الموضوع: هل ركن السيارة في مكان غير مستوي غلط ..رجاء الافادة بسرعة

المشاركة الأصلية كتبت بواسطة aif

بيدي لا بيد عمرو
يا ستي الحكاية ان والدي كان عاوز يسميني أحمد ... ووالدتي الله يرحمها كانت عاوزة تسميني حمدي ..... فطبعا والدي هو اللي كلامه مشي رسمي ( راجل بقى وكلامه هو اللي يمشي ) .... لكن والدتي كلامها مشي عملي ( ست بقى وتعرف تمشي كلامها بالسياسة ) ..... بقى اسمي في المدرسة وفي الجهات الرسمية احمد .... لكن في البيت والاهل والاقارب والجيران .... حمدي
ولغاية دلوقتي زوجتي بتقوللي حمدي ووالدي واخواتي واقاربي كذلك .... يعني كلام أمي الله يرحمها هو اللي ماشي لغاية دلوقت عائليا .... لكن الموضوع ده ساعات بيعملي قلق في الشغل ... يعني ممكن عميل في المكتب يكون جاري او قريبي ألاقيه عاملي توكيل رسمي باسم حمدي ....ومفارقات غريبة بتبقى طريفة في معظم الاحيان
إذن ........
انا أحمد
انا حمدي
انا إبراهيم ... ( محدش بيقوللي ابراهيم غير نهى وبعض العملاء والاصدقاء الأجانب )
انا ابو محمود
انا ابو ابراهيم
أعوذ بالله من كلمة أنا

ونسيت كمان كلاتاتا :)
ولا ده راحت عليه خلاص؟؟ :)