الموضوع: الحمدلله استلمت السوبر صالون لكن يوجد استفسار

الحمدلله استلمت السوبر صالون اليوم بس كان فيه ريحة غريبة تشبه الشياط بس الناس قلولى انها ريحة التيل مش عارف ده طبيعى ولا لا انشاءالله اقوم بالترخيص بكره طبعا اشكر كل اعضاءالمنتدى وجزاهم الله خيرا على كل المعلومات التى ساعدتنى فى اختيار هذه العربية واستلامها خاصة استاذ/ احمد مصطفى م/ عبد الحليم
لكن ارجو المساعدة فى موضوع كاوتش السيارة هل هو سىءويجب تعريض الكاوتش هل يؤثر على ضمان العفشة وارجو ارسال على الخاص مكان وسعر استبدال الكاوتش وجزاكم الله خيرا

المشاركة الأصلية كتبت بواسطة hanyfarag

ألف مبروك يا استاذ حمدى
بس عندى كام سؤال حضرتك حاجز من يوم كام واللون بتاع العربية اية وسعر الاستلام كام

الله يبارك فيك وعقبال ما تستلم انت كمان انشاءالله
بالنسبة للحجز انا حجزت من اوتو ايجبت المهندسين 15/11 واللون نبيتى وسعر الاستلام بالسعر الجديد114 وللافادة ساحكى ماحصل معى قبل الاستلام وطبعا انا استفدت من متابعة اعضاء المنتدى واشكرهم جميعا تم الاتصال بى من مسئول اوتو ايجبت الاحد الماضى بان العربية موجودة وجاهزة تاكدت اول شىء من لون العربية ولون الفرش غامق وده لان حصلت بعض المواقف مع بعض اعضاء المنتدى بالاتصال بهم مرة اخرى بان لون فرش السيارة مختلف ويعتذرو عن التسليم
ثم بعد التاكد من الالوان اكدت عليه اننى كنت متفق معه على وجود فرصة لبيع السيارة اسبوع قالى قدامك عشرة ايام وسئلت على الزيادة وقللى ده عشان الدولار فقالى اجهز الورق قلتله جهزه
ثم فوجئت باتصال من مهندس المبيعات وقاللى انت لم تؤكد عليا تجهيز الورق قلتله انا اكدت عليك ان تجهزه قلى طيب نرجع الالوان قلتله راجعنهم امبارح قالى لون الفرش فاتح طبعا انا جيه فى دماغى تجارب الاعضاء السابقة وبصراحة ولعت لانه كده عايز يدى العربية لحد تانى فقلتله العربية فرشها غامق ومكتوب فى الايصال ومرجعها معاك امبارح وبلاش الاسلوب ده لان الحاجزين اشتكوا قبل كده من الاسلوب ده قالى اسمحلى اراجع وبعد دقيقة قلى عربيتك موجودة بنفس اللون والفرش طبعا اتصرفت فى باقى قيمة العربية قبل ما ابيع التانية وقلتله اجى استلم السبت عشان اجازتى قاللى السبت فى زحمة تسليم فذهبت الاحد والحمدلله استلمت السيارة
لذلك لابد عند الاتصال بك لاول مرة لاستلام السيارة ان تؤكد على لون السيارة والفرش