ما بالك بهندسة جامعة اسكندرية دة يعمل اية :idea:
هو انا منكرش ان فية بنات استيل و جمال بس قليلين
عرض للطباعة
هو اصلا المفروض ميبقاش فى ضرب
هى خناقه ولا ايه
لكن المفروض الانسان يكون سوى يعامل زوجته سواء كانت مصريه او اجنبيه بالتقوى
لانه فى الاصل بيخاف من ربنا
الا اذا بقه كان بيخاف من سعادة السفير بتاع المدام
هههههههههههههههههه:cool2:
ياجماعة الجمال جمال الروح :cool2:
بس محدش يقول روح:shocked4:
ولا يقول هو احنا هانحضر ارواح هنا :shocked4:
المهم البنت تبقي حلوة في عيون زوجها حتى لو هي في الاصل مفيهاش اي لمحة جمال خالص :idea:
وده بقي بيحصل مع اللي مراعي ربنا كويس فربنا بينعم عليه بنعمة الرضا بما قسم له ويكرمه انه يحلي زوجته في عينه ويخليها احلي ست في العالم :flowers:
فياشباب هندسة لا داعي للقلق انتوا بس مضايقين عشان الجو اللي انتوا فيه مفيهوش بنات حلوة كتير وكده مع ان ده رحمة من ربنا عليكوا عشان متنحرفوش يعني :icon_bs:
بس بكرة تتخرجوا وتنفتحوا على العالم الخارجي وتعرفوا ان الشكل وحده لايكفي :laugh::flowers:
وبعدين خلونا نرجع للموضوع الأصلي بقي لحسن علا هي اللي هاتضربنا بالنار كلنا في ميدان عام وانا معاكوا :gun_smilie:
الراجل ده بيقول كلام زي الفل و انا متفق معاه تماما
البنات المصريين فيهم تناقضات كتير
عايزة ترتبط بواحد مخربش بس محترم .. مش لازم يكون غني بس عايزة شقة في الحتة الفلانية و فرح في الفندق الفلاني .. ! و يكون حنين بس شديد .. و يكون مجنون بيها و هي براحتها يعني وقت ما تحن
و الولد برضه المصري فيه كلاكيع كتير مقولتش حاجة .. بس فيه ناس مش مكلكعة بتتخنق بسرعة فا بتقصر و لو لقت اللي هي عايزاه في شخص أجنبي خلاص بترتبط بيه و هي حاجة عادية في رأيي .. و أهو كلنا بني ادمين
عارفة يا علا الموضوع عامل زي التعصب للعربيات الياباني فقط أو الألماني فقط و اللي يقولك انا مجبش كوري انا مش مركبش إلا ألماني .. فيه ناس تقولك انا مش هتجوز مصرية و ناس مش هتتجوز إلا مصرية .. مكن يكونوا برة مصر علي طول و يرجعوا يتجوزوا و يسافروا .. يعني انا مثلا لي أصدقاء فلسطيينين كتير يمكن نص حياتهم قضوها في مصر بس ساعة الجواز بيروح طالع علي غزة خاطب و متجوز و جايبها و جي .. كل واحد دماغه ميرحاه
إلا صحيح انتي إزاي مواضيعك جامدة كدة !؟
lol تحياتي
والراجل المصري برده فيه تناقضات اكتر نذكر بعضها علي سيبل المثال لا الحصر :laugh::
عايز بنت شقية بس مؤدبة
ومنفتحة بس مالهاش علاقات
ودلوعة بس ناشفة مع الرجالة
وحنينة اوي بس شديدة وجامدة
وواثقة من نفسها ومعتزة بكرامتها بس متواضعة الي ابعد الحدود
ومثقفة بس جاهلة
وذكية بس غبية
وعبيطة وهبلة ومالهاش في حاجة بس في نفس الوقت تكون مفتحة ومحدش يضحك عليها
ومعتمدة علي نفسها وهي اللي تودي العيال المدارس وللدكاترة وتهندل كل امور البيت من غير ماتصدع دماغه بس متقدرش ابدا تستغني عنه وتحوس وتلوص من غيره
ومدبرة واقتصادية بس تهتم بجمالها ان شاء الله حتى تعمل عمليات تجميل مش جوزها ولازم يشوفها في احسن حال
وتكون فاهمة كل حاجة في الراجل بس متكونش شافت ولاعرفت ولا فكرت مجرد تفكير في مذكر او راجل قبله
وتكون شخصيتها قوية بس ضعيفة ومنكسرة ومترفعش عينها فيه ابدا
وتكون متعاونة معاه في مصروف البيت بس متخرجش تشتغل ماعنديش ستات تشتغل.
