ههههههههههه
ربنا يخليكو لبعض
عرض للطباعة
علي فكرة ده فعلا بيحصل :flowers:
انا كان مرة اتقدملي شاب كان زميل صاحبتي في الكورس وعرض عليا انه يتقدملي وقالي علي كل امكانياته ورحت قلت لأهلي وهما في الاول عارضوا شوية وقالوا لأ وكانوا بيتقلوا عليه في الطلبات شوية (مش افترا منهم يعني بس عقليات اهالينا بتختلف عن عقلياتنا شوية)
ورغم اني مكنش في بينه وبينه قصة حب وكان يعتبر جواز صالونات بس انا كنت هاوافق عليه عشان اخلاقه ولإنه فعلا انسان محترم وعايز يدخل البيت من بابه من غير لف ودوران وبالفعل انا قعدت مع اهلي اكتر من مرة وهاجمتهم عشان بيتقلوا عليه في الطلبات وحاولت اوصل الموضوع بين الطرفين لحلول وسطية وكل حد مننا يتنازل شوية مش شرط يعني نجيب احسن سفرة ولا افضل انتريه يعني ومش شرط نفرش ال 5 اوض كلهم قبل الجواز يعني وحتي في الشبكة قلتله قدم اللي تقدر عليه في الشبكة وانا عندي شوية دهب صغيرين كده احطهم علي تمنها ونجيب حاجة معقولة وفعلا اهلي ابتدوا يستجيبوا شوية بشوية وكانوا خلاص بيتفقوا بس محصلش نصيب لأسباب تانية خالص بعيدا عن موضوع الماديات ده.
بس الموضوع محتاج شوية تروي وتفاهم
وكمان في نصيحة حلوة اوي سمعتها بخصوص الموضوع ده
لو شاب عايز يتقدم لبنت لو كان يعرفها قبل مايدخل بيتهم يعني مش شرط يكون مصاحبها يعني
يقعد معاها ويفهمها وضعه المادي ايه وايه بالضبط اللي يقدر يجيبه ويفهم منها ايه طلبات اهلها والله كل واحد فيهم عرف يقنع اهله بإمكانيات التاني خير وعلي بركة الله يروح يتقدم وخلاص مش هايحتاج يتكمل في ماديات اساساً متفقوش خلاص محصلش اي حاجة ومخسروش حاجة ويعتبروا الموضوع مفيهوش نصيب وبس من غير ماطرف يعيب في التاني ويلوم علي ماديته وطمعه.
والبنت هي تبقي حلقة الوصل بين الاتنين زي ماعملت انا كده عشان ميحصلش صدام بين الاهالي وبعضيها او بين العريس واهل العروسة.
لإن في الاخر هما الاتنين هايعيشوا مع بعض والعفش والكلام ده هايبقي شوية كراكيب وخشب محطوطة في البيت واللي هايفضل هو العشرة الطيبة والمودة والذرية الصالحة.
أستاذ حازم إسمحلى بس أعلق على ردك ده ... رغم إن ردودك الأخيرة كلها بصراحة عايز أعلق عليها ... بس مش عاوز أحول مسار الموضوع.
مش معنى إن بنات المنتدى ساكتين يبقى هما موافقين على الموضوع .. و الأستاذة علا هى بس اللى ردت معظم الردود قبل كده لأنها هى صاحبة الموضوع و أكيد متابعاه .... أضف إلى ذلك إن عدد الأعضاء البنات قليل .... فإسمحلى أقولك إن إستنتاجك إن بنات المنتدى متقبلين الموضوع .. خاطىء.
تحياتى
معلش ياجماعة معذرة بس انا كنت توقفت عن الرد او المشاركة في الموضوع ده لأني حسيت بإحباط شديد واهانة شديدة اوي من بعض الشباب اللي طلعوا في البنت المصرية القطط الفاطسة وحسسونا ان اي بنت من اي بلد تانية تبقي برقبتها وتستاهل ان الواحد يتجوزها ويسيب المصرية تعنس وكإن البنت المصرية ليس لها اي قيمة تماما رغم ان كلكوا شباب عايشين في مصر وعائلاتكوا كلها مصرية وكمان حواليكوا بنات مصريين كتير
بس احنا عموما شباب وبنات عندنا فعلا مشكلة التعميم البنت لو مرت بتجربة او اتنين سيئين تقولك كل الرجالة وحشين والراجل برده يقولك كل البنات وحشين وخاينين
بالنسبة للأخ اللي قال البنات المصريات ميصلحوش للزواج (طب سؤال يصلحوا لإيه بالضبط في وجهة نظرك) عشان نشوف ايه اللي نصلحله ده يمكن يكون افيد من الجواز ونعمله.
