الموضوع: آخر الأخبار : Mazda3

المشاركة الأصلية كتبت بواسطة farfora20082008

ده موقع مازدا ووكيل مازدا في السعوديه ممكن فيها تتفرجوا علي المواصفات
http://www.hha.com.sa/mazda/mazda3_4door_gallery.htm

الله ينور يا خالد ، كنت لسه هحط اللينك ، عمرك اطول من عمري :)

يا باشا احنا في بينا قوارض لينكات ههههههه

على فكره يا جماعة احنا ممكن نعمل الصيانه عند يس اللي بيعمل صيانة البي ام من غير ضمان سونستا ولا حاجه ، واصلا سونستا بيعمل صيانتها هناك ، واعتقد ان فيه مراكز تانيه محترمه ممكن بردو نعمل فيها الصيانة ، وقطع الغيار موجوده في اماكن كتيره وباسعار مناسبه ، واحنا هنبقى راكبين مازدا3 يعني مش كل شويه هتعمل صيانه ، دي الأالماني بتاع اليابان :)

المشاركة الأصلية كتبت بواسطة ameerahmad

السلام عليكم

تحيه للاخ justs علي الفكره الرائعه والمجهود الكبير

انا نفسي اكون معاكم بس انا عاوز عربيه هيونداي إلنترا

ممكن اكون معاكم؟ولا ماينفعش؟

يا ريت لو ينفع اعرف المواصفات وسعر العربيه الاوتوماتك

يا باشا الف شكر على التحيه والتقدير ،

بالنسبه للألنترا هو ممكن يجيبها عادي بس برضو مجموعه مش واحدة لوجديها والا هيبقى الفرق بسيط في السعر ويمكن ميكونش فيه فرق ، خاصة ان الألنترا الخليجي بتبقى كمالياتها غير هنا ، وزي ما انت اكيد عارف ان غبور بينفض العربيات،

وبعدين يا باشا ماهي المازدا3 احسن بكتير من الألنترا ،

سامح باشا انت طنشت سؤالي ليه بخصوص الفتيس المانيوال
و ايه الفئات والكماليات الموجوده بتاعتها واسعارها

المشاركة الأصلية كتبت بواسطة Migo123

سامح باشا انت طنشت سؤالي ليه بخصوص الفتيس المانيوال
و ايه الفئات والكماليات الموجوده بتاعتها واسعارها

يا باشا ما طنشتش ولا حاجه ، بس مفيش مانيوال ، وبعدين الفتيس استيبترونيك ، يعني يشتغل معاك اوتوماتيك ومانيوال،

