجل لما يخلص سجن مش هيعرف يشتغل في حته, ده غير لو كان الموضوع هيتم تطبيقه علي الاناث هتبقي العمليه صفيحه قمامه كبيره حيث لن يسمح اي اب او زوج شرقي ان تأخذ بنته او زوجته الي السجن خصوصا ان الجريمه كلاكس او اي شيء تافه اخر من قوانين الجبايه و النكايه في الشعب
و انا شايف ان كان واجب علي اعضاء مجلس الشعب رفض القانون الجديد الي ان يتم تعديله ليناسب الواقع بدلا من القاء اللوم و العقاب علي المواطن , لأن لو المرور شايف ان المشكله تكمن في المواطنين يبقي يقعدو في بيتهم و يخلو الناس العاديه تنظم المرور بدلا من القوانين العنتريه اللي هتتسبب في مشاكل لا اول لها ولا اخر
وربنا يرحمنا بقي

تمام كدة

انا داخلة عشان اقول نفس الكلمتين دول

بس حضرتك اوزجزت و انجزت فعلا

أنا قريت معظم القانون مش كلوا بس إستنجت إنه قانون فاااااااااااااااااااااااا ااااااشل
همهم الشاغل في القانون الجديد حقيبة الإسعاف والمثلث الأهبل السجاير والأكل والحزام إللي ملوش لازمة داخل المدينة لأنك ببساطة ماتعديش ال 40
كان المفروض بدل إللي عاملينه وسجاير ومثلث وكلام فاضي مثلا يعملوا:
- يطلعوا عربياتهم الكامري والكيا سورنيتو والأوكتافيا تجوب الشوارع زي عربيات الدورية إللي في السعودية وتدي مخالفات لسواقين النقل الحشاشين إللي بيمشوا على الشمال ومن غير أي نور ومحملين رمل مش متغطي
- يراجعو السرعة القصوى للطرق كتيير منها المحور يترفع على الأقل ل 100
- يطلعوا بند لحبس وتغريم الملاعين إللي بيركنوا على الشمال وبهددوا حياتنا يوميا خصوصا على المحور

أموووت وأعرف إزاي مفيش دوريات شرطة في مصر بتلف في الشوارع ده إيه البلد العجيبة دي حسبي الله ونعم الوكيل فيكي يامصر حسبي الله ونعم الوكيل

يا جماعه القانون ده ليه أيجابيات وسلبيات يعني

بعض أيجابياته:1.قادر على تنظيم الفوضى جيد جدا.
2. توفير السلامه والآمان لسا ئقي السيارات.
3.الي مش عجبه أوي القانون ده هيكون هما السائقين المتهورين.
4.أحنا مش هنبص للعقوبات الحاسمه والمبالغ فيها وده لآن القوانين مظبوطه ويجب اتباعها لآننا لو مش اتبعناها مش هنعرض نفسنا للخطر وبس أحنا هنعرض حياة ناس تانيه كتير أبرياء.


سلبياته:1.زي ما أنتم عرفين أنه سبوبه حلوه للضباط والعساكر
2.العقوبات مبالغ فيها لدرجه عاليه جدا وكأن الي هيغلط هيروح النار
3. نتمنى انه يطبق على الكل.

بسي يا جماعه أحب ألفت نظركم لحاجه مهمه جدا الادار لابيفرق بين أي حد يعني أنا ليه واحد صديقي وكيل نيابه راح يجدد الرخصه وجد انه في مخلفات ب500 جنيه علشان الادار سجلوا الادار ده حاجه كويسه جدا وشكرا على مشاركتكم ومستنين مشاراكاة جديده.

المشاركة الأصلية كتبت بواسطة amir

قانون سيفتح الباب للرشاوي بطريقه غير مسبوقه و ده بسبب ان في عقوبات حبس كتير و ده لو اتتطبق هيعمل هزه قويه في النظام الاجتماعي و خلل رهيب في الاستقرار الاسري,تخيل واحد رايح الشغل يقوم يترحل علي السجن و ده ممكن يكون متجوز و مخلف و بيشتغل في شركه خاصه محترمه و اكيد هتفصلو و الراجل لما يخلص سجن مش هيعرف يشتغل في حته, ده غير لو كان الموضوع هيتم تطبيقه علي الاناث هتبقي العمليه صفيحه قمامه كبيره حيث لن يسمح اي اب او زوج شرقي ان تأخذ بنته او زوجته الي السجن خصوصا ان الجريمه كلاكس او اي شيء تافه اخر من قوانين الجبايه و النكايه في الشعب
و انا شايف ان كان واجب علي اعضاء مجلس الشعب رفض القانون الجديد الي ان يتم تعديله ليناسب الواقع بدلا من القاء اللوم و العقاب علي المواطن , لأن لو المرور شايف ان المشكله تكمن في المواطنين يبقي يقعدو في بيتهم و يخلو الناس العاديه تنظم المرور بدلا من القوانين العنتريه اللي هتتسبب في مشاكل لا اول لها ولا اخر
وربنا يرحمنا بقي

السلام عليكم ورحمة الله وبركاته

كلام حضرتك مضبوط بس فى شوية ايضاحات اود ان اذكرها لحضرتك وللاخوه بالمنتدى
بالنسبه للعقوبات التى ذكرتها حضرتك فان القانون ينص عليها كلاتى : يتم العقاب بالغرامه والحبس او احداهما
وهذا يعنى انه من الناحيه العمليه لتطبيق القانون لا يوجد حبس ليه ؟؟ لان المشرع ذكر انه يمكن ان تستخدم احدى العقوبتين ( وقال: او احداهما ) وذلك معناه انه نيابة المرور او المحكمه المختصه ستطبق عقوبة الغرامه وده العرف الى ماشيه بيه المحاكم منذ قديم الاذل وحتى الان
يعنى اطمن يا باشا مفيش حبس ولا حاجه ( وان كان حد عنده رأى اخر ارجو ان يذكره للافاده وجزاه الله خير )

اما بالنسبه للغرامات فديه بقى المصيبه الكبرى والتى لا يقبلها عقل ولا منطق ولا حتى فى الخيال والاحلام
انا حاسس ان الناس الى عملوا القانون ده من عالم تانى غير الواقع لانهم مشددين العقوبات جدا وفاكرين اننا فى لندن ولا فى امريكا
طيب انا عاوز اسأل سؤال هو دخل الفرد كام فى مصر (كمتوسط لل80 مليون ) ؟ يعنى الواحد منا يبقى ماشى فى امان الله ويجى اخر العام يلاقى عليه بهذا القانون ما لا يقل عن 20-30 الف جنيه مخالفات وده طبعا علشان العسكرى ولا الامين الى واقف بيكتب النمر الى لازم يسلمها للباشا الضابط اخر اليوم علشان يقوله انت كده تمام !!
وطبعا حضراتكم عارفين انه هو ده الى بيحصل وفى الحاله ديه مالناش الا وكيل النيابه هو الى بينصفنا ( لانه فى الاخر زينا ) وعارف الى بيحصل من الناس الى عماله تكتب النمر وبتسلمها اخر اليوم وخلاص

احنا لو عاوزين المرور يبقى 100% مش محتاجين هذه العقوبات المشدده احنا عاوزين عداله فى تطبيق القانون وده بس هو الى هيخلينا نحترم القانون

دمت بود مع احترامى وتقديرى

يعني أفهم من كلام حضرتك أنا ألي بختار أدفع ولا أنحبس؟ وشكرا لمشاركتك معانا