هل ممكن ترجع زى الاول

**masrawy99** · 02-11-2008 05:23 PM

السلام عليكم
خد خبطة فى الرفرف الايمن ونصف الباب الايمن الامامى جراء احتكاك العربية بعربية كارو
المهم اللى حصل ان الرفرف نصفه دخل لجوه شويه والباب مطبقش بس السوكة اللى هى الخط المستقيم اللى فى العربية راح فى نصف الباب
العربية دوجان لونها نبيتى ميتالك
عاوز اعرف عنوان ورشة قريبة من الزيتون سمكرة وبوهية فرن

وياترى تتكلف كام وهل العربية هترجع زى ماكانت والسمكرى هيعرف يستعدل الخط اللى اتمسح

والبويجى هيرعرف يجب نفس درجة اللون على فكرة انا بسال وانا جاهل لانى لسه جديد فى عالم القيادة

**ibrahimsaad** · 02-11-2008 05:59 PM

ان شاء الله ترجع زى الاول تماما بعد السمكره والدوكو

بس انا شايف انك تسيبها دلوقت

لانى لما كنت زيك بتعلم ولسه برده لحد دلوقت بتعلم اخدت اول خبطه رحت بعدها للسمكرى والدوكو ورجعت تمام

لكن بعدها بفتره حصل عندى ان الباب اللى ورا احتك بعمود نور وانا باخد ملف واطبق ودخل لجوه

عارف عملت ايه سبته زى ماهو كده

وبعدين رحت فاكك الحشوه بتاعه الباب ومرجعه انا بايدى على البارد من غير اى ادوات ورحت مركب الحشوه وعلى كده لغايه دلوقت مرحتش للسمكرة وماشى تمام ومش باين قوى غير حاجات بسيطه كده احوشها لما تبقى حاجه كبيره اروح للسمكرى مره واحده