اسمحولي ارد علي بعض النقاط اللي شليفها محيره
اولا: موضوع قطع الغيار والصيانه : ورغم اننا قتلنا الموضوع ده بحثا بس هقولكم تاني ويا ريت تفكروا معايا بالعقل وامكس يا سيدي اله حاسبه واحسبها :)
دلوقتي احنا 4 مستقريين علي الموضوع وطبعا مش هنحط فلوسنا في حاجه مش مضمونه ولا انا ولا سامح ولا بشمهندس خالد ولا استاذ محمد مليونرات ومش فارقه معانا - احنا حسبناها صح علي الاقل من وجه نظرنا واتمني يكون ده الخير لينا وليكم ان شاء الله - سألنا عن توافر قطع الغيار وطلعت متوافره ومش بالاسعار اللي مبالغ فيها اللي انا متأكد انها فكره قديمه عمرها سنتيين والناس مخدتشي بالها ان خلال السنتيين دول في حاجات كتيره اتغيرت ويا جماعه محدش يصدق كلامي انا عايزك انت تنزل وتسأل بنفسك عشان تطمن علي فلوسك
بالنسبه لموضوع الصيانه - يا اخواني معاكم عربيه اعتماديتها اعلي من اي عربيه يباني تانيه وبرضه اسألوا اللي جايبينها وروحوا مركز صيانه سمارت كار او ياسيين واسألوهم - ورغم كده الاخ سامح قال ان العرض شامل ضمان 3 سنيين او 120 الف كيلوا مع سونستا او سمارت اللي يعجبكم بس انا لي رأي بعد ازنكم - لو الضمانن بيفرق 5000 جنيه فانتوا اولا بيها وخلي بالكم اللي معاه عربيه دلوقتي بيأمن عليها وانا هعمل كده يعني لو لاقدر الله حصل حاجه بتتصلح علي حساب التأميين انما لو الضمان زي ما بيقولوا ويا ريت يا سامح تتأكد لينا ب 2500 اظن انهم مش كتير قوي
ثانيا : نقطه التقسيط : الاخ سامح قال ان الحجز هيكون ب 5000 جنيه وقلولي مين في مصر بيحجز ب 5000 ؟؟؟ وعلي ما العربيه تيجي ممكن تخلص مع البنك اللي هتتعامل معاه وتاخد عرض شراء من صاحب المعرض اللي هيجيبلنا العربيت وبرضه تقدر تقسط بس في الحاله دي انت بتقسط 110 الف مش 127 الف سعر العربيه في السوق وعلي ما العربيه تيجي تكون اجرءات البنك خلصت وانا عن نفسي انصحكم ببنك العربي الافريقي او بريوس
ثالثا : نقطه سعر اعاده البيع : معاك عربيه اشك انك ترضي تبيعها واليل مش مصدق يدخل اي موقع بيع عربيات ويشوف لو فيه عربيه مازدا جديده معروضه للبيع مفيش غير عربيه واحده في موقع car100100 ودي موديل 2006 بقالها مع صاحبها يجي اكتر من سنتيين وعامله اكتر من 100 الف كيلوا وكلموا الراجل بنفسكم وطالب فيها 130 الف " علي فكره دي اعلي فئه بفتحه سقف" والراجل مروشها علي الاخر - وبعديين العربيه بتنتشر وقطع غيراها والحمد لله اتوفرت وفي منتهي الفخامه والشياكه واتحدي حد يقولي في عربيه اشيك منها في الفئات بتعتها " كرولا - سيفيك - لانسر " مع العلم ان لكل عربيه في دول عيب
انا شايف ان الكلام كتر والحيره مستمره ويا جماعه اذا عزمت علي شيء فتوكل علي الله فكروا احسبوها وصلوا استخاره وربنا يهديكم لصالح الاعمال
انا هقولكم قصتي مع فكره شراء عربيه
انا الفكره في دماغي من فتره كبيره ودخلت حيز التنفيذ بعد ما ربنا رزقني بمبلغ يساعدني اشتري عربيه كانت عجباي وعاجبه اختي الانسر شارك وسألت عنها ورحت ركبتها وجيت هنا فتره كبيره وكلنمت م. طارق زويل في قسم المتسوبيشي كتير والراجل مشكور ساعدني كتير - بس كان جوايا عدم اقتناع بالسعر اللي شايفه مبالغ فيه كتير رغم ان لانسر البومه اعلي حاجه فيها كانت 110 ودي 155 فرق كبير واا اصلا كده كده كنت هقسط هدفع 100 مقدم واقسط الباقي
ممكن تقولوا ليه مش تجيب حاجه في حدود اللي معاك اقولكم عشان انا لما احب اشتري سلعه معمره لازم اكون مقتنع بيها مليون % وعايز عربيه تعيش معايا كتيير ومكانشي في عربيات تانيه في دائره البحث زي ياريس فول اوبشنز اتوماتيك بس شكلها مكنتش بالعه قوي وزي سيات ابيزا بس شايف ان سعرها عالي شويه وكنت ناوي اجيب كرولا يباني مش جنوب افريقي 2007 مستعمل بس جيت حسبتها انا ليه اجيب مستعمل انا اي عرفني اللي كان سايقها قبلي عمل فيها ايه مش يمكن عمل حاجه تبان معايا انا بعديين
فكان الحيره عندي بين لانسر شارك ومازدا 3 وركبت الاتنيين وسألت يجي مليون واحد اصل انا بايخ في الحجات دي :) ماهوه الواحد مش بيشتري عربيه كل يوم وانا العربيه دي بالنسبه لي علي فكره اول عربيه امتلكها ومش ناوي اغير فعشان كده كان لازم اختار احسن عربيه ورغم اني مش معايا كل المبلغ المطلوب فيها بس انا زنقت نفسي ووهدبر المبلغ
وتعالوا نحسبها يمكن انا غلطان
انا مقتنع ب العربيه اللي ب 145 الف الايرو رغم انها عند سونستا ب 148
كنت هدفع 100 وهقسط الباقي علي 4 سنيين او 3 سنيين وهاجي علي نفسي شويه في القسط والبنك قالي فايده 9% ولنفرض في 3 سنيين يعني 27% في ال 3 سنيين يعني يعملوا 12150 جنيه وكمان تأميين اجباري يجي 5000 جنيه في السنه يعني 15000 في ال 3 سنيين يبقي المبلغ 27150 جنيه ووعرض الاخر سامح موفرلي 15 الف في سعر العربيه يبقي كل اللي انا موفره في حالتي انا 15000 الخصم علي العربيه + 27150 الفلوس اللي لو قسطت هدفعها زياده يبقي انا موفر 42150 جنيه اظن المبلغ يستاهل وحتي لو كنت موفر بس 15 الف اللي هوه الخصم برضه يستاهل
وفوق توفيرك للفلوس وامتلاكك لعربيه تحفه انت في وسط البلد اللي ماشي فيها مبدأ " كله علي كله" ( ده مبدأ نتكلم فيه بعديين :)) انت صاحب موقف تفتخر فيه انك وقفت في وش الجشع وخارج كسبان - انا حتي لو الموضوع ده مش تم برضه ان شاء الله هجيب مازدا وهكون فخور برضه بموقف حاولنا ناخده وحزين علي فرصه ضاعت بسبب خوف وتعود من شعبنا اننا دايما لازم يكون واكليين علي ......... " الرقابه شابت الكلمه" :)
احسبوها وصلوا استخاره
سيدنا محمد صلي الله عليه وسلم كان بيسأل ويشور اصحابه وكان بيأخد برأي الجماعه
يا ريت مش نخسر بركه الجماعه

اتمني مش يكون في كلامي ضايق حد انا بس بعرض وجه نظري اللي ممكن تكون صح او غلط بس اللي هيحدد صحتها من غلطها تفكيركم

علي فكره يا استاذ محمد انا من طنطا وشغلي في البحر الاحمر يعني يوم ما احب اعمل صيانه وكون مضطر انزل القاهره هيكون مشوار تقيل علي قلبي بس ده برضه يقابله اقتناع تام بمازدا 3