عفشة ال 127

**محمود فرنسا** · 31-01-2013 05:49 AM

السلام عليكم ورحمة الله وبركاتة
اخوانى الاعزاء اعضاء وزوار المنتدى الجميل نايل موتورز
انا مبسوط جداً بالمنتدي والاعضاء بصراحة انا زائر بقالى فترة مش كبيرة لكن استفدت كتير من المعلومات القيمة اللى بتقدموها بشكركم على مجهوداتكم واتمنالكم مزيد من النجاح نبدء بالاستفسارات واتمني اكون خفيف عليكم

انا بصراحة لسه جديد فى عالم السيارات وجيبت عربية 27 مو85 اتعلم عليها السواقة واخبط فيها شويه بس تعبت من العفشه .. حاسسها ضعيفه وطرية اوى كل ما بعدي على اى تكسير ف الارض ولو بسيط وعلى سرعة قليله بحس العربية بتتنطط وكل مابطلع على اى مطب ومعايا حد جمبي 100% هحك حتي لو اتشقلبت وخدته يمين وشمال .. اول امبارح كنت ف فرح وانا مروح ومعايا والدتي ومراتى على الدائري لقيت مفارق واسعه ف الكوبري خدتها على سرعة سمعت صوت تكسير ورا نزلت ابص لقيت العجله اللى ع اليمين اتزحزحت لورا وبقت تحك ف الصاج قولت المساعد ضرب المهم اليوم اتقفل الحمد لله وروحت لعفشجي قالى ده صباع المقص اتكسر جيبت غيره وعملهولي والحمد لله زي الفل اتكلمت معاه ف موضوع ان العربية واطية واقتبست من موضوع ف المنتدى هنا قولتله عايز اعلى السوست ل 19سم قالى مفيش حاجه اسمها الكلام ده قالى انا هزودلك ورقه صغيرة قولتله لا بلاش لان ف نفس الموضوع لقيتهم بيقولو للمستفسر يشيل الورقة التالتة قالى طب هحطلك كاوتشات او حاجه زي كدة من قدام بصراحة حسيت انه بيفتى شويه وخوفت منه وقولت اسئلكم على الحل للمشكلة دي ايه يخلي العفشه متبقاش طرية وخفيفة بالطريقة دي عشان كوكي بارك اللى بحس انى قاعد فيها دى واعليها ازاى عشان متحكش ف المطبات لان تقريباً العتب عندي خلاص قرب يسبلي التيت .. استفسار اخير انا هغير المساعدين كلها بتاعة العربية ومش لاقى حاجه استيراد كويسة العفشجي ده قالى اجيب صيني وانا خايف منه ومش لاقى غيره بدور ع الايطالى مش لاقى هل فيه مساعدين لاى عربية تانية تمشى على ال 27 وتكون افضل وتخليني محسش بالمطبات بالطريقة دي واسف جداً جداً على الاطالة

**mama1979** · 31-01-2013 11:28 AM

موضوع كوكى بارك ده معناه المساعدين (يعنى لو بتحس كانك قاعد فى عربية من افلام زمان اللى كانوا بيهزوهم وهما واقفين يبقى اكيد مساعدين)

اما عن النوع فانا حاطط فى 128 مساعدين مونرو وما شاء الله كويسين ، وكنت جايبهم من التوفيقية من عند التوكيل بتاعهم اسمه لهيطه وبيديك ضمان سنة ، فممكن تسالهم اذا كان عندهم للـ 127 ولا لأه

**محمود فرنسا** · 31-01-2013 01:15 PM

المشاركة الأصلية كتبت بواسطة mama1979

موضوع كوكى بارك ده معناه المساعدين (يعنى لو بتحس كانك قاعد فى عربية من افلام زمان اللى كانوا بيهزوهم وهما واقفين يبقى اكيد مساعدين)

اما عن النوع فانا حاطط فى 128 مساعدين مونرو وما شاء الله كويسين ، وكنت جايبهم من التوفيقية من عند التوكيل بتاعهم اسمه لهيطه وبيديك ضمان سنة ، فممكن تسالهم اذا كان عندهم للـ 127 ولا لأه

