الموضوع: آخر الأخبار : Mazda3

المشاركة الأصلية كتبت بواسطة Goodle

انا مسافر الساحل كمان ساعة إن شاء الله
وراجع الأسبوع اللي جاي... هأستخير الله قبل ما ابعت الميل ...وهاروح البنك بإذن الله اخلص الورق..

الاستخارة شيئ مهم بالنسبة ليا.. .لأن كل حاجة بقت واضحة
حجز 5000 جنيه
الضمان شامل عيوب الصناعة موجود

وربنا يكرم بإذن الله

اشوفكوا على خير يا اخوتي في الله

ربنا يوفقك للصالح ان شاء الله ،

احب بس افكرك وافكر الناس ان لو الحجز 5000 ، الأسعار اللي انا كاتبها هتزيد 5000 ،

ان شاء الله هجيب اختها

طب حتى يا ريت الناس اللي بتدخل وتشوف الموضوع واللي وصلو 1500 واحد ، يعلقو ويقولو اي حاجه ، بدل ما الواحد حاسس انه عامل الموضوع في الصحرا كده ،

مش عارف والله الظاهر ان الايجابية متنفعش في البلد دي !

كلنا نعرف نتكلم ، لكن عشان نيجي نعمل حاجه فعليه .. تلاقي نفسك ... اكيد في مصر ..!!

لو معايا تمنها كنت اكيد دخلت معاكو
خصم 15000 جنيه مش قليل ابدا
ده حتى
لو انا مش هاجيبها عشان اركبها
هاجيبها معاكو وابيعها تانى بزياده مثلا 7000 جنيه يبقى انا كسبت 7000 واللى اشترى وفر 8000 بدون اى عناء
مجهود تشكر عليه يا استاذ justs
و جرب تحط الموضوع على العام على اساس انه امر عام و الخصم ده هيجذب كتير من الناس حتى اللى مش عارفين العربيه ده غير ان العربيه فعلا حلوه

ربنا يوفقك

المشاركة الأصلية كتبت بواسطة farfora20082008

علي فكره انا اتصلت بنفسي بسمارت كار وسالتهم عن معني ضمان ضد عيوب الصناعه وقالي انه فعلا لو في عيب في العربيه عيب تصنيع بيكون التصليح علي حسابهم والعميل مش بيتحمل حاجه خالص

لو سمحتوا يا جماعة إللي يعرف أرقام تليفونات سمارت كار أو سونستا أو غبور أو آي جهة بتدي الضمان في الإسكندرية يكتبها لي.

وده علشان لفيت النهاردة في شارع صلاح الدين والشارع ده فيه أكبر تجمع لتجار قطع غيار كافة أنواع السيارات في الإسكندرية وهو مش شارع كبير المهم سألت على قطع غيار المحروسة مازدا3 لآن فيه ناس قالوا إنها موجودة هناك.

المهم فوجئت بإنعدام قطع غيارها هناك وخصوصاً موديل 2008 والوحيد إللي لقيت عنده تيل الفرامل (الأمامي بـ400 جم) وفلاتر البنزين والزيت ماعندوش تقريبا حاجة تانية (سألته على الفانوس الأمامي) ولما عرف إني بسأل علشان ناوي أشتري قال لي ما تشتريهاش!
واحد تاني حدق قالي يا عم هاتها مايهمكش وإكتشفت أنه بيفكر في إني لما أجيله بحاجة عطلانة من العربية يبدأ يدور لها عن حاجة تحل محلها من قطع غيار العربيات التانية.
وأحد تالت كاد يشتم ويقول ما هو يستاهل إللى يجيب المازدا من غير ما يفكر في قطع غيارها والرابع إللي قال لي المثل الشهير بينهم "المازدا فاسدة".
بعد شوية قابلت واحد راكب الـV2 فقربت منه على إستحياء (كان معاه أسرته) وسألته بتجيب قطع غيارها وصيانتها منيين قال لي من غبور (ضمان) ولما عرف إني بفكر في إستيرادها وحأحاول أجيب ضمان قال لي أوعى الخليجي!!

أنا مع كل ده لم أيأس بس أنا إتأكدت إن الضمان من مصدر عنده القدرة على توفير قطع الغيار للموديل السعودي إللي نويين عليه شيئ ما لوش بديل لي وطبعاً يكون في الإسكندرية. وللأمانة قلت لازم ألفت نظر الزملاء لحجم هذه المشكلة (في الإسكندرية على الأقل).

ومع ذلك أنا لسة معايا كام كارت لجهات كاتبة إنها بتبيع قطع غيار مازدا وح أحاول معاهم وربنا يكرم.
غير محاول الإتصال بمقدمي الضمان المحترمين الممكن تواجدهم بالإسكندرية بس لو حد سهل لي المأمورية وجاب لي أرقام تليفوناتهم في القاهرة حتى يبقى كرم منه.

