لو سمحتم يا جماعة انا كنت عايز اعرف الفارق بين الريس العادة والريس الفاير ما عئنهم بيكونو غالبا نفس ال cc ومعلش ليا كمان سؤال انا باشوف مكتوب على الريس ال honda كلمة (cbr) كنت عايز اعرف معناها وجزاكم الله كل خير ..
عرض للطباعة
لو سمحتم يا جماعة انا كنت عايز اعرف الفارق بين الريس العادة والريس الفاير ما عئنهم بيكونو غالبا نفس ال cc ومعلش ليا كمان سؤال انا باشوف مكتوب على الريس ال honda كلمة (cbr) كنت عايز اعرف معناها وجزاكم الله كل خير ..
الفرق بينه و يبن العادي ان السلندر بتاع الموتور علي حرف v
والعادي بيبقى زي مكنه وحده قريب من المكن الصيني بس اشد طبعا
الفاير الكربراتير بتاعه غير العاده فى حاجه اسمها حداف مش موجده فى cbr
وطبعا في
cbr و VFR
بيبقى الاختلاف الشكل والحجات الي سبقت
سلام
شكرا يا اخ (dj1) على المعلومات دية بس كنت عايز اعرف حاجة هوا الريس الية بيكون مثلا 250cc بيوازى اية من ال cc بتاع العربيات يعنى مثلا ممكن اشد مع مين منهوم واعدى منهم اصلى انا للاسف باحب الجرى ...
ال250
بصراحه مجربتوش اظن ميت
انا بحب اركب من فوق 600 عشان تدي باور اعلى
وبعدين عادي ممكن بالريس ال 250 و 400
تسابق عربيات كتير
لان وزن الموتورسيكل اخف بكتير من وزن السياره
وفي سيارات بتتجاب بسهوله جدا
وانت ماشي حتلاقي سيارات بتستفزك وانت معاشي
عشان تسابق معاها
واحيانا انا بعمل العكس وانا ماشي لو سياره جامده بستفزه عشان اسابقه D:
وعامة لو عملت كده بفضل دايس بس لو حسيت اني خلاص حتفرتك على الارض
بهدي في ثواني يعني متتغاباش
مضيعش نفسك عشان حتت سباق اهبل
اعملها لو الفرصه اتاحت الروح مش لعبه عشان تضيعها
الا لو كان سباق بجد او تحدي على حاجه ههههههههههههههههههه
وطبعا اسئل مقلوب ولا تسئل عارف
سلام
عندك حق فعلا الروح مش لعبه عشان نضيعها بس الشيطان بقا
بص بقا انا عارف انى زهقتك بس انا لسا جديد فى عالم الموتوسكلات الريس وياريت تستحملنى على كتر الاسئلة ..
انا على فكره عندى عربية بس زهقت من الزحمة فقررت اجيب الموتوسكل الريس رغم تحزير الناس ليا فبحاول اعرف كل حاجة عنة ..
صدقني مفيش احسن من الموتوسيكل في الزحمه
خصوصا ل مستعجل
لو بالسياره مشوار تاخده في نص ساعه بالموتوسيكل
10 دقايق اكون هناك
وممكن اكون في التربه
ههههههههههههههههههههههههه هههه
كلا الحالتين حتوصل حتوصل
بس الله اعلم فين
هههههههه
سلام
انا كنت عايز اعرف رائيك فى الموتوسيكل الهارلى والريس مين احس ومين اريح فى السواقة وكمان اسرع ...
الموتوسيكلات الكاستم احسن طبعا بكتير
بس مشكلتها انها تقيله جدا لما بتمشي بطيء
بس مريحه في القعده
والريس حلو بردوا بس لو مسافات حتتعب وانت راكب
بس لذيذ في الغرز تخدها على طول وبسرعه
وفي موتوسيكلات
الي هيا نصها ريس ونصها كاستم
يعني خليط ما بين الاتنين
بصراحه ديه احسن حاجه
ممكن ترفع وتعمل بيها كل حاجه وغرز ومريحه
ولو حتجيب هات ريس وخلاص
سلام
شكرا يا عم dj1 على المعلومات الحلوة دية ..
http://www.postimage.org/aV1chEii.jpg
وان شاء لله
لو ناوي تجيب واحد
قلي عايز في حدود كام وانا ادلك
واعرف واحد بيقسط كمان
بس احسن حاجه
مزودش تمن الموتوسيكل عن 2000 الف
عارف ليه؟
عشان لو حبيت تبيعه تلاقي مشتري بسهوله جدا
لان لو ب 30 الف وفوق البيع بيكون بطيء عقبال ما تلاقي واحد هاوي وكمان
عشان لو وقع واتكسر
او اتسرق
او اي حاجه
تكون الخساره مش كبيره
_____________
تم التعديل بواسطة
الإشراف...