متشكر جداً على الاهتمام والرد
طب انا قريت ف كذا موضوع ان مساعدين المونرو بيخلو العفشه ناشفه وبتحس بالمطبات هل ده صحيح ولا لا ؟؟ وجيبتهم بكام وفين التوكيل بالضبط ف التوفيقية او اسمه ايه وانا ادور عليه ومتاسف جداً على كتر الاسئلة بس انا تعبت والله من الصنايعية وفتيهم جايب العربية بقالى 4 شهور صرفت عليها اكتر من 5 الالاف ج بسبب الصنايعية

**محمود فرنسا** · 01-02-2013 07:25 AM

اه تمام اسمه لهيطة سوري مخدتش بالى انك كاتب الاسم
طب لو حد معاه 27 ومركب مساعدين مونرو ياريت يفيدنا كويس معاه ولا لا وسعره ايه
وبالنسبة للحكه اللى بتحصل لما بطلع ع المطب هتتحل مع المساعدين ولا لازم احط كاوتشه من قدام ولا اعلي السوست ولا اعمل ايه بالضبط

**محمود فرنسا** · 01-02-2013 12:12 PM

ياريت ياجماعة اللى يعرف حاجه ميبخلش علينا عشان لازم انزل النهاردة اشتري المساعدين واركبهم
لان المدام عقبال عندكم لسه والده وهنزل بيها بكرة نروح نطعم البيبي ومش هتقدر تتحمل التخبيط الجامد ده

**khallaf77** · 12-03-2013 03:16 PM

مساعدين 127 موجودين مونرو فى حدود 435 - 450 الاثنين الامامى او الحلفى

ممكن تكون الحكه من الشكمان ان يكون وطى

ومقاس الكوتش عندك كام

**sweetheart_** · 13-03-2013 08:08 AM

بالنسبة للمساعدين انا مركب مونورو وكنت جايبهم من التوفيقية من توكيل مونورو فى حدود 450 وحلوين مش نشفين ولا حاجه بس لو هاتجيب مساعدين جداد خلى بالك فى جزء عامل زى الكوباية كاوتش المفروض يكون عندك فى المساعدين من فوق لو مش موجودين هاتهم لان اى مساعد هيضرب معاك والضمان مش هيغيرهولك بسبب ان الجزء دا مش عندك لان الموقف دا حصل معايا وقالولى كده انا بره الضمان هما عاملين زى الكوباية الكاوتش بتكون فى المساعد من فوق عشان لما تاجد مطب هما اللى ياخده الخبطه لو المساعد انضغط للاخر لان لو مش موجودين المساعد بينضغط للاخر والخبطه دى بتبوظ الاويل سيل ويخليه يضرب ولو عايز تريح دماغك روح ركبهم عند المركز المعتمد بتاعهم اسالهم على عناونه بس خلى بالك انه غالى جدا حاجه اخر استعباط فى المصناعيه لو مش عايز تتكلف اتاكد ان الكاوتشات دى موجوده عندك بص جوه داير المساعد لو شفت العمود اللى بيدخل ويطلع من المساعد يبقى مش موجودين لانهم بيبقوا حوالين الجزء دا
بالنسبه للورقه التالته ممكن لو الورقتين اللى عندك ضعاف ومريحين انا مركب ورقه تالته عشان الاتنين ريحوا وضعفوا فركبت واحده تالته ضغيرة
وخلى بالك ان العربية لو عليت اوى هتبقى خطر فى الملفات خليك فى المعقول لو عالى ولا واطى وخلى بالك ان المساعدين هى ممتص للصدمات مش بتعلى العربيه اللى بيعلى العربية السوست يعنى تغير المساعدين لو هى بايظة مش لو عايز تعلى العربيه
ممكن تروح لواحد بتاع سوست يبصلك على السوست اللى قدام والورق اللى ورا بس حط فى دماغك ان مفيش صنايعى هيقلك تمام وانه لازم هيفتح شغل بس مش مشكله لو هيشتغل صح يعنى تشوف حد امين ونضيف
بالنسبه للشكمان بص على ارتفاعه لو ساقط فى حزمه بتيجى تركب فى جسم العربية وبتمسك الشكمان وبالنسبه للمطبات طبيعى انك لو راكب حد معاك تحك فى المطبات الجميلة بتاعة شوارعنا واكيد المطبات اللى انت بتحك فيها دى مطبات اهالى والعيب مش فى العربية العيب فى المطبات وبدليل ان العربية مش هتحك معاك الا فى المطبات العشوائيه
وانا معاك لو عايز اى حاجه فى الفيورا
نصيحة اخيرة العربيات القديمه بما فيها عربيتنا بتحب الصرف يعنى لو كنت محنتف زى حالاتى هتصرف كتير اوى وهتتبهدل من الاخر لو فتحت فى العربية مش هتخلص دايما عالج الحاجه المأثرة على اداء العربية ومتحنتفش واهم حاجه الميكانيكا والكاوتش لو بتسافر لو هتغير الكاوتش هات مقاس 155/70/13 بد ال 135 الرفيع اللى فيها وبيركب على نفس الجنط الاصلى بتاعها وبيزود ثبات العربية وبيديها امان فى الملفات وطبعا خلى بالك انه هيفرق حاجه بسيطه فى قراية العداد يعنى انا لما بكون عايز امشى 90 بمشى 85 احتياطى عشان فرق المقاس ومعلش طولت بس عايز افيدك

