ياجماعه نيسان شكلها هتزود الاسعار تانى !!

**hossam_elwani** · 27-01-2013 09:40 PM

حسبى الله ........

**canner** · 27-01-2013 09:54 PM

مش عارف انا حاسس ان نيسان كانت حاطه السعر بتاع ال ex صالون 100000 جنية كأختبار علشان العربية تتباع و تشوف السوق بس لما العربية نجحت غلت السعر و سواء الدولار زاد ام لم يزيد كانت ح تزود برضه

تحياتى

**youssef_u** · 27-01-2013 09:55 PM

المشاركة الأصلية كتبت بواسطة youssef_u

طيب ايه انا حاجز من ٣ شهور و اسبوع بالظبط و كلموني يوم التلات اللي فات قالو العربيه وصلت و بنجهز ورقها و هتستلم الاسبوع ده و دلوقتي كل ما اكلمهم يقولولي الموظف في اجازه الموظف مش موجود .

و يوم ما حجزت ١٩ اكتوبر قالولي هتستلم بعد شهرين ونص و السعر زاد مره وقلنا ماشي بس لو يزيد تاني يبقا كده كتيير

طيب يا جدعان حد يعبرني ؟؟

**HaNo_ELBeh** · 28-01-2013 09:01 AM

المشاركة الأصلية كتبت بواسطة youssef_u

طيب ايه انا حاجز من ٣ شهور و اسبوع بالظبط و كلموني يوم التلات اللي فات قالو العربيه وصلت و بنجهز ورقها و هتستلم الاسبوع ده و دلوقتي كل ما اكلمهم يقولولي الموظف في اجازه الموظف مش موجود .

و يوم ما حجزت ١٩ اكتوبر قالولي هتستلم بعد شهرين ونص و السعر زاد مره وقلنا ماشي بس لو يزيد تاني يبقا كده كتيير

اعتقد ان كان فية احد الاعضاء عندة نفس المشكلة كان حاجز سوبر صالون وبعدين الاسعار غليت من 112000 الى 114000 بس كان عدى المدة المتفق عليها وهى 3 شهور وعمل شكوى فى نيسان وكلموه فى اوتو ايجيبت واستلم بالسعر القديم وهو 112000 ج وحضرتك بتقول انك حاجز من 3 شهور واسبوع وكلموك وقالولك بنجهز الورق يعنى المفروض تستلم بالسعر القديم
نصحتى لحضرتك روح على الفرع وقلهم انك لازم تستلم خلال اليومين دول وحاول تقابل مدير الفرع بلاش مسئول المبيعات علشان يهتم بالموضوع
وانشاء الله تستلم على خير

**welo77** · 28-01-2013 11:48 AM

المشاركة الأصلية كتبت بواسطة youssef_u

طيب ايه انا حاجز من ٣ شهور و اسبوع بالظبط و كلموني يوم التلات اللي فات قالو العربيه وصلت و بنجهز ورقها و هتستلم الاسبوع ده و دلوقتي كل ما اكلمهم يقولولي الموظف في اجازه الموظف مش موجود .

و يوم ما حجزت ١٩ اكتوبر قالولي هتستلم بعد شهرين ونص و السعر زاد مره وقلنا ماشي بس لو يزيد تاني يبقا كده كتيير

انا حصل معايا نفس الموضوع فى الزيادة الاولى.كنت حاجز ex العادية من 3 شهور ونصف تقريبا واتصلوا بيا وقالولى السعر زاد طبعا انا رديت بكل هدوء وانا مالى.انتو مفروض تيجبولى العربية بالسعر القديم وتعتزروا عن التاخير مش تقولولى ان الاسبوعين الى انتم اتاخرتوا عليا فيهم كانو السبب فى زيادة السعر.فى الاول جابولى عربية لون غير الى انا مختاره رفضت استلم قالولى هتستلم كده بالسعر الجديد رفضت .لقيتهم بيتصلوا بيا لوحدهم وبيقولى العربية جت وبالسعر القديم واللون الى انت عايزه ورحت استلمت الحمد لله.انت كده ليك حق خليك ثابت على موقفك وبصراحة كمان اوتوايجبت محترمين جدا والموضوع مش بايدهم بس كمان المصنع ليه دخل بالموضوع ده.بس لو عربيتك فعلا جت روح شوفها وكمان الفاتورة اكيد طلعت يعنى خلاص اتكتب فيها سعر وتستلم على خير ان شاء الله

