يا ترجع بضهرك يا ترجع علي ضهرك (حدث بالفعل)

**alexaway** · 29-01-2013 01:37 PM

من الاخر كدا اي خناقة فى مصر دلوقت حتوديك فى ستين داهية , ياما تبقي انت اللي ضارب وتدخل تقضي بقية عمرك فى السجن , او تبقي انت اللي مضروب ويحصلك عاهة مستديمة او لا قدر الله تتقتل .

**mesaharaty** · 29-01-2013 01:49 PM

أنا دايما - ولا أزكى نفسى - أبدأ أنا بالرجوع إلى الخلف ... وفيها إيه أنا مش شايفها عيبة ولا حاجة أنا شايفها إنك بتبادر بحل المشكلة بين العربيتين اللى وشهم فى وش بعض علشان المشكلة ماتكبرش لأنك فى ثانية هتلاقى طابورين عربيات وخمسين سايس و3000 متفرج ومعلق فضلا عن إحتمالية إن عربيتك تتحك لا سمح الله .
فأنت تحلى بالصبر وارجع لورا ومافيهاش أى حاجة بل بالعكس ممكن تسمع كلمة شكرا كمان .

**mohammedabdallh** · 29-01-2013 02:08 PM

وده بقى العادى فى مصر

**EngAhmedSayed** · 14-02-2013 12:53 AM

المشاركة الأصلية كتبت بواسطة maryano

يعم حكومه ايه؟؟ دة الحشيش بيتبع قدام باب محكمة مدينه نصر

ههههههههههههههههههههههههه هههههههههه

**khaled_sabry** · 14-02-2013 08:57 PM

انا بقى ساكن فى نص شارع موصل بين شارعين عمومين كبار
الشارع اللى انا فيه مايستحملشى غير عربيه واحده تعدى (لو كان الرصيفين عليهم عربيات راكنه)
و نظرا لأنى ساكن فى نص الشارع بالظبط فديما العربيات تيجي تحت بلكونتى و يتخانقو
بس فى منطقتى غالبا يقعدو يزعقو مع بعض بس و يرخمو و احيانا تلاقيهم يعندو زى العيال و يطفى العربيات و يقعدو بالمنظر ده نص ساعه او ساعه الا ربع
بس بصراحه ماحصلشى ضرب بسلاح قبل كده (غير مره واحده شويه شباب اتلمو على واحد و كسروله عربيته و هو جواها مش عارف ليه )

**Amrgamal1** · 15-02-2013 03:53 AM

يعني مافيش حكومة
ولما تحط حته سلاح في عربيتك عشان تحمي نفسك يعملولك قضيه
يعني ولا منهم بيحمونا ولا حتي مخلينا نحمي نفسنا
انا كرهت مصر بجد
بلد الأمن والمتانة

الموضوع: يا ترجع بضهرك يا ترجع علي ضهرك (حدث بالفعل)

LinkBack

أدوات الموضوع

عرض

-

-

-

-

-

المواضيع المتشابهه

العربية مش عايزة ترجع

انتبه السياره ترجع للخلف

ممكن ترجع تانى ?

لما ترجع بضهرك بتلف جسمك للخلف ولا مريات جانبية

هل ممكن ترجع زى الاول

الكلمات الدلالية لهذا الموضوع

المفضلات

المفضلات

ضوابط المشاركة