الموضوع: آخر الأخبار : Mazda3

المشاركة الأصلية كتبت بواسطة farfora20082008

سامح باشا انا بعتلك ايميل وانا مستقر جدا علي الفئه التانيه ويشرفني اكون من اول الناس اللي تحجز معاك ويا رب نزيد ونكون فعلا مثال لكل الاخوه وقوه شرائيه تحترم ونستفيد من موضوع الجماعه

وصل يا باشا ، وان شاء الله نكمل العدد ، واحنا كده اتنين ، بناءاً على ما وصلني على الايميل

المشاركة الأصلية كتبت بواسطة som3aa

اعتقد الفئة دى كمان التكييف اللى فيها بيبقى تاتش
فعلا عرض ممتازززز و ربنا يوفقكم , عربية ممتازة اوى كمان

يا باشا نورت الموضوع ،

هوه فعلا التكييف تاتش في الفئه دي ، انا بس نسيت اضيف النقطه دي

المشاركة الأصلية كتبت بواسطة justs

يا باشا نورت الموضوع ،

هوه فعلا التكييف تاتش في الفئه دي ، انا بس نسيت اضيف النقطه دي

يعني حضرتك تقصد إن الفئة الأخيرة هي الوحيدة اللي التكييف بتاعها تاتش؟؟

الفئة التانيه والثالثة ، لكن الأولى لأ

أعزائي المهتمين بالموضوع ،

نظرا لبعض الردود المتخوفه من مبلغ المقدم ، والايميل اللي جالي من د.محمد الشربيني ، واللي بيقول انه مستعد يدفع بدل 115000 120000 بس لما يستلم العربيه ، غير اني حاسس ان كتير منكم ممكن يكون بردو خايف من النقطه دي ، وتضيع الفرصه علينا ، فلقد ذهبت لصاحب المعرض لصل معه الى اقل ثمن ووالله انا لسه جاي من عنده من حوالي نصف ساعه ( يدوب اتغديت وفتحت الكومبيوتر )، ووصلت معه للآتي ،

1 - قللت معاه مبلغ الحجز لرربع ثمن العربية مع الحفاظ على نفس الأسعار ،
ووالله دي اقل حاجه عرفت اوصل ليها بعد مفاوضات وتوضيح مدى الأقبال الممكن ان يحصل عليه من موقعنا الضخم سواء في هذه الصفقه او صفقات ستتوالى في هذه الماركه او اي ماركات اخرى.

2 - اللي عاوز يحجز بمبلغ حجز قليل 5000 ، ممكن بس السعر هيزيد 5000 لكل فئه ، وطبعا ال 5000 جنيه دي اقل مقدم يدفع لو هتحجز في اي مكان ، وبردو بالضمانات اللي تطمنكم

3 - لما كلمته على الضمانات، قال اي ضمان تحتاجوه انا معنديش مشكله ، ووالله ياجماعة الراجل ثقه جداً وعاوز يعمل شغل ، واللي يجي على باله اي ضمان يقوله

4 - وانا معاه كلم الرجل اللي بيتعامل معاه في السعوديه واللي بجيبله الأسعار والمواصفات ، وخلاني كلمته للتأكد من المواصفات، وعلى فكره والله هوه مديني السعار دي عشان يكسب ثقة الموقع ويبقى فيه مجموعات تانيه وطبعا ده هيبقى كويس بالنسباله ،

واللي عنده اي حاجه قلقاه يقولها بمنتهى الصراحة ، احنا كلنا في مركب واحد ، والمهم اننا نفضل مجموعة ونستفيد من العرض ده،

والله ولي التوفيق

أعزائي رفاق مكافحة الغلاء صباح الخير بعد نص الليل

أولاً أنا أسف في تأخري عن الرد لإني كنت مشغول جداً اليومين دول سواء في العمل أو في البيت ولكني خطوت خطوة إيجابية أتمنى إنها تلقى ترحيب من المتابعين للموضوع وهي إني روحت أحد المعارض وسألت شوية أسئلة عن العربية وقطع غيارها وضمانها وصيانتها وقمت بتصويرها من جوه وبره.
وده لسبب إني لاحظت بعض الإختلافات البسيطة في تعريف الموديلات المختلفة للعربية وكمالياتها وكمان فروق في الصور لها على النت عن الموجودة في مصر وإللي ممكن تختلف كمان عن الموجودة في السعودية مثلاً.
والغرض من الصور إللي حأرفقها أولاً عرضها على صاحب العرض (وده إذا سمحت طبعاً يا سموح) للتأكيد على إننا متفاهمين فعلاً على السيارات المطلوبة وبالتالي آي حد يدخل في الموضوع يكون شايف صور العربيات إللي إن شاء الله حتتورد وألوانها كمان إذا أمكن (وده مجهود مطلوب من الزملاء يشاركو فيه لإني موصلتش إلا لنوعين فقط هما الـ V2 والنوع الأعلى منه والمعروف بسم الإيرو أعتقد إنها تتكتب Aero)
وإليكم الصور


