ربنا يستر بورسعيد والعة دعائكم

**essam2z2** · 27-01-2013 02:08 AM

المشاركة الأصلية كتبت بواسطة egyption2012

لا حول ولا قوة إلا بالله
لو الإخوان نزلو الاتحادية عشان يمنعوا البلطجية من دخول القصر الجمهورية ومات من الإخوان أكثر من 7
قالوا للإخوان ليه نزلتم والقيادات بتدفع الشباب الطاهر
ولما يمتنعوا عن النزول للشارع وقت البلطجة يقولهم انتوا فين زي أيام محمد محمود
سياسة المكيالين أصبحت مقززة للغاية

والحكومة بايديها تقتل كل بلطجي دلوقتي في الشارع
لكن الإعلام الغير محترم حيسميهم شهداء وشباب مصر الواعد اللي قتلهم مرسي
ولو معملش معاهم حاجة حيبقي في نظرهم رئيس ضعيف الشخصية والمرشد بيحركه

الإخوان والنور وغيرهم من الاسلاميين اللي هم الاغلبية
بيأسسوا لبلد القانون والشرعية يعني مش حينزلوا عشان يتصادموا مع شوية عيال بتوع الالتراس وشوية بلطجية

ياباشا انا قصدى السادة المبجلين اعضاء مجلس الشعب اللى الحمد الله اتحل اللى فاكرين نفسهم مسيطرين وكل شوية فالقين دماغنا اعلبية والشارع معانا والكلام الفارغ ده اللى بيقولو فى التلفزيون طالما ليكوا سيطرة يا قيادات السلفيين والأخوان على الشارع وهدوا الناس ولا انتوا متعرفوش تشتغلوا الا فى الأنتخابات بس يا راجل ده الواحد خلاص طفح بيه الكيل

**هيثم الدسوقى** · 27-01-2013 08:39 AM

المشاركة الأصلية كتبت بواسطة essam2z2

ياباشا انا قصدى السادة المبجلين اعضاء مجلس الشعب اللى الحمد الله اتحل اللى فاكرين نفسهم مسيطرين وكل شوية فالقين دماغنا اعلبية والشارع معانا والكلام الفارغ ده اللى بيقولو فى التلفزيون طالما ليكوا سيطرة يا قيادات السلفيين والأخوان على الشارع وهدوا الناس ولا انتوا متعرفوش تشتغلوا الا فى الأنتخابات بس يا راجل ده الواحد خلاص طفح بيه الكيل

هم ليهم كلمة على رجالة جبهة التخريب وجيش شفيق ونخنوخ

دا لو واحد سلفى نزل دافع عن نفسه ومسك سكينة مطبخ بيطلع يتقال عليه بلطجى واسمع من كل الاتهامات على كل شكل ولون

صلى عالنبى يا أستاذ عصام دا جبهة التخريب دا عصابة سافلة والله العظيم
والشعب فى الاخر هو اللى بيعانى وبياخد على دماغه عشان رئيس ضعيف فى مواجهة عصابة

هنقول ايه بس

حسبنا الله ونعم الوكيل فى كل مخرب ومتواطئ

**nagy wassef** · 27-01-2013 01:11 PM

الساده egyption2012 و nooway حضراتكم عرفتوا منين ان اللى بيحصل فى بورسعيد مشترك فيه النصارى زى ما حضراتكم بتقولوا؟؟؟؟؟؟؟؟؟
و حضراتكم مش شايفيين انكم لما تقولوا كده تبقوا بتعملوا فتنة؟؟؟؟؟
و عامتا انا مسيحى و احب اقولكم ربنا يسامحكم على اللى قولتوا. و ياريت تتعامل معايا على انى مصرى زيك.... بلاش تعصب.......
و على فكرة انا جارى اللى ساكن قدامى سلفى و بحبه جدا لانه فعلا انسان محترم و على خلق و عمره ما قال حاجة تضايق لانه بيطبق تعاليم الاسلام بجد من غير تعصب....
و اخيرا احب اقولك انى انا و اخواتى المسلمين (اللى انا اعرفهم) منعرفش اللى انت بتتكلم عليه ده و بنحب بعض و بشوف فيهم سماحة و خلق الاسلام

**Omar17** · 27-01-2013 01:17 PM

المشاركة الأصلية كتبت بواسطة nooway

فلول ونخبه والنصاري المتطرفين
سبب خراب مصر
حسبي الله ونعم الوكيل

اعتقد حضرتك المعني واضح
ليست كل النصاري متطرفين في ناس قمه في الاخلاق والتسامح
والمقصود في مصر عامه ليس بور سعيد فقط
تحياتي

**nagy wassef** · 27-01-2013 01:52 PM

شكرا على التوضيح و لكن لا يوجد دليل بتدخل نصارى سواء متطرفيين او لأ
و الوقت مش مستحمل كلام من النوع ده، يا ريت كلامنا كلنا دلوقتى يدعوا للمحبة و التسامح و الدعوة و الصلاة لمصر مش اتهام بعضنا لبعض.(و اكيد دا اللى كان النبى هيعملوا فى وقت زى ده) يهدى النفوس

**Omar17** · 27-01-2013 02:07 PM

المشاركة الأصلية كتبت بواسطة nagy wassef

شكرا على التوضيح و لكن لا يوجد دليل بتدخل نصارى سواء متطرفيين او لأ
و الوقت مش مستحمل كلام من النوع ده، يا ريت كلامنا كلنا دلوقتى يدعوا للمحبة و التسامح و الدعوة و الصلاة لمصر مش اتهام بعضنا لبعض.(و اكيد دا اللى كان النبى هيعملوا فى وقت زى ده) يهدى النفوس

حضرتك لو دخلت احوال الشارع المصري ستجد بعض المتطرفين يحاولون اشعال البلد
اشباح حاقدة للاسف

تحياتي

**nagy wassef** · 27-01-2013 02:36 PM

ربنا يحفظ مصر كلها

**Omar17** · 27-01-2013 02:38 PM

المشاركة الأصلية كتبت بواسطة nagy wassef

ربنا يحفظ مصر كلها

اللهم امين
تحياتي لحضرتك

**ayman_omer2007** · 27-01-2013 02:48 PM

فاكرين ماتش مصر والجزائر فى السودان والفتنة اللى قامت بين البلدين والاعلام اللى ولعها

.....
,,,
(.........................كلاكيت تانى مرة...........................)

""اللهم اضرب الظالمين بالظالمين واخرجنا منهم سالمين ""