إياكم وشوارع الإسكندرية!

**r0xer** · 28-07-2008 02:57 PM

لسة جاي من إسكندرية إمبارح باليل و مش قادر أكتم غيظي بجد من منظر الشوارع هناك...بجد حرام دي تكون عروس البحر الأبيض. دي أخرها تبقى شبح شوارع البحر الأبيض.

أولاً كل 10 متر لازم تلاقي بلاعة نازلة لتحت...أو طالعة لفوق!

ثانيا لازم تلاقي مطب كل 300 متر كحد أقصى و المطب عبارة عن جبل و في أخره حفرة و ربنا معاك بقا.

ثالثاً الشوارع مش كلها مضائة ليلاً .

رابعاً حتى شارع الكورنيش فيه بلاعات ممكن تكسرلك جنوطك والله!

أنا كنت مرصص العربية و أنا رايح وكنت بجيب بيها 170 على طريق القاهرة-إسكندرية الزراعي "الدولي الجديد" و الله العربية مكنتش بترعش أبدا رغم إنها "فيرنا" و هي مشهورة برعشتها . و أنا جاي كنت يدوب بجيب ال120 تبدأ الرعشة!.

رحت لبتاع الترصيص و لاقينا التالي :

1- الفردتين الشمال اللي قدام و اللي ورا الجنط فيه عوجة!!

2- الفردة اليمين اللي قدام أترصصت .

3- الإكصدام اللي قدام فيه خبطة بسبب بلاعة أخدتها أول ما نزلت إسكندرية و طلعت على طريق الكورنيش اللي كنت فاكر إنه طريق عالمي لحد ما فوجئت بالعربية نزلت لتحت.

كل دا في 4 أيام بس في إسكندرية... امال ياترى اللي ساكنين فيها بيعملو أيه!!

و يا ترى سيادة المحافظ اللي عمال يرغي و يقول هتبقى مدينة عالمية ممكن نعرف إمتى هتبقى عالمية ؟

**islamnabil** · 28-07-2008 03:11 PM

بص معلش هوا المحافظ ده كده
بيفتح في كل الشغل مرة واحدة و بعدها بيشتغل
يعني السنة اللي فاتت برضو هدم كل رصفان الشوارع في اسكندرية مرة واحدة و بعدين عملها

نستنى عليه شوية و نشوف

بس ده مايمنعش انه غلطان جدا في تخطيطه

وطبعا اسكندرية كانت احلى و اجمل بمراحل ايام المحجوب

**Ghamrawy** · 28-07-2008 03:17 PM

المشاركة الأصلية كتبت بواسطة r0xer

و يا ترى سيادة المحافظ اللي عمال يرغي و يقول هتبقى مدينة عالمية ممكن نعرف إمتى هتبقى عالمية ؟

حا تبقى عالمية لما مصر تكسب كاس العالم لكرة القدم و لما الجنيه المصرى يبقى ب 10 يورو

**modmed12** · 28-07-2008 03:31 PM

المشاركة الأصلية كتبت بواسطة gemino

حا تبقى عالمية لما مصر تكسب كاس العالم لكرة القدم و لما الجنيه المصرى يبقى ب 10 يورو

:laugh:

:nerd:

**fahd_628** · 28-07-2008 03:38 PM

بجد والله انا حاسس ان العربية عندى اتلخلخت و عاوزة تربيط عفشة :(

**ali1spc** · 28-07-2008 05:58 PM

ربنا يكون فى عونا

**pedooooo** · 28-07-2008 06:13 PM

السنه اللى فاتت اول ما دخلت اسكندريه و انا نازل من على الكوبرى اللى عند جرين بلازا وقعت فى بلاعه الكاوتش فرقع والجنط اتقطم
ربنا يسامحهك

**tutankhamoun** · 28-07-2008 06:31 PM

المشاركة الأصلية كتبت بواسطة gemino

حا تبقى عالمية لما مصر تكسب كاس العالم لكرة القدم و لما الجنيه المصرى يبقى ب 10 يورو

أوافقك الرأي
بالإضافة للآتي

عُمر ما هايبقى في مصر مدينة عالمية
إلا لو سكنها كمان سكان عالميين
إنما أغلب سكان مصر .......... من دوري الشركات الكسر
فيمنفعش تبني مدينة عالمية
و تلاقي واحد بيرمي زبالته من العربية
و تنزل في وش العربية اللي جايه وراه

المشاركة الأصلية كتبت بواسطة modmed12

:laugh:

:nerd:

حد بينادي على توت ؟؟؟؟؟؟؟؟؟

**Hassan Khalil** · 28-07-2008 06:51 PM

المشاركة الأصلية كتبت بواسطة fahd_628

بجد والله انا حاسس ان العربية عندى اتلخلخت و عاوزة تربيط عفشة :(

انهي عربية يابني ...؟؟؟؟؟ دانتا لسه بتقول يا هاااادي

**amr mokhtar** · 28-07-2008 09:43 PM

يااااه ده انتوا غلابة اوى
ده إحنا بنعيش دلوقتى فى رعب إسمه البلاعات المفتوحة نتيجة سرقة غطاءها

كان عندنا فى الشارع بلاعة مفتوحة و كنت بعدى من فوقها كل يوم لدرجة انها عملتلى هسهس فى نفوخى من الرعب و انا باخدها ما بين العجل
و كان فيه عدد لا بأس به من الضحايا إلى ان تم تركيب غطاء لها بعد مرور 3 اسابيع و سقوط حوالى 10 ضحايا

يا جماعة ده سايب الشوارع الرئيسية الراقية زى شارع سوريا مثلآ مدغدغة و ماسك فى سفلتة شوارع محدش بيمشى فيها اساسآ

و ده غير الفكرة الجهنامية الفظيعة اللى هى إزالة أحجار الأرصفة فى المدينة كاملة و إستبدالها بخرسانة و اللى مش هتعمر 5 سنين على بعض خصوصآ مع الشتاء و المطر

و حاجة كمان
هم ليه زعلانين من النفق بتاع قناة السويس؟؟؟

انا لو إتفتحت مش هتقفل و هحتاج صفحات طويلة