وعجبيييييييييي
كفاية كده لحد مافتكر الباقي :cool2::nerd:
الزواج من أجنبية في رأيي هو دعم لمحاولة تغيير طبيعة الحياة
و ليس محاولة للتغيير فقط
يعنى ...
واحد مش عاجباه مفردات مجتمعه و لا ثقافته (وده حق طبيعي لأي مننا)
فقرر انه يغير اسلوب الحياة -سواء في مصر أو خارجها- و تبع القرار اصرار على تغيير مستولى أولاده الفكري و الأخلاقي و الاجتماعى
و لما كان هذا القرار من الصعوبة بمكان ليتحقق في البيئة الموجودة حول هذا الشخص - اللي هو رافضها اساسا- كان لابد من له من دعم هذا الاصرار و تقويته على الاقتران بانسانة تحمل داخلها ما يريده لنفسه و لأولاده ...
أي ان هذا الشخص اقتنع بالتغيير و سار في دربه و تقبل مزاياه و عيوبه -الكثيرة- و من ثم اخذ المنحنى الأكبر و هو تثبيت التغيير بالزواج من الغربية الحسناء - و حسنها أيضا هو من نواحي التغيير لأنه قد يكلف ثمنا في مصر- .
من سار على الخطة السابقة مازال زوجا ناجحا و أبا جيدا الى اليوم وهناك امثلة حية كثيرة عاصرتها شخصيا ..
اما مدعى التحضر و طالب الوجاههة و الحسن و قافز العقبات الفاشل
فهو من لم يجد في نفسه ما يؤهله للارتباط ببنت جلدته فقرر ان يأخذ منحنى الخروج من المنافسة المضنية ......والقى بنفسه في تلابيب ثقافة لم يعرفها و لم يردها في الصميم بل بهرته ملابس الحضارة و لغتها و شقرة جلدتها
و حين عاشرها وجد نفسه ضئيلا ...عاجزا ...يحرس مبادئه الضعيفة به من طوفان من التفوق و الثقة للطرف الأخر ....
ده بقى ........
يشرب
أوبااااااااا..الموضوع شكله كده هايتحول لمساجلة كلامية.. ستات ورجالة :shocked4:
بس انا متابعة و مستمتعة بالنقاش :flowers:
وجدت هذا المقال فى احد المنتديات انقله لكم لعله يرد على سؤالك يا أستاذه علا
الرجل ينبهر بهذا الممثل الأجنبي الذي يحتضن زوجته على الشاطئ وهي ترتدي مايوه قطعتين
ثم يرتميا سويا على الرمال ويتدحرجا إلى أن يصلا إلى البحر
ثم يعودا ويتدحرجا بالعكس على الرمال على الشاطئ الهادئ الخالي من أي بني آدم،
ولذلك يحلم الرجل بأن يكون هو هذا الممثل صاحب العضلات والذي يرتدي البوكسر
وأن تكون معه هذه الفتاة الرشيقة الجميلة التي ترتدي هذا الكاش مايوه وتضع 'صن بلوك' على يديها،
http://www.dvd4arab.com/smile1/2.gif
ولكن في الزواج يا عزيزي انسى كل هذه الخيالات تماما،
فسوف تذهب إلى شاطئ يعج بآلاف المواطنين الذين يبحلقون لأي دراع معدي أمامهم،
كما أنك لن تأخذ راحتك معها لأنها مشغولة بإعداد الساندويتشات وكأنها في الجونينة يوم شم النسيم،
بالإضافة إلى أن الكرش الذي سيظهر لك بسبب أكلاتها سيمنعك من ارتداء البوكسر،
فضلا عن أنها سوف تتحول إلى كائن غير متناسق التضاريس
يجبرها على ألا ترتدي الاختراع الذي يسمى كاش مايوه
وستكتفي بجلابية مليئة بالتطريز إذا كانت حالتها مستعصية،
أو ترتدي بنطلون برمودا ضيق إذا كانت روشة طحن ومعه شبشب بلاستيك بصباع
وعادة ما يكون بمبي أو لبني وستجلس على كرسي صغير على الرمل أمام البحر مباشرة
