الموضوع: شاركنا بالكتب اللى قرأتها

المشاركة الأصلية كتبت بواسطة airforces

سلام عليكم

زى ما العنوان بيقول ممكن تشاركنا بالكتب اللى قرأتها وتدينا نبذة عنها وتقييمك ليها والكتب اللى ترشحها للأعضاء تقرأها ...

عن نفسى بقرأ حاليا كتاب سقوط اليسار لمصطفى محمود بس لسه مخلصتوش .. الكتاب ممتاز اكنه بيتكلم عن الواقع اللى بنعيش فيها حاليا بالظبط وصراع قوى اليسار مع قوى اليمين ..

كتاب سر المعبد لثروت الخرباوي الكتاب يعتبر من افضل الكتب السياسيه في الوقت الحالي

لا ليس جسدك : احسان عبد القدوس
اعمل اقل تنجح اكثر: الكسل هو سر النجاح
انيس الدغيدي: انحراف المشاهير
علم استحضار الارواح
انف وثلاث عيون
شريف عرفة : لماذا من حولك اغبياء؟
والباقي كتب غير مترجمة مثل :
charles burke : inside the mind of winners
think and grow rich

أنا الحمد لله كنت فى معرض الكتاب . و الكتب اللى بتشدنى جدا كتب التنمية البشرية و الكتب الدينية طبعا .
اقتنيت التالى و بدأت فى القراءة فيهم بالفعل :-

كتاب جنتان لد خالد أبو شادى
دع القلق و ابتسم للحياة لديل كارينجى .
كتب ل كريم الشاذلى : كم حياة ستعيش .
محمد ابو فرحة : استثمر لأبنائك .
و شرح اسماء الله الحسنى لابن القيم

المشاركة الأصلية كتبت بواسطة mahora

النهاردة ذكرى مرور عامين على وفاة سعد الدين الشاذلى العقل المخطط و المنفذ لنصر اكتوبر..... انصحكم بقراءة مذكراته عشان تعرفوا اد ايه الشغل اللى عمله الراجل ده و كان ورا النصر..... و كمية المشاكل و الصعوبات الغير عادية اللى تم التغلب عليها بالتفكير العلمى..... و فى النهاية لللاسف النهاية الحزينة لواحد وصل الى القمة فى خدمة بلده لكنه اتبهدل لمجرد اختلافه مع القيادة السياسية اللى قراراتها الغلط كادت تكلف البلد خسارة النصر العسكرى ..... و اذا كان اتظلم من الناس و ضاع تقدير مجهود كمهندس لنصر اكتوبر الا ان اجره عند الله لا يضيع

فعلا الراجل ده اتظلم جدا في مصر و للاسف مخدش حقه من التاريخ

اخر حاجه قريتها كانت الفيل الازرق و حلوه جداا بس مافهمتش حاجه في الاخر ياريت لو حد فهم يفهمني :d

المشاركة الأصلية كتبت بواسطة hossam_hassan4

فعلا الراجل ده اتظلم جدا في مصر و للاسف مخدش حقه من التاريخ

اتظلم عشان مكانش ليه فى الدهلزة و الدخنسة بتاعة السياسة لكنه كان راجل بتاع شغل و جد و دماغه تتاقل بالدهب و فى العرف بتاعه لا يصح الا الصحيح...... و بما ان ده طبعا منفعش مع السياسة بتاعة عبد المأمور فكان جزاؤه جزاء سنمار

المشاركة الأصلية كتبت بواسطة mahora

السادات ليه مفاتيح..... لو عرفتها هتقدر تفسر كل تصرفاته..... و هو شخصية متناقضة تجمع الشئ و ضده...... يعنى جنون العظمة ظاهرة واضحة فى شخصيته..... و رغم كده يوجد نقيضها و هو الاحساس بالضآلة الناتج عن الاحساس بالنقص الناتج عن النشأة القاسية..... جنون العظمة هو اللى كان بيخلي اى حد يحسسه بنفسه و يفخمه يخلى السادات يديله عينيه (امر ان مقبرة فرعونية كاملة فريدة من نوعها تتقطع من الجبل و اهداها لمتحف المتروبوليتان فى نيويورك !!!!!!!!!!!!!!) ..... و على العكس اللى يتجاهله يخليه يتجنن و يحاول يسعى سعى محموم لكسب رضا من تجاهله (امريكا و كيسنجر كانوا بيلعبوا كويس على النقطة دى)..... الاحساس بالضآلة فى تصورى هو اللى خلاه يبادر مشكورا بأنه يعمل غلطات استراتيجية غير عادية زى كشف نيته للعدو فى عز معمعة العمليات العسكرية لما قال ان مصر لا تنوى تطوير الهجوم..... كمان يقول قولته الشهييرة ان 99% من اوراق اللعبة بيد امريكا..... يعنى فعلا ابخس المقاتل المصرى حقه فى المعجزة العسكرية اللى عملها و استرخص الثمن اللى كان بيقايض بيه على النصر العظيم و سلم لهم النمر من اولها...... فى الوقت اللى كانوا لسه همه مصدومين من هول صدمة ما حدث لهم و كشفهم لمعدن المقاتل المصرى الذى يحقق المستحيل مهما كانت الصعوبات...... لكن برضه برغم التفريط الزيادة ده منه الا انه يحسب له انه نجح فى ادارة المفاوضات و قادها الى بر الامان و خدنا كل ارضنا (ما عدا حتة صغيرة باقية)..... لان الوضع الاستراتيجى و العسكرى لو كان الوضع كان استمر على ما هو عليه فى اعقاب حرب اكتوبر كان مع الزمن مش هيبقى فى صالحنا خالص..... و يكفى بس معلومة صغيرة تتعرف انه حاليا كل اسلحة حرب اكتوبر تعتبر تقريبا غير مؤثرة فى الاسلحة الهجومية الحديثة..... اضف الى ذلك انهيار الاتحاد السوفيتى اللى كان برضه بيدينا اسلحة بالتيلة......

ياريت حضرتك تقرأ كتاب (البحث عن الذات ) ده اكيد كتير أفيد من كتاب واحد معندوش ولاء لصانع النصر ضأله ايه وجنون عظم ايه .. رحم الله زعيم الامه ورافع رايه النصر