**Land_Cruiser** · 28-01-2013 11:57 AM

المشاركة الأصلية كتبت بواسطة youssef_u

طيب يا جدعان حد يعبرني ؟؟

سيبك من التليفون و روحلهم يا فندم أنهى الموضوع. حتى لو الموظف مش موجود خليهم يجيبولك موظف تانى بداله يتكلم معاك و لا مديره دى مش مشكلتك انه وأخد أجازه و الدنيا لا تقف علشان واحد غايب فى اى حته اكيد له بديل يعنى

**youssef_u** · 28-01-2013 03:43 PM

ألف شكر عالردود يا رجاله انا فعلا كلمتهم تاني و قلت انا محتاج العربيه ضروري و كده و فعلا قالي تعال بكره الساعه ٢ عشان تستلم ان شاء الله :)

**Land_Cruiser** · 28-01-2013 08:10 PM

المشاركة الأصلية كتبت بواسطة youssef_u

ألف شكر عالردود يا رجاله انا فعلا كلمتهم تاني و قلت انا محتاج العربيه ضروري و كده و فعلا قالي تعال بكره الساعه ٢ عشان تستلم ان شاء الله :)

على بركه الله و تستلم على خير ان شاء الله بس خد بالك كده مش هتلحق المرور الثلاثاء و هتحتاج تروح الاربعاء . بكره ان شاء. الله و انت بتستلمها المفروض بيغسلوها و بعد كده تطمن ان كل حاجه تمام و تاخد الورق و تظبط مع المندوب اللى هيروح معاك انه يقابلك تانى يوم الصبح بدرى فى المرور علشان يساعدك فى تخليص الإجراءات . انا حاجز اول لفه

**youssef_u** · 28-01-2013 08:24 PM

المشاركة الأصلية كتبت بواسطة Land_Cruiser

على بركه الله و تستلم على خير ان شاء الله بس خد بالك كده مش هتلحق المرور الثلاثاء و هتحتاج تروح الاربعاء . بكره ان شاء. الله و انت بتستلمها المفروض بيغسلوها و بعد كده تطمن ان كل حاجه تمام و تاخد الورق و تظبط مع المندوب اللى هيروح معاك انه يقابلك تانى يوم الصبح بدرى فى المرور علشان يساعدك فى تخليص الإجراءات . انا حاجز اول لفه

ياباشا حضرتك تيجي تاخدها من باب المعرض علطوول

ان شاء الله هحاول اطمن على كل حاجه و الورق و هزبط اللي هيغسلها

و الترخيص هروح بقا من الاربع الصبح بدري بس هيبعت مندوب معايا ؟ انا هاخدها كاش ان شاء الله

**Land_Cruiser** · 28-01-2013 08:41 PM

المشاركة الأصلية كتبت بواسطة youssef_u

ياباشا حضرتك تيجي تاخدها من باب المعرض علطوول

ان شاء الله هحاول اطمن على كل حاجه و الورق و هزبط اللي هيغسلها

و الترخيص هروح بقا من الاربع الصبح بدري بس هيبعت مندوب معايا ؟ انا هاخدها كاش ان شاء الله

بالتوفيق ان شاء الله. ايوه بيبعت مع حضرتك مندوب لو مشترى كاش عادى بس زى ما قلت لحضرتك تاخد رقم موبايله و تظبط معاه على الاربعاء الصبح بدرى ما تخليهوش يروح معاك الثلاثاء علشان هتروح المشوار على الفاضى للمرور و هياخد منك الحلاوه و مش هتشوفه فى الاغلب تانى يوم لانهم لو بيقوللك على الساعه ٢ يبقى مش هتاخدها قبل ٣:٣٠ او ٤:٠٠ م و طبعا اول ما تستلم تروح تمون من اقرب بنزينه لانك هتلاقى لمبه البنزين منوره و ده فولكلور مصرى اصيل ملوش حل :)