أولاً صورة السيارة V2 من الخارج (نفس صورة الإيرو بالضبط على حد قول المسئول بالمعرض سواء من الداخل أو الخارج غير إن الإيرو بها زر Blue Tooth و Keyless Entery وهي في تصوري الإختيار الثالث وإللي أنا عوزه).
Resize of DSCN0193.JPG


ثانياً صورة عجلة القيادة ولاحظ الفرق بينها وبين الصورة الموجودة في توقيعي وإللي إكتشفت بعد كده إنها للسيارة المازدا3 الخمسة باب (معرفش سنة كام) وإللي شكلها مختلف تماما عن السيدان إللي أنا صورتها.
Resize of DSCN0189.JPG



ثالثاً صورة الكاسيت والـ CD mp3 (به الإثنين ولا يوجد في جميع موديلات مازدا3 وصلة Aux أو تثبيت سرعة أو حساسات ركن خلفي "كلام الراجل") والتكييف (المفروض إن التكييف تاتش في الموديلين دول فقط على حسب كلام الراجل والباقي بأزرار دوارة "بكر")
Resize of DSCN0191.JPG



رابعاً صورة الفيتيس الستيب ترونيك
Resize of DSCN0190.JPG


خامساً مكان العدة في الشنطة الخلفية في الجدار الشمال
Resize of DSCN0192.JPG


بالنسبة للضمان عامة هو بيقول أنه مجرد بيسمحلك تدخل بعربيتك علشان تصلحها عندهم على حسابك ومفيش ضمان في مصر ضد عيوب الصناعة لمازدا3 وممكن يجيب لك ضمان سونستا أو أي ضمان بسعر 2500 جم (ممكن نحاول نتفاوض على سعر الضمان يا بشمهندس سامح لإننا مجرد بنشتري الحق في الصيانة على حسابنا)

بالنسبة لقطع الغيار فهو طمنني على إنها متوفرة وأصلية (وموجودة في شارع صلاح الدين-بالإسكندرية) ومفيش منها تقليد وفي نفس Range الأسعار بتاعة التويوتا.

وبالنسبة للفرش فهو مبيتعاملش إلا في الفرش القماش. (صحيح نوع الفرش آيه يا سامح للثلاث فئات)

وفيه في العربيتين دول ميزة إضافية إن الزجاج مطلي بطبقة ضد الأشعة فوق البنفسجية.

بس يا حضرات إيه رأيكم دام فضلكم.

أنا مش عاوز تصفيق طبعاً أن عاوز أشوف التفاصيل المشابهة للعرضين التانيين والألوان المتاحة للثلاث عروض من أصحاب الهمم (والعملية بسيطة) لإن الموضوع ده موضعنا كلنا.

وحتى إللي عنده العربية فعلاً أو إللي مش هدفه إنه يشتري في الوقت الحالي ويقدر يفيدنا يا ريت يتفضل لإن نجاح الموضوع ده حيشجع موضوعات مشابهة في تصوري مسيرها تعود بالنفع على الكثيرين.

حاجة أخيرة يا سامح باشا (معلش قدرك إنك تكون في بؤرة الأحداث جزاك الله خيراً) يا ريت تعرف من الراجل السعر في حالة المقدم 5000 جم ليكتمل الجذء ده من العرض.

وفي الآخر حألخص الحاجات المرجوة منك يا باشا:
1. عرض الصور والتفاصيل على صاحب العرض للتأكيد على إننا متفاهمين فعلاً على السيارات المطلوبة وبالطبع تصحيح آي سؤا تفاهم قبل الإرتباط وإعادة نشر الصور والتفاصيل في مقالة واحدة تكون هي شريعة المتعاقدين ودليل الراغبين في الإنضمام.
2. محاولة التفاوض على سعر الضمان (2500 جم بدلاً من 5000 جم) على أساس إننا مجرد بنشتري الحق في الصيانة على حسابنا وإن ده مطبق فعلاً مع آخرين.
3. الإستفسار عن نوع الفرش في الثلاث فئات.
4. إعلان السعر في حالة المقدم 5000 جم.

أما المطلوب من الإخوة الراغبين في المشاركة تقديم مشاركاتهم المماثلة بقدر المستطاع.