طيب لو تعرف حد بيقسط انا كنت عايز ريس عادى 250cc honda اية نظام التقسيط وعلى كام شهر .... وعلى فكرة انا لاقيت ريس صينى بس ماعجبنيش شكلة وبالتقسيط بردة بس لاقيت بانى لو هاقسط اجيب حاجة محترمة شوية ....
http://www.postimage.org/gx1ABmb9.jpg
اية يا شباب دخلونى معاكو فى الحوار
هو اية شكل المتوسيكل الللى نصة كاستم ونصة ريس ؟؟؟
واية احسن رايس اعطالة قليلة وسريع واية اهم حاجة اخد بالى منة وانا بشترى واحد ...؟؟
وشكرا يا دى جى وان على الردود الحلو وشكرا لهانى على طرح الموضوع
في واحد بيقسط
انت توريه الموتوسيكل الي عاجبك وهو يشتريه وتقسط معاه
بصورة البطاقه ووصل النور
والي نصه كاستم
زي
b-king
mt-01
سوزوكي وياماها
وفي انواع تانيه كتير
ودوكاتي مونستر
واحسن ريس في مصر هو الهوندا
لانه منتشر وتصليحه وقطع غياره متوافره وكمان اعادة البيع كويس
الافضل لما تشتري وديها لميكانيكي
وخليك واقف عشان صاحب الموتوسيكل ميتفقش معاه عليك
وطبعا شيك على المتور هل حالل ولا لا
امشي بيه بسرعه شوفه بيكركر ولا عادي
وادي غيار تالت وامشي لو كركر اوي يبقى في عيب
وشوف الدخنه
وهل واقع ولا لا
على العموم تصليح الموتوسيكلات سهل مش صعب ومش مكلف اوي سي السياره
شكرا يا دى جى
انا زمان ركبت جاوةjawa اللى هو 350 سى سى وكان بطيء قوى
فى قولت احسن حاجة اجيب هوندا 400 او 600
بس لسة عايز اتطلع رخصة روحت المرور بس قالولى عايزين شوية اجراءت شهادة طبية وحاجات تانية كدة طاب مهو انا عامل رخصة خاصة لكن قالولى مينفعش لزم تعمل من اول وجديد قولت اوك
بس مش عارف بقى استنا لم امتحان المادة اللى عندى فى شهر 9 والة اروح وخير البر عاجلة
فكرت فى انى اروح مدرسة للتعلم الموتوسيل بس فى وحدة فى حلون اسمة نور كار وانا ساكن فى المهندسين يعنى مشوار بس برضو لو ملقتش غيرة هروح على شان عايز اتعلم كل الفنيات الصغيرة
بس سؤال تانى يا دى جى معلش لو حبيت اجر هوندا سى بى ار 400 كدة متعرفش بكام فى الشهر ؟
تأجير لمدة شهر
مظنش فيه
ولو في حيكون غالي يعني اليوم ب 50 مثلا
وممكن تقع بيه وحتصلحها شغلانه على الفاضي
وبالنسبه للتدريت على الموتوسيكل لو كان عندي موتوسيكل خفيف كنت دربتك بس الي
عندي تقيل جدا زي الهارلي
لو عايز تدرب صح
ادرب على صيني
روح محل موتوسيكلات صيني وقله عايز ادرب حيدربك
والموتوسيكل كله اصلا ب 2500 وتصليحه رخيص جدا لو وقع
وبالنسبه للرخصه طلعها على طول وخلاص خصوصا لو قبل رمضان افضل
ومش بتاخد وقت
شهادتين طبيتين نظر وباطني
حتفتح ملف ب 60 جنيه
حترش 30
لو معندكش موتوسيكل حتأجر ب 50 او 40
بس وتطلع على طول
حد يعرف سعر الهوندا 400 عادي و fire ؟
وكمان سعر الهوندا 250 عادي و fire ؟
وفيه محلات في مدينة نصر الائيهم فيه ؟
thanks
ايوة يا دى جى روحت امبارح الى ايمن فوزي فى مصطفي النحاس -مدينه نصر لقيت كمية موتوسيكلات جامدة جدا قولت اشوف الاسعار سئلت على اول حاجة اسى بى ار250 قالى فى وحد عامل
16 الف بس لونة فيرنى فى اسواد مش قد كدة شكلة تعبان من حيث الوان فقط
قولت اسال على كاستم قالى 110 الف وعندى قولتو لا دة سعرة غالى قوى
