تغيير الرشاشات و اسعار الرشاشات الاستيراد

**AHMED ALGAMAL** · 01-02-2013 11:24 AM

الرشاشات في عربيتي "لانوس 1" عايزة تتغير و الميكانيكي قاللي انه هيجيب نوع تاني غير الدايو لان رشاشات الدايو سيئة و هتبوظ تاني

هو قاللي انه هيجي اما رشاشات كيا سيراتو القديمة او النترا القديمة و عنده كمان حاجة الماني!!

و طبعا كل ده استيراد

ياريت خبرائنا في المنتدى يفيدوني هل النوع بتاعها افضل ليها ولا اغيره بنوع من الانواع ده

و ايه افضل و انسبحاجة للعربية في الانواع السابقة و يا ريت لو فكرة عن الاسعار اكون شاكر جدا

**engahmedsamy** · 01-02-2013 06:49 PM

تقريبا انا فاكر ان رشاشات ال bmw كانت بتركب

**Dr/ P.K.Sh** · 01-02-2013 07:53 PM

رشاشات bmw طبعا

**AHMED ALGAMAL** · 02-02-2013 02:30 PM

طب ايه اخبار الاسعار؟؟

**Ahmed_Ramadan** · 02-02-2013 02:38 PM

سؤال بالملرة ..أنا معايا كيا سيفيا و عاوز أغير الرشاشات برضه ..... ينفع أركب رشاشات الإلنترا أو البى إم ؟؟

**AHMED ALGAMAL** · 02-02-2013 03:38 PM

المشاركة الأصلية كتبت بواسطة ahmed_ramadan

سؤال بالملرة ..أنا معايا كيا سيفيا و عاوز أغير الرشاشات برضه ..... ينفع أركب رشاشات الإلنترا أو البى إم ؟؟

:) يا ريت يا زعيم لو عرفت اي حاجة ابقى شاركنا بيها و انا كمان ان شاء الله

**AHMED ALGAMAL** · 04-02-2013 08:46 PM

انا ركبت الالماني بتاعة الاوبل .. لونها اصفر كدا .. اربع رشاشات من غير المسطرة و قالي ان المسطرة بتاعتها مقاسها مايجيش على الي عندي

المهم خد 550 كله على بعضه ثمن الرشاشات و اجرة ايديه ( تركيب الرشاشات و ظبط الكومبيوتر قعد يقولي لازم نبرمجه و انا فرمته و حططله مخ جديد :D حلنجي هو شوية بس صنايعي - و غيرلي ال 3 سيور كاتينة و دينامو و تكييف و ده اكتر حاجة خدت وقت - و كان فيه صوت كده لما لاف يمين على بسرعة شوية كنت فاكره كوبلن بس قالي ده مش صوت كوبلن و طلع حاجة في دراع الباور ضبطها هو )

هل كده انا اتغلبت و لا ايه ؟ بصراحة هو ذوق جدا و صنايعي يستاهل قالي 600 بس انا ما رضيتش افاصل معاه جامد اديته 550 و اهم حاجة ان العربية ارتاحت

بالحق : خد الرشاشات القديمة هو .. انا كنت ناوي اخليهم معايا بس لقيته و هو بيلم العدة خدهم اتكسفت اقله خد هنا رايح فين هات دول :fun_10_9_206[1]:

**Ahmed_Ramadan** · 04-02-2013 09:20 PM

المشاركة الأصلية كتبت بواسطة ahmed algamal

انا ركبت الالماني بتاعة الاوبل .. لونها اصفر كدا .. اربع رشاشات من غير المسطرة و قالي ان المسطرة بتاعتها مقاسها مايجيش على الي عندي

المهم خد 550 كله على بعضه ثمن الرشاشات و اجرة ايديه ( تركيب الرشاشات و ظبط الكومبيوتر قعد يقولي لازم نبرمجه و انا فرمته و حططله مخ جديد :d حلنجي هو شوية بس صنايعي - و غيرلي ال 3 سيور كاتينة و دينامو و تكييف و ده اكتر حاجة خدت وقت - و كان فيه صوت كده لما لاف يمين على بسرعة شوية كنت فاكره كوبلن بس قالي ده مش صوت كوبلن و طلع حاجة في دراع الباور ضبطها هو )

هل كده انا اتغلبت و لا ايه ؟ بصراحة هو ذوق جدا و صنايعي يستاهل قالي 600 بس انا ما رضيتش افاصل معاه جامد اديته 550 و اهم حاجة ان العربية ارتاحت

بالحق : خد الرشاشات القديمة هو .. انا كنت ناوي اخليهم معايا بس لقيته و هو بيلم العدة خدهم اتكسفت اقله خد هنا رايح فين هات دول :fun_10_9_206[1]:

ألف مبروك ..طيب حسيت بفرق ؟؟

**AHMED ALGAMAL** · 05-02-2013 01:19 AM

المشاركة الأصلية كتبت بواسطة ahmed_ramadan

ألف مبروك ..طيب حسيت بفرق ؟؟

الله يبارك فيك و عقبالك

ايوا طبعا فرق رهيب لان انا الرشاشات عندي كانت بايظة العربية كانت بتاخر في الدوارة ده غير الكركبة اللي كانت بتحصل اول ما ادور و الصوت و السحب و استهلاك البنزين

الوقت الحمد لله بتدور عادي علطول و الصوت هدي و السحب اتحسن و لو ان حكاية السحب ده مش حاسس بيها قوي لان انا اساسا مش بتاع جري و سواقة على قدي فاضل بس احسب استهلاك البنزين و هيبا بعد كده

**Ahmed_Ramadan** · 05-02-2013 07:56 AM

المشاركة الأصلية كتبت بواسطة ahmed algamal

الله يبارك فيك و عقبالك

ايوا طبعا فرق رهيب لان انا الرشاشات عندي كانت بايظة العربية كانت بتاخر في الدوارة ده غير الكركبة اللي كانت بتحصل اول ما ادور و الصوت و السحب و استهلاك البنزين

الوقت الحمد لله بتدور عادي علطول و الصوت هدي و السحب اتحسن و لو ان حكاية السحب ده مش حاسس بيها قوي لان انا اساسا مش بتاع جري و سواقة على قدي فاضل بس احسب استهلاك البنزين و هيبا بعد كده

تمام أوى كده ألف مبروك و ربنا يحفظلك عربيتك و يبعدك عن مشاكلها