السلام عليكم ورحمه الله وبركاته
طبعا وبدون مقدمات لاني بحمد ربي على اني لسا عايش الحمدلله
انا عملت حادث فظيع جدا في طريقي من اسكندريه للمنصورة
الطريق الدولي
وكان اول حادث اعملو بالعربيه
وزي ما انتو عارفين الطريق دا مهبب بستين نيله وكلو حفر
انا كنت ماشي بسرعه 140 كيلو متر وفجأة الاطار الامامي الايسر انفجر !
وبعد الانفجار بثواني اتفاجئ بحفره كبيره قدامي من الحفر اللي بالطريق
ولقيت الاطار الخلفي الايمن انفجر هوا كمان !
طبعا العربيه توازنها بقى في الباي باي
و حاولت امسك الدريكسيون على قد ما اقدر واضرب فرامل واشيل براحه
بس العربيه بقت تلعب مني زي ورقة الكرتون
واختلت عجله القياده وادى الى انقلاب مفاجئ تقريبا مرتين
ولقيت نفسي في الطريق المعاكس !
وبدوون خسائر فالارواح الحمدلله
مجرد كدمات بسيطه والحمدلله
المهم دلوقتي العربيه اتبهدلت بهدله السنين
والعربيه دي انا كنت جايبها من الامارات عالزيرو كورولا موديل 2008
وبصراحه العربيه مفهاش غلطه وبقالها 5 سنين معايا ماشاء الله بجد وعزيزه عليا جدا وعايز ارجعها تاني عالزيرو زي ما كانت
انا بس كنت عايز استفسر عن امكانيه تصليحها هنا
وهتكلف كام تقريبا !
مع العلم ان الموتور والفتيس الحمدلله كويسين
وتقريبا في ضرر بسيط في الجزء الامامي اللي هيا وحده التبريد
بس الضررالكبيركلو في البودي الخارجي بس
نبدأ بالصور وتشوفو الحاله بعنيكم وقولولي :
دي من الخلف والاكصدام الخلفي طار بس لقيتو سليم وجبتو
وكان فيها سبويلر بس اتكسر تقريبا
http://www3.0zz0.com/2013/01/27/17/790278090.jpg
هنا من الخلف بردو في مكان الحادثه بس قبل ما نرفعها عالونش
http://www3.0zz0.com/2013/01/27/17/299018952.jpg
من الامام وطبعا الفوانيس ادمرت وطارو
http://www3.0zz0.com/2013/01/27/17/239589947.jpg
من الامام بردو ونلاحظ الضرر اللي عالسقف والجزء الامامي من ناحيه السائق
http://www3.0zz0.com/2013/01/27/17/593811728.jpg
الجزء الامامي بشكل اوضح ونلاحظ تلف الاطار اللعين اللي تسبب في الحادث
http://www3.0zz0.com/2013/01/27/17/221431494.jpg
بردو نلاحظ تلف السقف
http://www3.0zz0.com/2013/01/27/17/909922998.jpg
الجزء الخلفي الايمن ونلاحظ تلف الاطار بردو
http://www3.0zz0.com/2013/01/27/17/241614344.jpg
دا الجزء الايمن من السياره وتقريبا لم يصيبه ضرر كبير
http://www3.0zz0.com/2013/01/27/17/698523860.jpg
واخيرا داخليه السياره وتقريبا مفهاش ضرر كبير مجرد بس كل حاجه ترجع مكانها
http://www3.0zz0.com/2013/01/27/17/718462976.jpg
وبكده انتهيت من رفع الصور
وعايز اعرف العربيه دي هتتكلف كام تصليح
وايه القطع اللي هتتجاب
انا سمعت ان فيه بودي كامل جديد وبيتجاب بتبقى استيراد لاكن لا علم بيه بسعره لحد الآن
وكمان هل في امكانيه اني لو جبت بودي خارجي اجيب بودي 2013 ويركب عادي ولا لازم 2008 !
وشاكر ليكم جدا ومنتظر ردودكم