قولتو معندكش حاجة سعرة حنين تكون مستعملة قالى لا كلة عندى استيراد قولنو اوك
وفى برضو احمد فهمى فى العجوزة عندة نفس الموتوسيكل ونفس الوان الفيرنى فى اسواد مش عارف هم توائم ولا اية هههههههههه
بس الاسعار شدة مع ان السواق نايم يعنى فى الوسيط كل شوية ينزال اعلان عن السى بى ار 15 الف دة ومفيش حد عايز يشترى بسعر دة ولا لونة مش عجبهم زاى حالتى
سعر ال 250 غالي
يمكن عشان نضيف وكمان فاير
ومتنساش ان ده معرض يعني اكيد مزود شويه
والي بيبيع في الوسيط
بيبيع عشان زهق منه الخ
فا مبيدورش على مكسب اوي زي ما انا عايز ابيع بتاعي فا مش بدور على مكسب
والكاستم غالي بس في بردوا ناس تقالي غاوينوا
وفي بعض ممثلين كمان غاوين يركبوه
وعلى فكره الكاستم في منه انواع رخيصه
بتبدأ من 13 الف وطالع
من موديل 85 وطالع
يعني مش غالي اوي
وانت شكلك مسبتش معرض الا ورحته
في معرض بردوا في جسر السويس عند السوق الي هناك لو سئلت حتلاقي الي يدلك
ده سعر مش غالي قوي
وكمان مش مهم اللون انت لو عايز تغير اللون
ب 500 جنيه وتعمل اللون الي يعجبك
ولو حتشتري ريس ممكن تستنى للشتا يعني سعره بينزل شويه بس مش كتير
انا منك هتلك موتوسيكل كاستم وخلاص
اولا مريح في سواقته وتصليحه سهل جدا مش مقرف زي الريس
وبيعه سهل
شكرا يا باشا لمعلومات الهايلة
وفعلا هبحث عن كاستم اولا على شان لو كنت رايح مسافرت طويلة يكون مريح
لكن لو ملقتشى كاستم يابقى رايس
بس اهم حاجة انى اجيب الخوذة اولا لحسن دى مخلفتة 100 جنية فاورى والحسابة بتحسب
شكرا ليك يا دى جى قوى
لا فوري ولا بطيخ
امشي ولا يهمك
انا بمشي بدون خوذه وحتى لو على الاشاره الامين واقف بيبصلي بس لاكن
لا بيخالف ولا حاجه
بس على العموم انا بقيت حافظ اللجان على الطريق لما بمشي
لما بحس اني قربت من لجنه
هههههههههههه بطر البسها خساره فيهم الفلوس
كفايه المخلفات الغبيه الي حطوها عليا
كسر اشاره ومش عارف ايه الخ الخ
اشتريلك خوذه كلاسيك وخلاص
انا عندي اتنين واحد اصليه index بس تقيله وبتكون زي فرن لما تمشي بيها
ولما زهقت جبت وحده عامله زي الكاب كده لذيذه
بس طبعا منظر بس مفهاش اي حمايه خالص
ولو حتجيب كاستم هاتوا هوندا احسن
لو ناوي في ميكانيكي اعرفه عنده زمه بصراحه
هو بيجبلك موتوسيكل وبيقولك على العيوب الي فيه
هو بيتقي ربنا
والله اعلم منظر ولا صادق بس انا بسبله الموتوسيكل باليومين ولما افتكره
ابقى اعدي عليه اخده
لسة راجع من عند صلاح اللى جانب انبى فى مدينة نصر روحت بقولو عايز اجر قالى لا بطلت اجر بس تفتكر هتاجرو بكام قالتو يعنى شهر كدة وفى حدود 50 جنية لليوم او 70 قالى دى ساعة الريس ب 100 جنية يا باشا وقاعد يضحك قولت خالينى معة الى الاخر الصرحة مستريحتش قالى الموتوسيكلات عندك شوف اللى يعجبك قولت اشوف لقيت شوية كتير عينى كنت هتتطلع على السى بى ار 900 حاجة اية يا دى جى جامد قوى وضخم كدة ولونة اسواد وكمان الفانوس بتاعة من قدام مربع زاى مكنت عايز قولتو حلو دة بكام قالى دة متباع ههههههههههه قولت مش مهم لقيت 3 وحد احمر فى ازرق 250 فاير بيققولى 16 قولت طاب ودة 250 بس عايدة ولونى فيرنى فى اسواد قالى 15 قولت طاب و 400 اللى هناك دة قالى دة بقة 20 على شان دة حالتو تحفة الصرحة الكوتش بتاعة لسة شكلة جديد ممكن يكون مغيرة بس روحت راكب علية قالى حاسب لحسن تجرح الكوتش ههههههههههههههه قولت طاب ياعم عايز اجربو لقيتو برقلى وقالى لا هتركب وارية وهجربهولك انا قولت طاب قالى بس لم فلاوسك تكون جاهزة قولتو ماشى هعمل مكتاب عن كل المحلات اللى فى مصر ناقص بقى انزل بولاق جنب الوكالة على شان اخد قرار صح
