ممكن حد يجى معايا يشوف العربية دى

**medo_egypt86** · 30-01-2013 02:39 PM

ممكن حد يجى معايا يشوف العربية دى او قولو لى اقدر اكشف عليها فين
سيارة bmw 316 i لقطة -حالة ممتازة جداً-فبريكة بالكامل جوه وبره-مانيوال-فتحة سقف اوريجينال-زجاج كهرباء -مرايات كهرباء- وحدةرفع -باور ستيرنج- إنذار-سنترلوك- جنوط سبور-فرش جلدبيج اوريجينال بحالة جيدة جدا-موافقة استيرادية-الحالة العامة للسيارة ممتازة جدا
مطلوب فيها 67.000
مكتوب عاملة 200000كم

**moumen_hs** · 30-01-2013 03:26 PM

أحسن مكان ممكن تكشف علية فية هما البافارية على دائرى المعادى - التجمع بس اعتقد الكشف عندهم غالى شوية

**medo_egypt86** · 30-01-2013 04:01 PM

المشاركة الأصلية كتبت بواسطة moumen_hs

أحسن مكان ممكن تكشف علية فية هما البافارية على دائرى المعادى - التجمع بس اعتقد الكشف عندهم غالى شوية

هيبقى الكشف بكام ويا ريت اعرف تعمل كام العربية لو بالحالة اللى مكتوبة دى؟

**mahmoud_anwar** · 30-01-2013 04:27 PM

هيا موديل كام شكلها m40 موديل 90

**M.Ayman** · 30-01-2013 04:50 PM

لو m40 اظن يبقي كده غالي قوي عليها ،،،، بس لو دي دبانه و مفيهاش مصاريف يبقي حلو السعر ده ليك وللبيبيع

**medo_egypt86** · 30-01-2013 05:48 PM

هيه موديل 93
فى حد هيجى معايا اصلها بصراحة اول مرة هتفرج على بى ام يعنى اكشف عليها واتفرج

**adolf** · 30-01-2013 06:03 PM

المشاركة الأصلية كتبت بواسطة medo_egypt86

هيبقى الكشف بكام ويا ريت اعرف تعمل كام العربية لو بالحالة اللى مكتوبة دى؟

اعتقد ان كشف التوكيل فى حدود ١٢٠٠ جنيه بس هما عندهم مشكلة انهم هايدولك معاد بعيد.......اقترح انك تروح تكشف عند الشيخ طارق تحت كوبري الجيش على طريق السويس

**sheko_2000eg** · 31-01-2013 01:08 PM

لو احتجتني كلمني و انا معاك قلباً و قالباً.

**M.Ayman** · 31-01-2013 06:47 PM

المشاركة الأصلية كتبت بواسطة medo_egypt86

هيه موديل 93
فى حد هيجى معايا اصلها بصراحة اول مرة هتفرج على بى ام يعنى اكشف عليها واتفرج

طيب تمام يعني e36 ،،،، نصيحه لوجه الله متعتمدش علي حد انت روح شوف العربيه و اركبها و شوف مريحاك ولا لأ كل حاجه فيها شغاله ولا لأ تكييف شغال حلو ولا لأ اسمع صوت الموتور صوته هادي مش بيعلي و يوطي سحبه حلو مفيش اي اصوات من العفشه .... الخ من الاخر يعني اول حاجه تركب العربيه و تتأكد من انها حلوه و مصروف عليها ايه اللي ناقصها او مش شغال و مستريح فيها ولا لأ لما تعدي المرحله دي و تمام العربيه حلوه و داخله دماغك بقي ... كلمني او اسأل هنا الاعضاء الكرام عن سمكري حلو في الحرفيين مثلا زي سمير علي يكشف علي جسم العربيه و ان كانت راشه اي حاجه ولا لأ و كده و برضه تسأل علي حد يكشف علي الموتور و يحطه علي الجهاز علشان يعرف ان كان قرأ اي اعطال او حاجه العربيه طلعت تمام تاني يوم تطلع مع صاحبها علي المرور تخيب شهادة بيانات و يدفع المخالفات اللي عليه بعد كده تروحوا علي الشهر العقاري يعملك عقد مسجل بقي و اديله فلوسه و برضه نصيحه تانيه متستناش لحد ما الترخيص ينتهي روح جدد علطول علشان تبقي في الامان و ضامن ان العربيه اترخصت بدون مشاكل ان شاء الله و ربنا ان شاء الله يكرمك و تطلع عربيه حالتها محترمه

**M.Ayman** · 31-01-2013 06:50 PM

ياريت كمان بعد ما تعدي اول مرحله بانك ركبت العربيه و عجبتك تمام تسأل صاحبها و قوله بأمانه ربنا كده العربيه فيها حاجه ولا لأ علشان طبعا هنروح لسمكري كبير ان شاء الله هيكشف اي حاجه لا قدر الله فيها و مصاريف كتير يعني لو فيها حاجه خليك امين و عرفني بدل ما ادفع فلوس كشف علي الفاضي و هو هيكون راح و جيه معاك من غير فايده و ضيع وقته

الموضوع: ممكن حد يجى معايا يشوف العربية دى

LinkBack

أدوات الموضوع

عرض

-

-

-

-

المواضيع المتشابهه

معايا لحد 120,000 ممكن اجيب عربيه ايه !؟

معايا 16 الف ...ممكن اشتري ايه

هوه ايه اللى بخلى دريكسيون العربية خفيف العربية بتتحرك معايا فى أفل خركة و كمان عندى

ممكن تفكروا معايا

واحد عاوز يشوف العربية بس فى بنزينة بعيدة

الكلمات الدلالية لهذا الموضوع

المفضلات

المفضلات

ضوابط المشاركة