وتدلدل رجليها وترفعهما مع كل موجة ببلاهة غريبة وستكون في قمة السعادة ثم تلف وتنظر لك وتقول
' المية حلوة قوي النهاردة .. تعالى خد شاندوشت بلوبيف'
كل هذا وأنت جالس خلفها على الكرسي الأخضر الكبير تحت الشمسية وتنظر لها من فوق الجورنال
وتتحسر على الكاش مايوه والكرة الشاطئية لأن الوضع أصبح حلل محشي وطاولة وجلابية.
زوجته في المطبخ
يستيقظ الرجل صباحا على السرير الأبيض النظيف وشعاع الشمس ضارب في عينيه،
ويمسح وجهه بيده استعدادا للفوقان ثم ينزل من على السرير وهو يرتدي التي شيرت البادي الأبيض
مع شورت كاروه قصير ويبحث عن زوجته ليجدها في المطبخ تجهز التوست والجبن المطبوخ
وترتدي فقط تيشيرت أبيض طويل يصل حتى فوق الركبة بعشرين سنتيميتر وترتدي فوقه
مريلة مطبخ ربما أطول من التيشيرت الأبيض من الأمام ثم يقف الرجل خلفها مباشرة ويقبلها
ويرمي نفسه على الكرسي المجاور لترابيزة المطبخ ليصنع الكابتشينو حتى يصحصح.
كل هذا بالطبع لا يحدث في الواقع، ولكن يحدث فقط في الأفلام والمسلسلات الأجنبية
التي يتربى عليها الرجل ويعتقد أنه فور زواجه سيفعل ذلك وستكون زوجته على هذه الشاكلة،
ولكن الصورة الواقعية ستختلف تماما عن الصورة السابقة،
فسوف يستيقظ الرجل من تحت اللحاف المشجر ويجد الحجرة ضلمة كحل لا داخلها شمس ولانور http://www.dvd4arab.com/smile1/sleep.gif
لأن زوجته مقفلة الشبابيك عشان محدش يجيله نزلة برد رغم أن نزلة البرد مكمكمة في المنزلhttp://www.dvd4arab.com/smile1/31.gif
ونفسها تلاقي باب شباك اتفتح عشان تخرج منه،
ثم يمسك الرجل أنفه بسبب ريحه البصل وغلي اللحمة وهبو المطبخ http://www.dvd4arab.com/smile1/53.gif
ثم ينزل من على السرير وهو يرتدي ترينج التوحيد والنور ليذهب إلى زوجته في المطبخ
لتنظر له نظرة الضحية للذئب البشري وكأنه السبب في العيشة الضنك،
ثم تحدف له الفوطة المتسخة الشهيرة وتقول له ارفع اللحمة من ع النار فهي تجهز طعام الغداء منذ الصباح،http://www.dvd4arab.com/smile1/41.gif
وبالطبع كل ذلك وهي ترتدي جلابية وتحتها بنطلون وتيشيرت هاي كول صوف
كل واحد بياخد نصيبه
انا ليه واحد صحبي متزوج يابانيه والاطفال طلعه غربيه الشكل شويه ياباني على شويه مصري
واهي العمليه ماشية
انا مش عارف ايه المشكله لما اتجوز اجنبيه ليه البنات بتدايق من الموضوع ده
و لا هو حقد و غيره من البنات الاجانب
اوعى ضرب النار
:gun_bandana: :gun_bandana: :gun_bandana: :2guns: :2guns: :2guns:
اخد ساتر ليه انا جاهز لاى حاجه ((( ربنا يستر)))
:knight::knight::knight:
سلام عليكم
انا كنت طرحت الموضوع ده قبل كده وكنت حكيت فيه حكايتي * متزوج من المانيه ومعاي ياسين* وحاليا في المانيا
وده لينك الموضوع
http://www.nilemotors.net/Nile/showt...C7%CC%C7%E4%C8
و النبى الاخوة الأعزاء بتوع هندسة ميتكلموش عن البنات:pinch:
دا احنا عندنا فى طب:banana::banana::banana:
البنات بيزقونا عشان يدخلوا على الجثة الأول فى المشرحة:tank:
و شرحة على العيانين
طيب و الله احنا بنعامل العيانين برفق عن البنات:shaun:
.