المشاركة الأصلية كتبت بواسطة Xirox1313

لو سمحتوا يا جماعة إللي يعرف أرقام تليفونات سمارت كار أو سونستا أو غبور أو آي جهة بتدي الضمان في الإسكندرية يكتبها لي.

وده علشان لفيت النهاردة في شارع صلاح الدين والشارع ده فيه أكبر تجمع لتجار قطع غيار كافة أنواع السيارات في الإسكندرية وهو مش شارع كبير المهم سألت على قطع غيار المحروسة مازدا3 لآن فيه ناس قالوا إنها موجودة هناك.

المهم فوجئت بإنعدام قطع غيارها هناك وخصوصاً موديل 2008 والوحيد إللي لقيت عنده تيل الفرامل (الأمامي بـ400 جم) وفلاتر البنزين والزيت ماعندوش تقريبا حاجة تانية (سألته على الفانوس الأمامي) ولما عرف إني بسأل علشان ناوي أشتري قال لي ما تشتريهاش!
واحد تاني حدق قالي يا عم هاتها مايهمكش وإكتشفت أنه بيفكر في إني لما أجيله بحاجة عطلانة من العربية يبدأ يدور لها عن حاجة تحل محلها من قطع غيار العربيات التانية.
وأحد تالت كاد يشتم ويقول ما هو يستاهل إللى يجيب المازدا من غير ما يفكر في قطع غيارها والرابع إللي قال لي المثل الشهير بينهم "المازدا فاسدة".
بعد شوية قابلت واحد راكب الـV2 فقربت منه على إستحياء (كان معاه أسرته) وسألته بتجيب قطع غيارها وصيانتها منيين قال لي من غبور (ضمان) ولما عرف إني بفكر في إستيرادها وحأحاول أجيب ضمان قال لي أوعى الخليجي!!

أنا مع كل ده لم أيأس بس أنا إتأكدت إن الضمان من مصدر عنده القدرة على توفير قطع الغيار للموديل السعودي إللي نويين عليه شيئ ما لوش بديل لي وطبعاً يكون في الإسكندرية. وللأمانة قلت لازم ألفت نظر الزملاء لحجم هذه المشكلة (في الإسكندرية على الأقل).

ومع ذلك أنا لسة معايا كام كارت لجهات كاتبة إنها بتبيع قطع غيار مازدا وح أحاول معاهم وربنا يكرم.
غير محاول الإتصال بمقدمي الضمان المحترمين الممكن تواجدهم بالإسكندرية بس لو حد سهل لي المأمورية وجاب لي أرقام تليفوناتهم في القاهرة حتى يبقى كرم منه.

مساء الفل ، والله انا لسه راجع من المعرض وقاعد مع الراجل من الساعة 12 في محاولات لقناعه بفكره هقولهالكم هي ورده عليها بس في المشاركة اللي تحتها بعد ما ارد علي رفيق الكفاح م.خالد،

بص يا باشا ، اولا بالنسبة للضمان زي ما قلتلكم قبل كده هيبقى زي ما نحب سواء في سمارت كار اوسونستا ،

ثانيا ، اللي بيقولك المازدا فاسده ده مبيفهمش اي حاجه وبيردد كلمه وخلاص بدون ادنى علم لأن كل تقييمات مازدا3 من اصحابها او مقيميها ممتاز ، واللي بيقولك ما تشتريهاش اعتقد بردو انه ما يعرفش عنها حاجه ومعندوش قطع غيار ليها ،

ثالثا ، اكيد هتلاقي قطع غيار ليها ، بس يمكن انت دورت في منطقه غلط ، وبعدين انا عندي ليك فكره كويسه ، اتصل بسمارت كار وسونستا وقولهم انا من الأسكندريه وعاوز اشتري من عندكم مازدا3 بس يكون فيه ضمان او مركز صيانه ليها في السكندريه ، وهما هيقولك مراكز الصيانه بتاعتهم فين في الأسكندريه ،

واخيرا ، اللي بيقولك اوعى الخليجي ده بيتكلم ازاي ، اولا المواصفات الخليجي اعلى ، ثانيا معظم العربيات اللي في مصر خليجي ، وكمان فيه حاجه اصلا طالما فيه قطع غيار في غبور زي ماهو قالك ، يبقى انت كمان ممكن تجيب قطع الغيار من غبور ، لأن التوكيل مش لازم تكون شاريها منه عشان يبيعلك ، ده طبعا انت مش هاتحتاجله لن اكيد لها قطع غيار بره ارخص من غبور ، بس ده بديل متاح قدامك ، يبقى ليه بقى مسود الدنيا كده ، مساء الفل يا خلود :)