واسفة على لهجة الاسي اللي في كلامي بس فعلا انا احبطت اكتر واكتئبت اكتر ونفسيتي بقت في الارض بس طبعا مش بس بسبب الردود الهجومية علي بنات مصر لكن في اسباب اخري مفيش مجال لذكرها هنا.
وتحياتي ليكم جميعاً[/quote]
أهدا بس ياعم إبراهيم
احباط شديد واهانه شديده أيه الكلام الكبير ده
هو يمكن الواحد فضفض شويه من الحاجات اللى مضايقه
طيب ما كل واحد فينا لما بتبقى عنده مشكله وعاوز يتكلم مع حد بيكلم أخته قبل ما يكلم أخوه أنا شخصيا بعمل كده بتكلم مع أختى أكتر من أخويا
ياريت ياحازم ويامحمد نهدى الموضوع شويه وفى النهايه أحنا هنا فى المنتدى أخوات خلينا نقول أن فى نسبه كبيره من المشاكل بتحصل من الأهل زى ما الأستاذ سبعاوى قال وبلاش نعمم لأن للآسف أنا أعرف رجال بيشترطو أن البنت تكون بتشتغل وتديله المرتب أول كل شهر
يبقى برضه مش كل الرجال وحشين
انا انسحب من الموضوع احسن
علشان انا شايف ان فى ناس معندهاش استعداد للمناقشه الصحيحه
اهم حاجه عندهم افكارهم و خلاص
ميرس اوي على رد حضرتك وتعاطفك معايا :flowers:
بس احب الفت نظر حضرتك اني مش اسمي ابراهيم :shocked4: ومش ولد خالص انا بنت كمان :shocked4: والاسم الحركي بتاعي في المنتدي (Birdy) واكيد انا لو ابرهيم مش هاحس بالمهانة والاحباط عشان البنات المصريات بيطلع فيهم القطط الفاطسة هازعل عليهم ليه يعني لو انا مش بنت زيهم.
اوعي حضرتك تزعل مني انا بهزر معاك علي فكرة بس اكيد حضرتك اتلخبطت بين ردي ورد الاستاذ احمد ابراهيم :flowers:
معاها فيورا :shocked4: :shocked4:
وبتتريق علي الشاهين وتقول عليها بيئة كمان :rofl: :rofl:
احنا في زمن العجايب
معلش معلش بكرة ربنا يعفي عنها سامحوها متعرفش :D
وانا عدت من تاني لإن بصراحة الردود استفزتني للرد (مش عارفة ايه كمية الره اللي في كلامي دي) :D
بس لو حد شتم علي المصريات تاني انا مش عارفة هاعمل ايه ممكن انتحر من فوق السجادة بقي وخلاص وامري لله :D
ااااااااااه معلش انا رغم اني بموت في خفة دم طلعت زكريا وشوفت الفيلم بس ماخدتش بالي من الحتة دي الواحد ذاكرته بقت تفوت كتير اوي اليومين دول :yawn:
وميرسي اوي لترحيبك بيا ومتزعلش علي الاخت بتاعة الفيورا دي ربنا هايعوضك خير منها ان شاء الله
ولما تروح تتقدم المرة الجاية تروح وانت معاك 4×4 عشان محدش ينطق المرة دي بقي ولو حد نطق اطلع بالعربية فوق شقتهم وساويها بالأرض وهما احرار بقي :laugh:
حتى السجادة مستخسرينها فيا :ANSmile05: بس السجادة حلوة هاتستحملني انا واثقة في ده ( الحمد لله وزني مش من النوع التقيل خالص يعني السجادة ولا هاتحس بحاجة اصلا كإن ناموسة وقعت عليها مثلا) بس المكتب عندي مفيهوش سجادة فيه موكيت ينفع ولا هو كمان هايقول لأ. :smug:
أنا مش زعلان عليها خالص لأن النوعيه دى معرفش أتعايش معاها وكان حاجه من 2 يا حطلاقها يا حاموتهههههههههههههههها:diabl o1:
والأكياس السودا المره دى عندى أنا
فكرة برده :idea:
ماشي يامنتدي :shocked4: يعني انتوا مصممين اني انتحر يعني؟ :ANSmile05: طب انا هارمي نفسي من فوق السيراميك واريحكوا :surrender:
"ولا عزاء للرجال" :beee:
واهو كويس السيراميك في الحر اللي احنا فيه ده برده اهو يجيب طراوة :biggrin24::biggrinjester:
هي استاذه علا فين
انا لسه جاي حالا كان ورايا كام حاجه و فوجئت بعدد الردود الرهيب
الاستاذ احمد ابراهيم كلامك علي عيني و راسي يا باشا
بس انا ما غلطش في حد علشان اتهاجم الهجوم العنيف دا
و علشان برضه انا عامل ليك خاطر و لكل الناس المحترمه اللي في الموضوع سواء رجال او بنات فمردتش ارد باسلوب سخيف علي الاهانات السخيفه الموجهه ليا من صاحبه الموضوع
لا استاذ علا خالص مش عارفه ترد لما لقت الاغلبيه ضد الفكره اللي طرحتها
و هي لا تقبل كده
ازاي يبقي في رايي غير رايها و مخالف لرايها.