**maka** · 13-03-2013 08:23 AM

المشاركة الأصلية كتبت بواسطة sweetheart_

بالنسبة للمساعدين انا مركب مونورو وكنت جايبهم من التوفيقية من توكيل مونورو فى حدود 450 وحلوين مش نشفين ولا حاجه بس لو هاتجيب مساعدين جداد خلى بالك فى جزء عامل زى الكوباية كاوتش المفروض يكون عندك فى المساعدين من فوق لو مش موجودين هاتهم لان اى مساعد هيضرب معاك والضمان مش هيغيرهولك بسبب ان الجزء دا مش عندك لان الموقف دا حصل معايا وقالولى كده انا بره الضمان هما عاملين زى الكوباية الكاوتش بتكون فى المساعد من فوق عشان لما تاجد مطب هما اللى ياخده الخبطه لو المساعد انضغط للاخر لان لو مش موجودين المساعد بينضغط للاخر والخبطه دى بتبوظ الاويل سيل ويخليه يضرب ولو عايز تريح دماغك روح ركبهم عند المركز المعتمد بتاعهم اسالهم على عناونه بس خلى بالك انه غالى جدا حاجه اخر استعباط فى المصناعيه لو مش عايز تتكلف اتاكد ان الكاوتشات دى موجوده عندك بص جوه داير المساعد لو شفت العمود اللى بيدخل ويطلع من المساعد يبقى مش موجودين لانهم بيبقوا حوالين الجزء دا
بالنسبه للورقه التالته ممكن لو الورقتين اللى عندك ضعاف ومريحين انا مركب ورقه تالته عشان الاتنين ريحوا وضعفوا فركبت واحده تالته ضغيرة
وخلى بالك ان العربية لو عليت اوى هتبقى خطر فى الملفات خليك فى المعقول لو عالى ولا واطى وخلى بالك ان المساعدين هى ممتص للصدمات مش بتعلى العربيه اللى بيعلى العربية السوست يعنى تغير المساعدين لو هى بايظة مش لو عايز تعلى العربيه
ممكن تروح لواحد بتاع سوست يبصلك على السوست اللى قدام والورق اللى ورا بس حط فى دماغك ان مفيش صنايعى هيقلك تمام وانه لازم هيفتح شغل بس مش مشكله لو هيشتغل صح يعنى تشوف حد امين ونضيف
بالنسبه للشكمان بص على ارتفاعه لو ساقط فى حزمه بتيجى تركب فى جسم العربية وبتمسك الشكمان وبالنسبه للمطبات طبيعى انك لو راكب حد معاك تحك فى المطبات الجميلة بتاعة شوارعنا واكيد المطبات اللى انت بتحك فيها دى مطبات اهالى والعيب مش فى العربية العيب فى المطبات وبدليل ان العربية مش هتحك معاك الا فى المطبات العشوائيه
وانا معاك لو عايز اى حاجه فى الفيورا
نصيحة اخيرة العربيات القديمه بما فيها عربيتنا بتحب الصرف يعنى لو كنت محنتف زى حالاتى هتصرف كتير اوى وهتتبهدل من الاخر لو فتحت فى العربية مش هتخلص دايما عالج الحاجه المأثرة على اداء العربية ومتحنتفش واهم حاجه الميكانيكا والكاوتش لو بتسافر لو هتغير الكاوتش هات مقاس 155/70/13 بد ال 135 الرفيع اللى فيها وبيركب على نفس الجنط الاصلى بتاعها وبيزود ثبات العربية وبيديها امان فى الملفات وطبعا خلى بالك انه هيفرق حاجه بسيطه فى قراية العداد يعنى انا لما بكون عايز امشى 90 بمشى 85 احتياطى عشان فرق المقاس ومعلش طولت بس عايز افيدك

