الفارق بين الريس العادة والريس الفاير

**hanymah** · 28-07-2008 01:23 AM

لو سمحتم يا جماعة انا كنت عايز اعرف الفارق بين الريس العادة والريس الفاير ما عئنهم بيكونو غالبا نفس ال cc ومعلش ليا كمان سؤال انا باشوف مكتوب على الريس ال honda كلمة (cbr) كنت عايز اعرف معناها وجزاكم الله كل خير ..

**CBR** · 28-07-2008 03:03 AM

الفرق بينه و يبن العادي ان السلندر بتاع الموتور علي حرف v

والعادي بيبقى زي مكنه وحده قريب من المكن الصيني بس اشد طبعا

الفاير الكربراتير بتاعه غير العاده فى حاجه اسمها حداف مش موجده فى cbr

وطبعا في

cbr و VFR

بيبقى الاختلاف الشكل والحجات الي سبقت

سلام

**hanymah** · 29-07-2008 12:03 AM

شكرا يا اخ (dj1) على المعلومات دية بس كنت عايز اعرف حاجة هوا الريس الية بيكون مثلا 250cc بيوازى اية من ال cc بتاع العربيات يعنى مثلا ممكن اشد مع مين منهوم واعدى منهم اصلى انا للاسف باحب الجرى ...

**CBR** · 29-07-2008 12:35 AM

ال250

بصراحه مجربتوش اظن ميت

انا بحب اركب من فوق 600 عشان تدي باور اعلى

وبعدين عادي ممكن بالريس ال 250 و 400

تسابق عربيات كتير

لان وزن الموتورسيكل اخف بكتير من وزن السياره

وفي سيارات بتتجاب بسهوله جدا

وانت ماشي حتلاقي سيارات بتستفزك وانت معاشي

عشان تسابق معاها

واحيانا انا بعمل العكس وانا ماشي لو سياره جامده بستفزه عشان اسابقه D:

وعامة لو عملت كده بفضل دايس بس لو حسيت اني خلاص حتفرتك على الارض

بهدي في ثواني يعني متتغاباش

مضيعش نفسك عشان حتت سباق اهبل

اعملها لو الفرصه اتاحت الروح مش لعبه عشان تضيعها

الا لو كان سباق بجد او تحدي على حاجه ههههههههههههههههههه

وطبعا اسئل مقلوب ولا تسئل عارف

سلام

**hanymah** · 29-07-2008 12:50 AM

عندك حق فعلا الروح مش لعبه عشان نضيعها بس الشيطان بقا
بص بقا انا عارف انى زهقتك بس انا لسا جديد فى عالم الموتوسكلات الريس وياريت تستحملنى على كتر الاسئلة ..

انا على فكره عندى عربية بس زهقت من الزحمة فقررت اجيب الموتوسكل الريس رغم تحزير الناس ليا فبحاول اعرف كل حاجة عنة ..

**CBR** · 29-07-2008 06:58 AM

صدقني مفيش احسن من الموتوسيكل في الزحمه

خصوصا ل مستعجل

لو بالسياره مشوار تاخده في نص ساعه بالموتوسيكل

10 دقايق اكون هناك

وممكن اكون في التربه

ههههههههههههههههههههههههه هههه

كلا الحالتين حتوصل حتوصل

بس الله اعلم فين

هههههههه

سلام

**hanymah** · 29-07-2008 11:07 PM

انا كنت عايز اعرف رائيك فى الموتوسيكل الهارلى والريس مين احس ومين اريح فى السواقة وكمان اسرع ...

**CBR** · 30-07-2008 02:29 AM

الموتوسيكلات الكاستم احسن طبعا بكتير

بس مشكلتها انها تقيله جدا لما بتمشي بطيء

بس مريحه في القعده

والريس حلو بردوا بس لو مسافات حتتعب وانت راكب

بس لذيذ في الغرز تخدها على طول وبسرعه

وفي موتوسيكلات

الي هيا نصها ريس ونصها كاستم

يعني خليط ما بين الاتنين

بصراحه ديه احسن حاجه

ممكن ترفع وتعمل بيها كل حاجه وغرز ومريحه

ولو حتجيب هات ريس وخلاص

سلام

**hanymah** · 30-07-2008 07:11 PM

شكرا يا عم dj1 على المعلومات الحلوة دية ..

**CBR** · 01-08-2008 08:11 AM

وان شاء لله

لو ناوي تجيب واحد

قلي عايز في حدود كام وانا ادلك

واعرف واحد بيقسط كمان

بس احسن حاجه

مزودش تمن الموتوسيكل عن 2000 الف

عارف ليه؟

عشان لو حبيت تبيعه تلاقي مشتري بسهوله جدا

لان لو ب 30 الف وفوق البيع بيكون بطيء عقبال ما تلاقي واحد هاوي وكمان

عشان لو وقع واتكسر

او اتسرق

او اي حاجه

تكون الخساره مش كبيره

_____________
تم التعديل بواسطة
الإشراف...