.
أحنا بنعرف ان دول بنات من الحجاب:yawn:
.
.
أمال احنا اتعقدنا من المصريات من شوية:biggrin24::biggrin24::biggrin24:
و فيها ايه يعني لما الواحد يتجوز من اجنبيه
حتقولوا علشان العنوسه و ان العنوسه زادت
حنقول هما البنات اللي جابوه لنفسهم
كل واحده فاكره نفسها يا ما هنا يا ما هناك
و معظمهم اصلا ولا يسووا مليم
بس بقي فاكره نفسها هيا العقل و هيا الامل و هيا العاقله و هيا اللي خساره في اي حد
ههههههههه
لو من النوعيه دي يبقي تعنس احسن و تريح و تستريح.
الواحد عاوز واحده تريحه و تحبه و تحتويه
مش واحده تنكد عليه و تقرفه في عيشته
و اللي يلاقي راحته بره او جوه البلد ما يضيعش الفرصه
the problem here is all of you are talking about something that none of you had the personal experience of which
ياعم احنا لا مضايقين ولا أي حاجة :flowers:
بالعكس احنا نتمنالك الخير انت وكل الأخوة اللي نفسهم يتجوزوا من بنات الفرنجة ويخلفوا عيال بالألوان يفرحوا كده ويحسنوا نسلنا. :p
بس احنا اللي بيضايقنا انكم بتخسفوا بينا الأرض وتطلعوا فينا القطط الفاطسة وتقارنوا بينا وبين بنات اتولدت وعاشت واتعلمت واكلت وشربت واتربت واشتغلت في بيئة مختلفة تماما عن بيئتنا لأ وايه عايزنا كمان نبقي احسن منهم
(فكرتوني بفيلم ليلة سقوط بغداد لما احمد عيد قال لحسن حسني انت فاهم انت بتطلب مني ايه انت بتطلب مني اني اسابق ناس سابقانا ب 100 سنة ضوئية عارف يعني ايه 100 سنة ضوئية) :shocked4:
وبعدين ياجماعة البنت اللي بتبالغ في طلباتها دي ماتشوفوا غيرها يعني شوفلك واحدة علي قدك وانت لازم تروح تتقدم لبنت وزير ولا سفير ويطلب منك طلبات قد كده وتيجي تقول كل البنات المصريين بيبالغوا في الطلبات.
طب ماتخلونا نشوف الموضوع من زاوية تانية :idea:
لو راجل مصري وراجل اجنبي الاتنين متساويين وزي الفل دين واخلاق وطبعا ومستوي مادي واجتماعي وكمان يتفوق الراجل الأجنبي عن المصري في قوة الجنسية اللي هايمنحها لزوجته وولاده منها ويبقوا بيتعاملوا في كل مكان جوه مصر وبره مصر في منتهي الاحترام برده تفضل لأختك انها تتجوز مين فيهم؟
والسؤال ده موجه لكل الاخوة في المنتدي ونشوف ردودهم بقي :nerd:
اي بنت في العالم سواء اجنبية او مصرية بتبقي Package كده علي بعضها فيها عيوبها وفيها مميزاتها وانت بتختار وتوزان بما سناسب احتياجاتك يعني وتقبل او ترفض وحرية الرأي مكفولة للجميع واحنا في عصر الDemocracy :gun_smilie:
ممكن أكمل على كلامك يا أستاذ حازم
95% من بنات مصر بتقيم الرجل بعربيته وخد عندك الأمثله دى حصلت معايا
* العبد لله أترفض مره من آنسه مصريه جدا محترمه عشان عربيتى لادا وعلى فكره الرفض جه قبل ما تشوفنى
* العبد لله كلاكيت تانى مره أتفرض عليه شرط من آنسه مصريه جدا محترمه أن أغير عربيتى اللادا برضه قلت ياواد كبر دماغك هى ما تقصدش فأقترحت أجيب شاهين زيرو فكان رد الآنسه المصريه جدا المحترمه لأ لأ لأ الشاهين دى بيئه وطبعا هنا الأنسان المصرى جدا المحترم جدا اللى جويا طلع وضربت كرسى فى الكلوب وفركشت كل حاجه
* آنسه مصريه جدا محترمه رفضت أن يكون زفافنا فى دار الدفاع الجوى أو الهيئه الهندسيه بحجة أنه بيئه وعاوز الفرح فى فندق 5 نجوم وبرضه هنا الأنسان المصرى جدا المحترم جدا اللى جويا طلع وضربت كرسى فى الكلوب وفركشت كل حاجه -- مش عارف أيه حكاية بيئه دى اللى طالعين فيها --
أل 5 نجوم أل 5 عفاريت --- ولا بلاش
أيه ياعم حازم ردك نكش اللى جويا زى ما أكون ما صدقت
عرفتى ليه يا علا فى شباب من مصر بيتجوز من بره مصر
أقوللك على حاجه تانيه أفتكرتها مره برضه فى أول مقابله تعارف مع أهل آنسه مصريه جدا محترمه كانت الأسئله كالآتى بعد أول 10 دقايق تعارف:
س:عندك شقه؟
ج: عندى شقتين الحمد الله
س:ليه ؟
ج:ليه أيه حضرتك؟ -العبد لله مستغرب-
س:ليه جايب شقتين؟
ج: شقه جابها لى والدى-رحمة الله عليه- وشقه أنا بدفع أقساطها كأستثمار
س:عندك عربيه؟
ج:حاليا لأ
س:والعربيه اللى معاك دى بتاعت مين؟
ج:دى بتاعة أخويا ولما باجى من السفر بستلفها منه
س:هى بأسم مين
ج:هى أيه دى حضرتك
س:العربيه
ج:بأسم أخويا
س:حتجيب شبكه فى حدود كام؟
---هنا بس قررت إيقاف محضر الشرطه ده---
العبد لله : مش قبل الكلام ده المفروض حضرتك تسأل عنى وعن أهلى مش يمكن أكون حرامى ولا نصاب جى يتجوز بنتك
أهل الآنسه المحترمين المصريين جدا: لأ لأ الجواب باين من عنوانه بس أنت ما قلتش الشبكه فى حدود كام؟
العبد لله : طيب مش نخلى حاجه نتكلم فيها لما والدى يحضر معى - قبل وفاة والدى - مهما كبرت ومهما كنت أنا اللى حدفع لازم أكبره وأحسسه أنه له دور فى حياتى والمره القادمه يكون معى ونتكلم
ج:معلش أدينا بندردش قول قول
ولما حسوا أن الجو أتكهرب غيرو الموضوع
بقولكم أيه كفايه كده
ممكن أرد على حضرتك
الطلبات المبالغ فيها بتكون من ناس عاديين جدا بس فشخره كدابه ليه بأه
أصل بنت خالتى جالها شبكه بكذا يبقى أنا لازم أكتر منها
أصل بنت خالة عمة بنت أخت مرات أخويا عملت فرحها فى مركب على النيل يبقى أنا لازم أتجوز فى تيتانك
بالنسبه للزوايه التانيه
أول شرط فى الرجل الأخلاق والتدين لو توفر فعلا فيبقى أختى هى اللى تختار مش أنا لأن هى اللى حتعيش معاه
أنتى تختارى مين فيهم؟
يا جماعة يا جماعة.. بلاش نبدأ الحديث عما يحدث في فترة البحث عن زوجة و فترة الاختيار من جانب الفتاة عشان انا و اللي زيي هانملى صفحات و صفحات من التجارب ال"مؤلمة" و ال"مهينة" بكل معنى الكلمة.. فبلاش عشان ما يبقاش سجال من النوع ده اللي مش هايجيب وراه خير ابدا.
انما خلينا نقول اننا لو قابلنا نماذج من دي في حياتنا فبالتأكيد دي مش قاعدة ممكن انها تعمم على جميع بنات مصر و إلا ما كانش فيه حد اتجوز.. يعني انا أكتر من مرة حد يتقدم لي عن طريق الأقارب و المعارف و في قاعدة التعارف الأولى ألاقيهم بيسألوني (و الله أكتر من واحد مش حالة فردية) و انتي بأه شغالة ما شاء الله في شركة أجنبية.. مرتبك كام يا ترى؟ و نماذج تانية كتير مش عايزة فعلا أفتح كلام فيها عشان مجرى الموضوع ما يتحولش لاتجاه كلنا مش هانحب انه يمشي فيه.
بس هل معنى إني قابلت نماذج زي دي اني أقول ان الرجالة المصريين معرفش مالهم؟ :cool2:
انا اعرف بنات كتير تقريبا مالهمش أي طلبات غير حياة كريمة.. يعني ان اللي عايز يتزوجها يبقى يقدر يعيشها حياة كريمة من غير بهدلة و لا يبقى معتمد على مرتبها في فتح البيت.. بس كده مش أكتر. و و الله فيه بنات كتير اعرفهم مالهمش طلبات معينة في الشبكة و تقريبا مش عايزين شبكة خالص و لا بيفرق معاهم عربيات و لا وسع الشقة و لا كلام من ده و طلباتهم كلها منحصرة في انسان كويس يعرف ربنا و يتقي الله فيها.
عدد كبير من صحباتي اتجوزوا من غير شبكة و شاركوا في فرش الشقة مش هاقول كمان النص بالنص، لأ ده أكتر شوية في بعض الأحوال.. يعني الموضوع لا يمكن أن يعمم يا حازم و يا إيهاب.. التعميم ده شئ مؤذي فعلا.
واضح أن ردى ضيقك بس على فكره ياعلا أنا ردى على أساس أن كل اللى فى المنتدى شباب وبنات أصدقاء وأخوات ولما حد بيحكى عن مشاكل واجهته ده مش معناه التعميم ولكن الفضفضه
أنا فعلا ردودى كانت جافه شويه و فيها تهكم جامد
أنا باعتذر على أسلوبى العنيف
وده طبعا مش معناه أن الرجاله المصريين ملائكه وزى المثل بيقول
يا مآمنه للرجاله يا مآمنه للميه فى الغربال
والله ياجماعه الموضوع جميل زاى موضوعيك كلها يا استاذه علا
الحمد الله ان الواحد ملوش تجارب في مواضيع دى لحد دلوقتي عشان انا من انصار
العزوبيه
معلش واضح ان كل خبراتك في الموضوع ده سيئة:sad: مش عارفة ليه :dunno: بس يمكن لسة مفيش نصيب عشان كده محصلش اتفاق معاهم :no4: وعموما انت تحمد ربنا انك متفقتش مع الناس دي لإن البنات والاهالي اللي بيفكروا بالطريقة دي عمرهم ماهيريحوك بعد الجواز واديك خلعت بدري بدري يعني :chef:واتنت الكسبان فضلت محتفظ بالشقتين لنفسك :049:بدل ماحد ييجي يشاركك فيهم :rofl:
بص والله الموضوع بالنسبة ليا محير رغم اني تقريبا اتحطيت في الموقف ده وكان في شخص مش مصري عايز يتقدم ويتجوزني وكان متدين جدا وخلوق جدا ومثقف ومعها ماجستير كمان بس اهلي رفضوه تماماً من قبل مايشوفوه حتى لمجرد انه مش مصري. :shocked4:
وبيني وبينك انا عقلتها هو بالمناسبة مكانش بيتكلم عربي اصلا يعني لغة التفاهم بينا كانت هاتبقي انجليزي اينعم الحمد لله انا كويسة في الانجليزي وبتكلم بيه عادي بس في حاجات مينفعش نعبر عنها غير بالعربي طب اهزر معاه ازاي والنبي ده؟ :thinking: :D
وبعدين كمان موضوع ان الاطفال هايبقوا علي جنسيته هوه على قد ماهو ميزة لكن في حالة لاقدر الله وحصل انفصال اولاً انا هاطرد على مصر وماليش اي حقوق وثانيا الاطفال يإما ابوهم هاياخدهم بالعافية يإما لو عرفت اخدهم انا هايتعاملوا هنا معاملة الاجانب يعني اقامة سنوية لازم تتدفع ومصاريف اضافية في التعليم وغيره.
ده غير اختلاف العادات والتقاليد من بلد للتانية برده والصدام الحضاري اللي ممكن يحصل مابيني ومابينه أو حتى مابين الاطفال والناس اللي حواليهم في مصر.
فالموضوع بالنسبة ليا انا شخصيا صعب اتجوز حد مش مصري :gun_smilie:
رغم كل مساوئ الرجل المصري الا اني مش هاتجوز غير راجل مصري ان شاء الله يعني. :thinking:
انا مصرى ومقيم فى مصر ومتجوز من اجنبية
مش عارف لية انا حاسس انكم واخدين صورة اننا مرضى نفسيين وعايزين العلاج فورا
انا متجوز من 10 سنين وعندى كريم والحمد للة
انا لما اتجوزت كان عندى شقة غرفة وصالة ومراتى قبلت العيش فيها ولم تكن مجهزة يعنى يادوب تلاجة وبوتجاز والحاجات الاساسية
ولم تطلب فرح كبير ولا شبكة مع العتم انها ليست كبيرة فى السن ولا وحشة
هى اصغر منى ب 7 سنين
ولم تضغط على يوم فى المصاريف او عايزة مش عارف اية
الحمد للة ربنا كرمنا واصبح عندنا فيلا كبيرة حديقة
ولكن الاهم هو كيف تربى الاطفال
هم معندهمش هزار فى التربية زى عندنا
ابسط حاجة مفيش طفل ينام بعد الساعة عشرة مساء
كريم 5 سنين ويتكلم 3 لغات بطلاقة
لم تنتظر حتى يذهب الى المدرسة وانما بدات تعليمة من سن صغيرة المهارات الاساسية
مش عايز اطول عليكم بس احنا مش مرضى وشكرا
ياعلا اللي انتي مريتي بيه ده كل بنت بتشتغل مرت بيه :iagree:وخصوصا لو كانت بتشتغل في شركة كبيرة وبقالها كتير شغالة (يعني بتقبض علي قلبها قد كده) :049::rofl:
بس دلوقتي بتقولي بلاش نتكلم عن فترة ماقبل الزواج بالنسبة للولد والبنت.
طب نتكلم في ايه انا عن نفسي ماليش تجربة شخصية في موضوع زواج الاجانب لإني لسة متجوزتش لا مصري ولا اجنبي :D لكن حكيت تجربة زميل ليا وانتهت ازاي وحجم المأساه اللي بيعيشها مع مراته الاجنبيه حالياً.