هو الجزء الكاوتش اللى حضرتك بتقول عليه ده هو البطحات و لا حاجة غيرها ؟؟؟

و لما نشتريه نجيبه منين و نقول عاوزين ايه ؟؟؟

**ahmedesmat1987** · 13-03-2013 09:49 AM

مونرو مساعدين قويه ورياضيه وبتستحمل وبتعيش لاكن لللاشف ناشفه على عربياتنا الاقتصاديه سواء 127 او 128 عربيتنا خفيفه بطبعها فعايزين مساعدين حنينه .......... خليك فى الصينى ناعم وهيقضى الغرض ورخيص ومش مشكله ابقى غيرو كل سنه ونص ياسيدى هو مش غالى اساسا

**adhamhossam** · 13-03-2013 09:24 PM

نصيحة لصاحب الموضوع
1 - انزل بص بنفسك علي الأربع مساعدين بتوع العربية و شوف هل المساعد ضارب زيت أو في زيت ناشع حول المساعد
2 - اضغط بإيدك علي العربية و هي واقفة و شوف هل العربية بتطلع و تنزل بسهولة و لا محجرة و ناشفة

لو لقيت المساعدين ضاربة زيت و ناشفة ... يبقي محتاجين يتغيروا
و نصيحة أو عي تسيب اي قطع غيار قديمة عند الصنايعية .... خدها خليها معاك يمكن تنفعك في المستقبل أو يمكن تطلع سليمة و الصنايعي بيشتغلك مثلا

بالنسبة للعقشة الأستيراد
هي رخيصة مش غالية يعني مثلا
العفشة الأمامي كاملة إستيراد بثمن جوز مساعدين أمامي جوداد
و كذلك العفشة الخلفية كاملة استيراد بثمن جوز مساعدين جوداد

العفشة الأمامية الأستيراد تتكون من (جوز مساعدين + اليايات أو السوست + جوز المقصات +ماستر الفرامل و التيل + السرة و الطنابير)
بسعر من 500 الي 550 بحد أقصي 600 لو الحالة ممتازة

العفشة الخلفية الأستيراد بتكون من ( جوز المساعدين + الطنابير و الفرامل + المقصات بالجلب بتاعتها الأصلية )
سعرها في حدود من 350 الي 400 بحد اقصي 450 لو الحالة ممتااااااااازة

طبعا مشكلة العفشة الأستيراد هي انك مابتكون عارف العمر الأفتراضي للمساعد ... يا تري هيضرب زيت امتي ؟ ممكن بعد شهر و ممكن بعد 3 شهور و ممكن بعد سنة .... إللي بيعرف حالة المساعد هو العفشجي و يكون عفشجي بيفهم (حط تحت كلمة بيفهم دي مليون خط)

جوز المساعدين الجوداد سواء الخلفي أو الأمامي في رينج 430 جنية للجوز (أفضل نوع عن تجربة (مونرو أسباني) من التوفيقية محل (لهيطة) هو دة التوكيل و هيديك شهادة ضمان)

خد بالك في نوع مضروب في السوق إسمه (مايلي) صناعة ألماني ... إبعد عنه مهما كان سعره

أي استفسارات بخصوص ال127 انا تحت امر أي عضو بإذن الله