والنبي يا dj1 انا نفسي اعرف اي حد بيقسط ريسات لو تعرف ياريت تدلني بسرعة
ابعتلي رسالة علي المنتدي او رد عليا في المشاركات اهم حاجة اني اعرف
علي فكره الفرق بين الفير واسي بي ار غير vfrوالcbr
مين احسن ميكانيكي عنده ضمير
لو هشترى ريس مستعمل اعرف العيوب اللى فية ازاى مثل انوا الموتور متفتحش قبل كدا او هيجيب سبيكا وكمان اية الحاجات اللى اركز عليها وان بشترى ريس مستعمل ارجو الافادة ولك جزيل الشكر
طالما مبتدىء مش حتعرف لازم ميكانيكي
في ناس من صوت المتور تعرف
على العموم لو حتشتري اول حاجه تبص عليه الفاير مكسور؟ متصلح كتير؟
علبية الشكمان مطبقه ؟ الي بتسند عليها رجلك ملحومه؟ الطبه هيا الاورجينال ولا لا؟ وكمان الشاسيه
هل في قطع كتير ملحومه؟ بس في لحام موجود ده بتاع المصنع اصلا
وافضل حاجه تعملها انك تركب الموتوسيكل وتقرص عليه على الاولاني
لو سحبته حلوه كده المتور كويس وحاول وانت بتبدل بدل بسرعه شوفه بيستجيب ولا بينتر وتشوف مؤشر الحراره
عالي ولا لا؟ لو طبيعي معناها كويس وتشيك على الالكترونك بتاعه ايه نظامه
لانه زي كمبيوتر للموتوسيكل وده من القطع المهمه فيه
وبعد ما تخلص خالص وتيجي تركن اطفي الموتوسيكل وشغله وهو سخن
لو اشتغل من اول مره يبقى كويس لو قعد يدور على الفاضي واشتغل
ممكن يكون في حاجه لو المارش شغال والموتوسيكل مبيدورش
يبقى السبيكه بايظه (وممكن الدينامو بايظ او الاوكت فاير)
وفي حجات كتير تشيك عليها بس يعتمد على الي حيبيع الموتوسيكل
حيسيبك ولا لا؟ لو سابك يبقى الموتوسيكل مظبوط لو قالك لما تشتري وبتاع
اعرف انه فيه حاجه
ولاافضل تجيب ميكانيكي يفك الفايبر ويشيك على المتور والكهربا
شكرا ومرسى اوووى يا سى بى ار وجزالك الله خير معلش سؤال تانى ان بجمع فلوس ودخلت جمعيات علشان اشترى الريس علشان كان معايا واحد صينى وبعتوا وعايز اجيب الريس علشان اروح بية الشغل بس انا مليش فى اللعب ولا الكلام دا خالص يعنى سوقتى هادى ممكن اجرى شوية بس لو الطريق مفتوح اشترية احسن زيرو ولا مستعمل مع انى خائف علشان ان بامان هجيبوا بالعافية ومش عايز ادخل فى حوار المكانيكى وفى صحابى اشتروا موتوسيكلات وقالى ان من ساعتة مجبتوا ببعملش غير انى بغير زيت وفرامل بس لمدة سنتين وفعلا لو نظيفة كل اللى هعملوا اغير زيت بس مع العمل انا مش بجرى يعنى فى المعقول وانا من الاخر من الشغل للبيت معلش انا تعبتك معايا بس لقيتك بترد على ناس كتير فقلت استفاد من خبرتك والف شكرا ومستنى ردك عليا ياجميل؟