فلو حد تاني يعرف حد له تجربة برده يحكيلنا ويقولنا ايه اللي خلي الزواج يفشل وايه عيوب البنت الأجنبية وكفاية بقي عيوب في البنت المصرية:funny34d: لإنها بقت خلاص شرك :wheelchair: ومتصلحش تتجوز اساسا :svengo:بعد الهجوم الفظيع ده :icon_bs:
الاستاذ ايهاب عنده حق و كلامه فعلا بيحصل
دا انا مره رايح اخطب واحده باباها بيسالني انت جاي ازاي قولتله جاي بالعربيه
لقيته طلع البلكونه و بيقولي انهي واحده؟؟!!!!!!
و سالني عندك شقه ؟؟طب كام متر؟؟طب في الدور الكام؟؟
انا قولتله عندي و 160 متر و في الدور الخامس اخر دور
يقولي لاء بعيد اوي و بكده الشمس حتضرب في السقف طول النهار!!!
طب انت مالك انت تضرب و لا ما تضربش هو في شاب عنده 26 سنه معاه اللي معايا و الحمد لله
و نزلت و ما اتصلتش بيهم تاني و شيلت الموضوع من دماغي
و يا بيردي الواحد ما بيروحش يخطب بنت وزير و لا سفير علشان يبالغوا في الطلبات كده
و يا علا محدش فينا عمم و لو كان في تعميم مكنش حد اتجوز من مصر و كله اتجوز من بره.
انا هتكلم عن ال community اللي بحتك بيه اللي هو بنات الجامعة .. أولاَ خلال قصص الحب الصغيرة أو بمعني أصح عشان نبقي بنتكلم كويس "المصاحبة" ما بين شباب الجامعة و بنات الجامعة .. البنت بتحاول علي قد ما تقدر تصاحب واحد معاه عربية عشان احنا جامعتنا بعيد في 6 أكتوبر و هي مش عايزة تتبهدل في المواصلات .. لذلك تلاقي البنات كلها الصبح و الجامعة داخلة بتعمل scan للباركنج في الجامعة و مين نازل من أنهي عربية و موديل كام و بتاع .. و لسة في الجامعة .. و علي حسب عربيته تبدأ عملية الإختيار و الفرز عشان لازم يبقي واحد مستريح أوي عشان يخرجوا في أماكن حلوة و يجيلها هدية مش عارف عاملة إزاي في الفلانتين .
يعني أقربها بنت مصرية معانا في الجامعة بتغني و نزلها كليبات مع فريق غنائي كدة و اتعرفت شوية بس مش هقول إسمها عشان منبقاش بنخبط في الحلل .. مصاحبة واحد إبن أمير سعودي معانا في الجامعة (معاه جاجوار) و جالها في الفلانتين 6 شنط سامسونيت ملاينين بيرفيومز و إكسسوارات و حاجات كدة ، و طبعا هي نشرت بنفسها محتويات الشنط للفشخرة .
انا قلت بما إننا بنقول الجد و اللي ناويين علي جواز بيعملوا إيه .. قلت أقول برده اللي بيلعبوا بيعملوا ايه
انا واحد صاحبي برضه اتقدم لواحدة و ابوها قالها أي حد إلا الواد ده ! أول ما شاف عربيته لأن هوا والده متوفي و هو والدته معاهم برادوا كانشل
و للأمانة البنت مكانتش طالبة حاجة بالعكس هي كانت موافقة جداَ لأنهم مرتبطين من 7 سنين من ايام ما كنا في المدرسة .. و هنا تظهر نقطة تانية و هي العيلة المصرية .. يعني ممكن تبقي البنت مش عايزة حاجة و أهلها محجرين دماغهم و نظام بقي (هوا احنا هنرمي بنتنا ببلاش !) و الشغل القديم ده .. هي منظومة بايظة و ثقافة محتاجة تتغير .
والله انا لسه بدري علي موضوع ارتباطي لكن لما افكر في الارتباط بانسانة مش هتكون من بره مصر او بالاحري مش من خارج الاسكندرية ده انا عايش في عروسة البحر افكر اطلع بره ليه
.......... عاجباني كلمة بالاحرى دي اوي ..............
........هاهاهاهاهاهاهاهاهاهاه اهاها .............