و قريب حتطلب ان الموضوع يتقفل
لا يا أستاذ حازم .. الأستاذة علا مش عاوزة ترد عشان متحصلش مشاكل ..... حضرتك ردودك كلها بصراحة محدش يستحملها .... ليه كل الهجوم ده على صاحبة الموضوع !!! .... معلش حضرتك أنا شايف إنك مبالغ قوى فى رد الفعل.
أرجو إنك تعيد التفكير فى أسلوب الرد.
ممكن تجيبلى حضرتك المشاركة أو المشاركات اللى ضايقتك و حسيت إنها فيها إهانة خاصة لشخصك الكريم.
أرجوك أستاذ حازم بلاش مشاكل ..... و أسف إنى برد بالنيابة عن أستاذة علا ... لكن الكلام ميتسكتش عليه و هى قالتلى إنها مش هتشارك فى الموضوع ده تانى و أنا إستأذنت منها.
شكراً
انا ردودي محدش يستحملها؟؟اقتباس:
لا يا أستاذ حازم .. الأستاذة علا مش عاوزة ترد عشان متحصلش مشاكل ..... حضرتك ردودك كلها بصراحة محدش يستحملها .... ليه كل الهجوم ده على صاحبة الموضوع !!! .... معلش حضرتك أنا شايف إنك مبالغ قوى فى رد الفعل.
أرجو إنك تعيد التفكير فى أسلوب الرد.
ههههههههههههههههههه
جايز برضه عموما برضه يا استاذ ميزا انا حر في رايي و انا ما غلطش في حد و ما عممتش ولا استفذيت حد اللي بقي بيشيل و غاوي مشاكل هو اللي بيثير الخلافات.
المشاركات عند حضرتك مش كل شويه حقعد ادور و اعملها اقتباس و متهيالي حضرتك متابع من اول الموضوع و شايف اللي بيحصل كويس و شايف كم الاستفزاز و الاهانهاقتباس:
ممكن تجيبلى حضرتك المشاركة أو المشاركات اللى ضايقتك و حسيت إنها فيها إهانة خاصة لشخصك الكريم.
زي ما انا قولت يعنياقتباس:
أرجوك أستاذ حازم بلاش مشاكل ..... و أسف إنى برد بالنيابة عن أستاذة علا ... لكن الكلام ميتسكتش عليه و هى قالتلى إنها مش هتشارك فى الموضوع ده تانى و أنا إستأذنت منها.
و عموما حضرتك ليك كل احترام
بس انا بفضل ان صاحب المشكله هو اللي يرد ما يخليش حد يرد مكانه
أستاذ حازم
مع احترامي الشديد لرأيك بس العيب الأساسي اللي حضرتك بتتهم بيه صاحبة الموضوع (عدم تقبل الرأي الآخر) أنا شايف أنك بتعاني منه بس بصورة أخرى
لأن شوف احنا كام واحد قلنالك تهدي من اسلوبك و أن اسلوبك حاد ولكنك لم تتقبل كلامنا... و أنا متأكد أنك هتنتقد رأيي ده بشدة بس ديه الحقيقة الواضحة وضوح الشمس
معلش يا باشا يعني سؤال
حضرتك ليه بتخلط الامور ببعضها
واحده غلطط فيا المفروض مني ايه؟؟
اسمع كلام الاعضاء و اهدي نفسي؟؟
طب ما بدل ما الناس كده عماله تقولي هدي نفسك تروح تقولها تعتذر علي غلطها اللي هيا اساسا بدات بيه!!!!!!!
