أولا يا سيدي الفاضل أنا مهاجمتكش ........... لأني معرفكش أساسا
و لا جيبت سيرتك شخصيا
أنا وصفت الوصف اللي أنا شايفه و ده كان وصف عام و لا يمت ليك بصفة شخصية نهائيا
أنت اللي أخدت الكلام على نفسك وواضح أنه مش عاجبك
بس عادي .........
إن كان مش عاجبك ........... مفيش مشكلة
بس ما تأخدوش على محمل شخصي و تهاجمني لمجرد أني بقول رأيي و تقولي " إن أنا بأهجمك " في حين إن أنت اللي بتهاجم مش أنا
ثانيا
أحنا نعيش في بلد دستورها مكتوب باللغة العربية اللي ورثناها عن آبائنا و اجدادنا
و اللغة العربية دي لها حروف تنكتب بيها
أنت أخترت ما تكتبش بيها .......... فأنت حر فيما تختار
بس ما تحجرش على رأيي في الناس اللي بتكتبها بحروف لاتينية
و أعتقد إن أنا مقلتش و لا كلمة غلط في حد
أنا وصفت وضع عام و أعتقد برضه أن ملايين بيتفقوا معايا في الموضوع ده
ده أسمه أنسلاخ من حضارتنا و طبعا بيؤدي لضعف عام في الثقافة و اللغة و إستعملاتها و عدم ثقة بالنفس و الوطن اللي هو أصلا في الباي باي
لدرجة إن فيه ناس بتيجي تكتب عربي دلوقتي تكتب كلمات زي كدا
خطورت .............بدلا من خطورة
الأمثلة كثيرة جدا
و على فكرة أنا أغلب المداخلات المكتوبة بفرانكو أراب
بعديها و مش بقرأها و أغلب الأعضاء كذلك
أنا ايه اللي يوجع قلبي و أقعد ربع ساعة أترجم في كلام عربي مكتوب بحروف مش بتاعتي
أنا حروفي هي العربي .................. و لغتي هي العربي
أحنا برضه المفروض أن تعلمنا للغات أجنبية للتحدث بها مع أهلها
و التفاخر بلغتنا شئ مهم جدا ......................
و شوف الألمان و الفرنسيين و غيرهم من الشعوب اللي بتفضل التعامل بلغاتهم الأصلية حتى لو يعرفوا لغة أجنبية تانية و برضه يحبوك قوي لو أتكلمت بلغاتهم
و ياريت حضرتك ما تخدش كلامي على محمل شخصي و تكلمني بأسلوب أنا مكلمتكش بيه
و حضرتك داخل فيه شمال .......... و بتهاجم
و أنا أساسا مجيبتش سيرتك في حاجة ؟؟؟؟؟؟؟؟؟؟؟؟؟؟؟؟؟
و بعدين مين اللي بيأمر مين ؟؟؟؟؟؟؟؟؟؟؟
أنا أمرتك بحاجة .؟......؟؟؟؟؟؟؟؟؟؟؟؟؟؟؟؟
و لا أنت اللي بتأمرني دلوقتي و عايز تحجر على رأيي !!!!!!!!!!!!
المفضلات