أسئلة مهمة خاصة بالفيكترا b

**felash** · 26-01-2013 09:31 AM

عندي لما العربية تكون باردة واجي اشغلها بسمع صوت تكتكة وكنت فتحت الكبوت وسمعته ولقيته تقريبا جاي من عند العلبة السودا اللي في جنب الموتور اللي فيها سير الكتينة .......... بس لما العربية تمشي شوية وتسخن بيروح وعلى فكرة الموضوع ده ظهر في الشتا بس .... وانا رفعت مقطع صغير كنت سجلت فيه الصوت ده ... يا ريت تساعدوني وتردوا عليا
2- كنت عاوز اغير كاوتشات العربية وانا الكاوتشات عندي مقاس 195/65 r15
فكنت عاوز اعرف الانواع القويسة واسعارها كام تقريبا يعني وهل ينفع العب في المقاس بدون ما اغير الجنط او يأثر على العربية
موديل السيارة 2002 فيكرا اوتو gls
رابط المقطع بتاع الصوت :: http://www.mediafire.com/?bx1yr7wj7r16gbw

**Driver101** · 26-01-2013 09:42 AM

السلام عليكم ورحمة الله

الصوت بيفكرني بصوت عمود الكامة عندي لما كان متآكل لكن ربما أكون مخطأ، على العموم أنا متأكد إن فادي هيقدر يدلي بالقول الفصل في هذه الجزئية.

إن شاء الله خير.

**فادى محمد** · 26-01-2013 05:48 PM

-طالما الصوت بيظهر والموتور بارد ويقل او يختفى بعد وصول الموتور لدرجة الحرارة الطبيعية يبقى الكوستبانات عايزة تتغير
-انما لو الصوت مستمر علطول يبقى دلائل الصبابات(الشواكيش)
-اصبر عليها شويه هى لسه فى اولها وبعدين غير الطقم كله كستبانات وشواكيش من موتور استيراد تكون حالته حلوة لانهم جداد هيكلفوك ربنا يوفقك تحياتى

**فادى محمد** · 27-01-2013 10:50 AM

كلام الميكانيكي مظبوط فعلا
زي ما قولتلك اصبر عليهم شويه مفيش ضرر دلوقتي وممكن فعلا الصوت يروح لوحده بس واظب علي تغيير الزيت في مواعيده
-بالنسبه للكاوتش انصحك تركب نفس المقاس اللي عندك لان اللعب والتعديل فيه بيسبب مشاكل في العفشه
يعني لو زودت ال195 علشان تعرض الكاوتش هيعمل دبدبه فظيعه وصوت عالي ويتقل الدركسيون ويستهلك بنزين اكتر كل ده نتيجه انك زودت المقاومه بين الكاوتش والارض وطبعا العفشه هتزعلك
ولو قللت ال65 العربيه هتوطي وهتحك منك ,,