انا عايز رايكم بخصوص لمبات الفوانيس الهالوجين

**egman** · 31-01-2013 10:07 AM

السلام عليكم ورحمة الله وبركاته

انا كنت عايز اغير لمبات الفوانيس عندى الى هالوجين :

يا ترى حد مجربها فى عربيته يا شباب وانا قرات ان انوعها هى التونجسرام والفيليبس دول احسن حاجة طيب يا ترى :

الاقيهم بيتباعوا فين ؟
وسعرهم كام ؟
واية الى منهم يركب على فوانيس الايبيزا الـ 94 يعنى كام ريشة انا سمعت ان فى منها h4 ,h7 او بصفه عامة H.xxxx طيب يعنى اية الرمز ده بيرمز لاية واية الى بيتوافق مع فوانيس الايبيزا الــ 94 وافضل وات في اللمبات ده علشان الاضاءة تبقى قوية بتكون كام على كام ؟
نوع الكتاوت الى يركب علشانها اية انا عندى كتاوت مش فاكر نوعها اية كان 30 جنية هل في نوع وماركة كويسة وخاصا لو حبيت اركب اللمبات ده وبكام ومواصفاتها اية ؟

تحياتي للجميع ،،

**SYD** · 31-01-2013 12:14 PM

انا اقصي حدود معلوماتي ان الأبيزا لمباتها h4 وبتنزل 60/55 وات فبريكة
بس نصيحة حاول ماتعلاش عن 90/100 لعدة اسباب
اهمها
علشان ماتدخلش في قصة كتاوت او دراع النور يسيح او يبوظ
وكمان علشان ماتضايقش الناس معاك علي الطريق

تحياتي

**SYD** · 31-01-2013 01:02 PM

احنا عندنا كتاوت النور في علبة الفيوزات
ومش عارف الصراحة لو هتغير اللمبات هتغير معاها الكتاوت ولا لاء
انا مش بحب العب في الحاجات اللي مش فاهم فيها ومش بثق في علم الصنايعية فبقول تشتغل ضعيفة احسن ما متشتغلش خالص

تحياتي

**mahmoud ghanem** · 31-01-2013 02:48 PM

المشاركة الأصلية كتبت بواسطة syd

احنا عندنا كتاوت النور في علبة الفيوزات
ومش عارف الصراحة لو هتغير اللمبات هتغير معاها الكتاوت ولا لاء
انا مش بحب العب في الحاجات اللي مش فاهم فيها ومش بثق في علم الصنايعية فبقول تشتغل ضعيفة احسن ما متشتغلش خالص

تحياتي

+111 نفس الرأى ...
بلاش اللعب فى الاورجينال لو ضعيفة وفابريكة افضل ...
ممكن تزود الاضاءة بفوجات لو عاوز اضاءة اقوى ..

**hossamalsadik** · 01-02-2013 06:38 PM

أنا قصة الأضاءة عندى سبتها للكهربائى عشان بثق فيه بس وجبتله 2 لمبه يابانى مش فاكر النوع بس القدره 90 /100 او 90 /120 على كتاوت الفبريكه
وشاغل بيهم زى الفل .... ومع ذلك بيطلب منى الى جاى أدامى فى الطريق انى اطفى الأضاءه
فلك ان تتخيل لو الأضاءه اشد

**ehab_mansour** · 03-02-2013 12:04 PM

السلام عليكم

نوع اللمبات الاوريجينال عندك كما قال مهندس محمد سيد h4 و طالما عربيتك اساسا فيها كتاوت خارجي يبقي ممكن تركب عليه اللمبات اللي تعجبك بالوات اللي يعجبك فقط هتحتاج كهربائي نضيف يراجع علي وصلات الكتاوت و هل يتحمل ولا لأ ولو مش هيتحمل هيغرهولك بنوع انضف بأمبير أعلي يتحمل اي شيء

بصراحة انا شخصيا مبحبش التغيير عن الاوريجينال لكن انت عندك اساسا فيه تغيير يبقي استغله و لكن رحمة بالناس ياريت متركبش شيء تؤذي بيه الأخرين لأن كتير بكون مسافر و بتضايق و بتعب من انوار العربيات و بدعي عليهم خاصة لما بكون مسافر مسافات طويلة و طرق فردية

هأكد عليك حاجه مهمة لأن فوانيس الابيزا عندك بتبقي مشكلتها الكبري دخول الأتربه جواها و بالتالي العاكس بيتوسخ و مش بيعديك اضاءة جيدة لذلك تاكد ان الفوانيس نظيفة من الداخل و الزجاج محكم الغلق مع جسم الفانوس و الغطاء الخلفي محكم ايضا
اعتقد لو غسلتها كويس و ظبط مستواها و بؤرتها مش هتحتاج تعلي اضاءة او تغير لمبات

و بالتوفيق للجميع