الموضوع: تفاصيل حادثتى بالسيراتو والحمد لله على كل شئ

المشاركة الأصلية كتبت بواسطة Formulator

سلامتك ياياسر، وربنا سترها معاك -الحمد لله

بس الصراحة انت غلطت فـ كذا حاجة.. معلش
- الحساس بتاع الـABS مينفعش يتساب كده، وأكيد كان منور error أو مدى ABS-failure؟!!

وانت راجل بتجرى -المفروض تبقى مأمن نفسك. بالذات فرامل وعفشة وكاوتش!

وكمان الكاوتش الكومهو Ecsta ده أنا مش مستريحله بصراحة؟!!
والنقشات الـSymetric دى بتبقى مش progressive فـ الـbreak-away بتاعها، خصوصا فـ الـlimits أو المواقف اللى زى دى!!
لما بيفقد الـtraction بتاعه -يدخل فـ Oversteer بالذات- بيبقى صعب السيطرة عليه!

+ ان الـsidewall بتاعه مش جامد زى الكونتى والبريدج وبيعمل roll بسهولة -لو ضغط العجلة قليل حاجة بسيطة حتى؟!!

بس تمام انك كنت رابط الحزام والإيرباج لحقتك -الحمد لله
ربنا يسترها معاك ان-شاء الله

انا عارف انى فعلا غلطان فى موضوع الـ ABS دا وعلى فكرة هو مكنش الحساس دا كان مقدور عليه المشكلة انها كانت الفيشة انفسها اللى طالعة من الضقيرة بتاعت الحوض وكان طبعا مدى error واللمبة بتاعته منورة بس الوقت بقى والكسل كان عامل مشترك فى انى معملوش كل دا

الكاوتش بصراحة هو مقلش معايا فى حاجة قبل كدا ودول تانى set اركبه
وضغط العجل عندى دايما مظبوط 32 عشان عندى compressor فى الجراج
بس هو زى ما تقول النصيب والحمد لله على كل شئ
وكويس اوى انها جت على قد كدا