الموضوع: ربنا يستر بورسعيد والعة دعائكم

ربنا يستر
والضحايا وصلوا 26
ربنا يصلح الحال

المشاركة الأصلية كتبت بواسطة moody_687

ياجماعة الناس ف بورسعيد بيضربوا المراكب بالرصاص يعنى لمؤخذة الهبل بعينه والبلطجية شغالة الله ينور
مصر بالطريقة دي بتدمر
لو إسرائيل هاجمت مصر، سنتوقف عن كل هذا الجدل لندافع عن بلدنا. لكن إسرائيل عمرها ما هتعمل كده وفقا لنظرية ؛ لما تجد عدوك يدمر نفسه ، فلا تقاطعه !

اعتقد ان هذه هى وجهة نظر الاخوان ايضا

ربنا يحفظ مصر من الفتن ما ظهر منها و ما بطن و يكفينا شر انفسنا

فين ولاد أبو إسماعيل يا رجالة
الراجل دة إللى بيخلص

المشاركة الأصلية كتبت بواسطة dolly13

اعتقد ان هذه هى وجهة نظر الاخوان ايضا

سبحان الله هو مين اللى شكل جماعة البلاك بلوك دا ولا مين اللى لم الفلول والتيار الشعبى والبلطجية انبارح قدام مديريات الامن والمجالس المحلية ويحدفوا على العساكر الغلابة مولوتوف وضرب خرطوش ,الاخوان برضه ولا خصمهم.

ثانيا انتو مش بتدمروا نفسكم كمعارضة , انتم بتدمروا البلد , بتقطعوا طرق -تحرقوا مقرات -تهاجموا اى واحد بدقن واى واحدة منقبة - شغلكم كله بالمولوتوف والخرطوش والصور والفيديو مش بيكدب والمحبوسين مع سبق الاصرار والترصد عاوزينهم يطلعوا ومسمينهم ثورجية .

الفكرة ومافيها انكم طلعتم العفريت اللى اسمه بلطجة وبتدافعوا عنه واعلامكم بيدافع عنه والعفريت دا مش هياكل الاخوان ,هياكل البلد بحالها عشان فى الاول وفى الاخر الفرد المضحوك عليه مايهمش بتاع السياسة ولا يهم البرادعى بتاع النمسا ولا حمدين اللى عاوز يبقى رئيس ولا عمرو موسى الفلول ولا احمد شفيق اللى بيعمل عمرة فى الامارات ولا عكاشة بتاع البط , فى الاخر وفى الاول المصلحة العامة بتحكم بس فى ناس كرهها لغيرها بيعميها عن الحقيقة ان مفيش بلد بينصلح حالها فى يوم وليلة وان مفيش بلد بتركب قطار التنمية والتطور والتخريب فيها ليل نهار دا غير ان تركة الفساد والافساد معششة للركب .


قبل ما تقولى عليا اخوان فياريت تعرفى انى عضو مستقيل من حركة ستة أبريل فى 14 اغسطس 2012 وكنت عضو فى الحركة من مارس 2010 م ويعز عليا ادخل الحركة اللى انضميت لها فى وسط جبهة التخريب اللى شغالة دلوقتى بس دا كنت متوقعه لان للاسف كل واحد بيدور على مصلحته واللى يمشى على هواه

ربنا يصلح الحال للجميع ويهدى الشعب ويعيد حالة الوفاق والحب بين جميع الشعب وينتقم من جميع المغرضين والفاسدين بكافة اشكالهم وانواعهم ومهما تخفوا وخدعوا الناس تحت اسم اى فصيل .

تحياتى للجميع وتمنياتى لكم بحياة آمنة دائما