معلش ياسى بى ار تعبتك معايا وانا كنت مستنى رد كل شوية افتح الايميل اشوفك رديت ولا لسةانا بحب الريس اكتر مش بحب الكاستم والهارلى دا خالص انا مشوارى من النزهة الجديدة لغايت السيدة عائشة فباخد ياصلاح سلام او الدائرى فاجيب احسن 250 عادة ولا فير وانا مش هجيب واغير تانى علشان انا زى مقلتلك هجيبوا بالعافية والله فاجيبوا استيراد احسن ولا مستعمل وانا من النوع اللى مش بهين الحاجة مستنى ردك معلش انا عارف انى تعبتك معايا بس قلت استفيد منك علشان كل واحد بيقولى حاجة ؟؟؟
250 عاده بيبدا من 8000 لغاية 13 فاير 13 وطالع ممكن لغاية 16 لو نضيف
استيراد مش عارف ليه الناس فكراها غلط فاكرين انه زيرو
استيراد يعني مستعمل بردوا بس استعمال خارجي
شوف اي حد عايز يبيع 250 واشتريه منه لان المعرض بيحط مكسبه على سعر البايك
في المنتدى في واحد حاطط اعلان شوفه
الف شكرا ياسى بى ار
ازيك ياسى بى ار فاكرنى ولا المهم يارب تكون بخير وكل سنة وانتا طيب انا عايز اسالك على حاجة بس ضرروى ترد علية علشان انا نازل يوم الخميس 1/1/2009 ان شاء الله اخيرشوفت مكنة وهشتريها مستعملة من واحد هى 250 عادة موديل 92 وعملة 35 ألف كليو المكنة فيها الفيبر مش مكسور بس متكسر فى حتت وعند التنك فى خبطتين اخروا يبقا كام تقريبا انا اتفقت معاة على 7500 جنية كويس ولا حرام انا جيبوا بس علشان اروح بية الشغل انا اللى ساكن فى النزهة الجديد ة وشغلى فى القلعة افتكرتنى كدا اكيد وكل سنة وانتا طيب ياسى بى ار بس ارجوك رد علية بسرعة او اكتبلى رقم موبيلك والف الف شكرا وربنا يكرمك
الحمد لله تمام
طبعا افتكرتك
بالنسبه للفايبر والحجات ديه عادي كل الريس القديم كده وبيبقى متلصم وبعض الجديد كام
اهم حاجه الماتور تشوف معمله عمره ولا لا ولو معموله تبقى مظبوطه
مش مع الوقت تلاقي ال بي ال والبساتم بتاكل في بعض وتلبس انت
وبالنسبه لسعرها كويس
بس شيك على الماتور
وشجرة النقلات
والكمبيوتر بتاعها
وسوقها وجربها وشف اذا استجبتها
ولم تسخن منك
اطفيها وشغلها تاني
اطفي وشغل
لو اشتغلت على طول وهيا سخنه تبقى كويسه
ولو قدرت تنزل شويه كمان يبقى كويس
وودينها لميكانيكي افضل
سلام
الف الف شكرا ياجميل وانا لو فى نصيب وخدها ان شاء الله ابقا اقولك وكل سنة وانتا طيب وسنة جديدة وسعيدة ان شاء الله
معلومات قيمه فعلا
ممكن سؤال رخم شويه cbr
هو انت وقعت كام مره بالريس :36_1_1[1]:
هههههههههههه ميقع الا الشاطر
hiiiiiiiiii
انا لسة جديد في الرييس بس معاية موتوسيكل صيني
و عايز اشتري واحد ريس
معاية في حدود 20000ج
بس كنت عايز استفسر عن حاجة؟؟؟
هل سواقة الريس تختلف عن الصيني؟؟؟
وعايز تشتري واحد ريس
طاب عندك واحد ريس وصلحه D:
تختلف طبعا
اول حاحجه في تقل الموتوسيكل الصيني المتيريال بتاعه خفيف جدا
حتلاقي الياباني اتقل وهو على الارض وثابت او وانت بتركنه وبتحركه
ديه نقطه
نقطه تانيه موضوع الاستبيلتي الثبات الصيني منعدم بعد ال 100
عباره عن حاجه خفيفه ماشي لو حجر محترم في الارض ولا مطب
ورزعت فيه ممكن تقع لانه خفيف جدا مقارنة بالياباني
وكمان ثابت في الطريق لو انت ماشي بسرعه وبتاخد غرز وكده
حتلاقيه اثبت
ثـــــــــــــانكس cbr على المعلومات ....
بس انا كنت عاوز استفسر عن طريقة القيادة نفسها
يعني مكان الغيرات والفرامل
مثلا(لازم تمسك دبرياش عشان تضرب فرامل)