السلام عليكم ورحمه الله وبركاته
طبعا وبدون مقدمات لاني بحمد ربي على اني لسا عايش الحمدلله

انا عملت حادث فظيع جدا في طريقي من اسكندريه للمنصورة
الطريق الدولي
وكان اول حادث اعملو بالعربيه
وزي ما انتو عارفين الطريق دا مهبب بستين نيله وكلو حفر

انا كنت ماشي بسرعه 140 كيلو متر وفجأة الاطار الامامي الايسر انفجر !
وبعد الانفجار بثواني اتفاجئ بحفره كبيره قدامي من الحفر اللي بالطريق
ولقيت الاطار الخلفي الايمن انفجر هوا كمان !

طبعا العربيه توازنها بقى في الباي باي
و حاولت امسك الدريكسيون على قد ما اقدر واضرب فرامل واشيل براحه
بس العربيه بقت تلعب مني زي ورقة الكرتون

واختلت عجله القياده وادى الى انقلاب مفاجئ تقريبا مرتين
ولقيت نفسي في الطريق المعاكس !
وبدوون خسائر فالارواح الحمدلله
مجرد كدمات بسيطه والحمدلله

المهم دلوقتي العربيه اتبهدلت بهدله السنين
والعربيه دي انا كنت جايبها من الامارات عالزيرو كورولا موديل 2008
وبصراحه العربيه مفهاش غلطه وبقالها 5 سنين معايا ماشاء الله بجد وعزيزه عليا جدا وعايز ارجعها تاني عالزيرو زي ما كانت

انا بس كنت عايز استفسر عن امكانيه تصليحها هنا
وهتكلف كام تقريبا !
مع العلم ان الموتور والفتيس الحمدلله كويسين
وتقريبا في ضرر بسيط في الجزء الامامي اللي هيا وحده التبريد
بس الضررالكبيركلو في البودي الخارجي بس
نبدأ بالصور وتشوفو الحاله بعنيكم وقولولي :

دي من الخلف والاكصدام الخلفي طار بس لقيتو سليم وجبتو
وكان فيها سبويلر بس اتكسر تقريبا



هنا من الخلف بردو في مكان الحادثه بس قبل ما نرفعها عالونش



من الامام وطبعا الفوانيس ادمرت وطارو




من الامام بردو ونلاحظ الضرر اللي عالسقف والجزء الامامي من ناحيه السائق




الجزء الامامي بشكل اوضح ونلاحظ تلف الاطار اللعين اللي تسبب في الحادث




بردو نلاحظ تلف السقف



الجزء الخلفي الايمن ونلاحظ تلف الاطار بردو




دا الجزء الايمن من السياره وتقريبا لم يصيبه ضرر كبير



واخيرا داخليه السياره وتقريبا مفهاش ضرر كبير مجرد بس كل حاجه ترجع مكانها





وبكده انتهيت من رفع الصور

وعايز اعرف العربيه دي هتتكلف كام تصليح
وايه القطع اللي هتتجاب
انا سمعت ان فيه بودي كامل جديد وبيتجاب بتبقى استيراد لاكن لا علم بيه بسعره لحد الآن
وكمان هل في امكانيه اني لو جبت بودي خارجي اجيب بودي 2013 ويركب عادي ولا لازم 2008 !


وشاكر ليكم جدا ومنتظر ردودكم