صح و لا انا غلطان ..؟؟؟؟
هو مثلا لما تكون انت في بيتك و حد دخل سرق بيتك و نزلت تبلغ عنه و طلع من منطقتك
و انت مصر انك تعمل له محضر و الناس بتقولك المسامح كريم و انت مصر
يبقي معني كده انك مش بتتقبل الراي الاخر؟؟
الراي الاخر اتقبله في النقاش
لكن في الاهانه مافيش راي اخر
ولا انت رايك ايه؟؟؟
و الله حتى لو قلت بنت واحده بس مش كل البنات هتهاجم
ما هى دى طبيعه البنات ميحبوش حد يتكلم عليهم و يقول اننهم وحشين
او انهم عقليه تعبانه او يفضل حد عليهم
مع ان هى دى الحقيقه ان البنات الاجانب احسن من المصريات بكتيييييير
بغض النظر عن الملامح و كده فكفايه العقليه الاجنبيه
يا نهار أبيض ....أركان المنتدى زعلوا من بعض :sad:
أنت يا عم المافيوزو ...فين المطافي اللي قالك عليها حمدي باشا ...يووه أحمد باشا ...يوووه ابراهيم باشا ......كلاتاتة باشا و خلاص ......أهدى بقى يا عم البرنس كاظم ...يووه سنيور زيموس و خلاص
خيركم الذي يبدأ بالسلام
مين فيكم أحسن من التاني :flowers:
خلاص بقا يا استاذ حازم
انسى و حصل خير
لا حول ولا قوه الا بالله العلى العظيم
عين وصابتكم يا اعضاء نايل موتووووووورز كل موضوع فيه خناقه بين الاعضاء
هدى يا حاززززززززززم بيه الموضوع بسيط وعلا اكيد مش زعلانه منك هى بنت طيوووووووبه وعسوله جدا يا بيه احنا هنا اخووووووووات كلنا ومش محتاج الموضوع للاسف بينا
العفوووووووو عند المقدره
يا دكتور هشام انت عارف غلاوتك عندي اد ايه مش محتاج اقولك
بس انت برضه ما ترضاش ليا ان كرامتي تتهان من اي حد
الموضوع مش مين يبدا بالسلام الموضع كله ان اللي غلط مش معترف انه غلط
يمكن انا قبلتها مره قبل كده من احد الاعضاء بس مش حقبلها تاني علشان ندمت جدا يومها.
يا استاذ احمد الموضوع ليه رواسب عند صاحبه الموضوع انا ماليش يد فيها
ما بيعجبكيش رايي اوك انت حره بس انا مش مجبر اني اغير رايي علشان خاطر حد و بقولها للمره المليون
دموع هانم عاش من شافك:)
هو مين اللي ليه الحق يزعل في التاني
يا ستي انا ما كلمتهاش و لا جيت ناحيتها يبقي مين اللي يزعل
و لو احنا اخوات يبقي كل واحد يحترم اخوه و ما يجرحش فيه .
و الاسف واجب علي اي حد يغلط سواء بقي كبير او صغير اخ ولا مش اخ
دي الاصول و دا المفروض ولا انا كلامي في حاجه غلط؟؟؟!!
طيب . نحتكم لاحد اعضاء المنتدى الكبار يوافق عليه الطرفين و يرضيا حكمه و يتعهدا بتنفيذه
ما رايكما ؟
خلالالالالالالالالالالاص يا زوووووووومه بئه حقك عليا يا سيدى انا بعتذر لك بالنيابه عن علا احنا داخلين على رمضااااااااان وعاوزين ربنا يكرمنا بالصوم
وانتى يا عــــــــــــلا برضوه حقك عليا ومتزعليش من حازم
واياك ترد رد يغيظ يا حازم انا بحذرك اهوه هبعتلك صاروخ ارض جو لبيتكم
فكرة هايلة.... و أنا اقترح أحمد باشا ابراهيم (معلهش يا توأمي الجميل ...بس ما فيش أصلح منك :flowers:) و أنا متأكد أن الاتنين حيوافقوا
"الَّذِينَ يُنفِقُونَ فِي السَّرَّاء وَالضَّرَّاء وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِينَ "....آل عمران 134
أستاذ حازم ... أنا مش عاوزك إنت و لا أى حد يزعل منى فى أى حاجة .. و أنا عمرى ما حاولت أضايق حد بكلمه ... أنا قلت اللى أنا شايفه بدون إنحياز لحد ...و أرجوك نحاول نقفل الباب على المشكلة دى .... مش كل شوية مشاكل فى المنتدى .... عاوزين نهدى شوية بقى ...
ممكن ننسى كل ده و منحاولش ندور مين اللى غلطان و مين اللى مش غلطان ... لأننا كده بنخلق مشاكل و زعل من بعض بدون أى داعى .... يعنى لو حد قالك إنتا غلطان أكيد هتزعل و لو حد قال للأستاذة علا إنتى غلطانة برضه هتزعل ... فبلاش ندور على الغلطان ... و حقكم عليا إنتوا الإتنين.
تحياتى أستاذ حازم و متضايقش منى.
يا جماعة مافيش حاجة خلاص.. انا مش زعلانة من حازم كلنا هنا إخوات و ده بيتنا :)
خالص امتناني لكل المساعي المشكورة لتهدئة الجو. على فكرة المساعي المشكورة ده اسم مدرسة.. الشاطر بأه اللي يقول لي دي كانت مدرسة مين :thinking:
لا بجد بجد.. جزاكم الله خيرا جميعا :flowers: