الموضوع: شاركنا بالكتب اللى قرأتها

الموضوع فكرته حلوة. بس ليه متتاخدش لنطاق أكبر؟
الاشتراك في موقع جود ريدز
GoodReads.com

المشاركة الأصلية كتبت بواسطة mahora

مش مجرد جاسوس. . . ده ابو جواسيس العالم الحديث كله. . . فى رأيى الشخصى تى.اى. لورنس من اهم الناس اللى ساهمت فى تكوين شكل منطقتنا و الشرق الاوسط بشكله الحالى بالكامل. . . و كانت مهمته من اصعب ما يكون. . . اولا هو اجنبى شكله مختلف و لغته مختلفة طلب منه ان يتعامل مع شعوب او قبائل وقتها غريبة عليه فى طباعها و لغتها و عاداتها و كل شئ و مش كده و بس لكن كمان يقودها فى الحرب ضد الاتراك. . الغريب انه نجح فى كده بأمتياز. . . و كان سلاحه و يا للغرابة هو القيام بأعمال انتحارية ترقى لمستوى الجنون. . . و يبدو ان هو ده اللى ينفع مع شعوبنا. . . الف كتاب عن تجربته فى بلاد الحجاز اسمه اعمدة الحكمة السبعة. . . و اتعمل عن شخصيته فيلم قديم فى الستينات من بطولة بيتر اوتول مع عمر الشريف و انتونى كوين

بسم الله ما شاء الله ... حضرتك قاريء ممتاز ... و تحليلك رائع ... انا معرفش الكتاب و لا الموضوع ... بس لفت نظري حضور ذهن حضرتك لما العضو الكريم ذكر اسم الكتاب .... و ده ان كان بيدل... ف بيدل علي انك شخص مثقف عاشق للقراءه .... لازم اقرأ الكتاب ده.

ارشح لكم كتاب طبائع الاستبداد ومصارع الاستعباد لعبد الرحمن الكواكبي
==
مقتطفات من الكتاب

المستبد في لحظة جلوسه على عرشه ووضع تاجه الموروث على رأسه يرى نفسه كان إنساناً فصار إلهاً ...
الحكومة المستبدة تكون طبعاً مستبدة في كل فروعها من المستبد الأعظم إلى الشرطي، إلى الفرّاش، إلى كنّاس الشوارع، ولا يكون كل صنف إلا من أسفل أهل طبقته أخلاقاً، لأن الأسافل لا يهمهم طبعاً الكرامة وحسن السمعة إنما غاية مسعاهم أن يبرهنوا لمخدومهم بأنهم على شاكلته، وأنصار لدولته، وشرهون لأكل السقطات من أي كانت ولو بشراً أم خنازير، آبائهم أم أعدائهم، وبهذا يأمنهم المستبد ويأمنونه فيشاركهم ويشاركونه، وهذه الفئة المستخدمة يكثر عددها ويقل حسب شدة الاستبداد وخفته، فكلما كان المستبد حريصاً على العسف احتاج إلى زيداة جيش المتمجدين العاملين له المحافظين عليه، واحتاج إلى مزيد الدقة في اتخاذهم من أسفل المجرمين الذين لا أثر عندهم لدين أو ذمة، واحتاج لحفظ النسبة بينهم في المراتب بالطريقة المعكوسة, وهي أن يكون أسفلهم طباعاً وخصالاً أعلاهم وظيفةً وقرباً، ولهذا لا بد أن يكون الوزير الأعظم للمستبد هو اللئيم الأعظم في الأمة.

تواسي فئة من أولئك المتعاظمين باسم الدين الأمة فتقول ((يا بؤساء: هذا قضاء من السماء لا مرد له، فالواجب تلقيه بالصبر والرضاء والالتجاء إلى الدعاء، فاربطوا ألسنتكم عن اللغو والفضول، واربطوا قلوبكم بأهل السكينة والخمول، وإياكم والتدبير فإن الله غيور، وليكن وردكم: اللهم انصر سلطاننا، وآمنّا في أوطاننا، واكشف عنّا البلاء، أنت حسبنا ونعم الوكيل.))
=====
لتحميل الكتاب PDF
عبدالرحمن الكواكبي - طبائع الإستبداد ومصارع الإستعباد - Download - 4shared


========
‫مقتطفات من كتاب طبائع الاستبداد و مصارع الاستعباد للكاتب عبد الرحمن الكواكبي | Facebook‬

عملت موضوع عن معرض الكتاب قبل ما اشوف الموضوع دا..إليكم الموضوع
===========

http://www.nilemotors.net/Nile/333181-a.html

معرض الكتاب شغال وبينش، يعني فاضي....في ايه يا رجالة..هو في ايه...ماعدش في ناس مثقفه ولا الثقافة بقيت رفاهية!!! طيب ماحدش نفسه يضرب شاورمة في المعرض ويشتري كرتونة هريدي :-) انا بجد حزين..فين ايام ما كان المعرض زحمة برة وجوة...عايزين مليونة الثقافة والقراءة في المعرض...طيب إللي راح المعرض يخبط لايك...قصدي :-) يقول لنا اشترى كتاب ايه من هناك، ويا سلام لو يعمل لنا ريفيو review للكتاب..طيب إللي ناوي يروح المعرض يخبط كومنت...قصدي يقول لنا ناوي على اي كتب هناك...

اهم حاجة احذروا الكتب المزورة...اشتري الكتاب من ناشره او من ناشر معتبر ومحترم..اغلب بياعين الكتب في الشارع كتبهم مزورة..خلي بالك