السخانات الشمسية

**dedi** · 02-02-2013 01:00 PM

المشاركة الأصلية كتبت بواسطة dr.hazem

هو فعلا معمول للشقه هنل بس بيتحط عالسطح طبعا...
أصغر حجم هنا 200لتر وده بيكفي اسره مكونه من 6افراد...
انا في الاردن حاليا ومع ان الشمس هنا بتغيب في الشتا الا اني ولله الحمد مشغلتش سخان الكهرباء غير 6ايام من اول الشتا علما ان منهم 4 ايام كان الثلج مغرق كل حاجة!!
هو تمنه هنا 400دينار ولكن وفرلي من فاتورتي في الصيف حوالي متوسط 15دينار شهريا صيفا و35دينار شهريا شتاءا...
وطبعا تكلفة تشغيله 0...
وبالمناسبة..
هو بيبقى منه فيه سخان كهرباء لو معندكش داخلي تقدر تشغله وساعتها هيسخن الميه من درجة الحرارة جواه...
في الصيف الميه جواه بتغلي فعلا...
في الشتا حسب وجود الشمس مش حسب حرارة الجو....
تحياتي

sent from my se arc s using forum runner

الف شكر لردود حضرتك هو صناعة فين و هل يوجد انواع او صناعات منة و هل يتأثر بضغط المياة و 400 دينار يعملوا كام مصرى
اعتقد احد اسباب عدم انتشارة هو مشكلة ضغط المياة انا اتذكر كان فية شركة فى شارع مصر الحجاز للشخانات الشمسية و عندما سألت عليها عرفت أنها أفلست و قفلت

**dedi** · 02-02-2013 01:08 PM

هو بيبقى منه فيه سخان كهرباء لو معندكش داخلي تقدر تشغله وساعتها هيسخن الميه من درجة الحرارة جواه...
ما علش انا موش فاهم قصد حضرتك ممكن شرح أكثر يعنى هو نفس السخان الشمسى ممكن يشتغل كهرباء لو مافيش شمس و يعنى اية هيسخن المياة من درجة الحرارة جواة
تحياتى لحضرتك

**dr.hazem** · 02-02-2013 02:16 PM

المشاركة الأصلية كتبت بواسطة dedi

الف شكر لردود حضرتك هو صناعة فين و هل يوجد انواع او صناعات منة و هل يتأثر بضغط المياة و 400 دينار يعملوا كام مصرى
اعتقد احد اسباب عدم انتشارة هو مشكلة ضغط المياة انا اتذكر كان فية شركة فى شارع مصر الحجاز للشخانات الشمسية و عندما سألت عليها عرفت أنها أفلست و قفلت

هو اغلب اللي شفته هنا صناعه اما محليه او صيني من اصل ايطالي وغيره...
ملوش دعوة ابدا بضغط الميه...
400 دينار هنا تمثل في المتوسط راتب شهر هنا
ولو هتحولها للجنيه هيعتبر حدود 3500 جنيه لكن لو فرض ان ده سعره فانت فاتورة كهربتك هتنخفض النصف لانك مش هتحتاج للكهرباء لا صيفا والشتا ممكن معديش 10 ايام....
ممكن ميكونش انتشر لان تمنه مقارنة بسخانات الغاز يعتبر غالي...
الاردن الغاز فيها غالي جدا والكهرباء اغلى ولزلك كان لابد من حل بديل...
وللاسف معنديش فكره عن مصر فيها ولا لا لكن صدقا انا لو لقيته فمصر حجيبه فورا....
تحياتي

Sent from my SE Arc S using Forum Runner

**dr.hazem** · 02-02-2013 02:23 PM

المشاركة الأصلية كتبت بواسطة dedi

هو بيبقى منه فيه سخان كهرباء لو معندكش داخلي تقدر تشغله وساعتها هيسخن الميه من درجة الحرارة جواه...
ما علش انا موش فاهم قصد حضرتك ممكن شرح أكثر يعنى هو نفس السخان الشمسى ممكن يشتغل كهرباء لو مافيش شمس و يعنى اية هيسخن المياة من درجة الحرارة جواة
تحياتى لحضرتك

هشرحلك...
دلوقتي اغلبنا عندنا سخان كهرباء جوه البيت...
لما جيت اشتريه انا عارف ان الشتا هنا احيانا الشمس بتغيب...
فخفت انهم يقولولي لازم ألغي اللي جوه البيت...
فقالولي اننا ممكن نلغي اللي جوه والبديل ان الشمسي نفسه في جواه كهربائي برضو بس هيحتاج توصله الكهرباء والزرار بحيث لو مفيش شمس تشغل الكهرباء فيسخن،...
نيجي للنقطه التانية...
السخان لما الشمس تغيب ساعات بتظهر لحظيا وتغيب وهوفي اللحظات دي بيسخن شويه..
لو قلنا ان درجة حرارة الميه الساقعه 11 فهو جواه ممكن تبقى 20
وبالتالي لو هتستخدم السخان الكهرباء العادي هيسخن في وقت أطول لانه هيسخن من درجة حرارة 11بينما هو هيسخن من اللي جواه اللي هيا 20....
أتمنى اكون وضحت النقطة دي،..
تحياتي

Sent from my SE Arc S using Forum Runner

**M.Hosni** · 02-02-2013 03:10 PM

هو هنا في مصر بيتصنع في الهيئة العربية للتصنيع

و اعتقد انه موجود في المعرض بتاعهم اللي فى اول شارع الطيران من ناحية صلاح سالم

**dr.hazem** · 02-02-2013 03:57 PM

المشاركة الأصلية كتبت بواسطة MaZaGAngeE

مش فاهم ايه علاقة ضغط المياه بقدرة السخان ؟ المفروض مفيش فرق بينه و بين السخان العادي ...
و بعدين ليه احطه على سطح العمارة و اعمل مواسير صاعد و هابط ؟ ما انا ممكن بكل بساطة احط الخلايا الشمسية على السطح و السخان في الحمام عادي جدا و كابل كهربا يوصل الدنيا مع بعضيها و فرق تكلفة بسيط بالمقارنة مع المواسير

3500 جنيه سعر معقول لو هيفرق 50 جنيه شهريا في فاتورة الكهربا و عمر الخلايا اكتر من 3 سنوات ...

ياغالي حضرتك فهمت غلط....
هوا بيسخن الكهرباء من الشمس مش خلايا شمسيه بتولد كهرباء!!
ده عمره فوق ال20سنه وهو بيجمع شعاع الشمس بطريقة المنشور تقريبا وبيسخن الميه عشان كده لازم يكون بره....
اللي بالخلايا الشمسيه ويولد كهرباء ده هنا معدي ال 8آلاف دينار ومعنول مش بس للسخان انما لتوليد كهرباء بالشمس ولسا جديد ولازم موافقة من شركة الكهرباء ومش هيبقى عملي في الشتا....
تحياتي

Sent from my SE Arc S using Forum Runner

**dr.hazem** · 02-02-2013 11:48 PM

المشاركة الأصلية كتبت بواسطة dedi

طيب ماعلش ياباشا كلك زوق بصراحة هو خامة الخلايا الشمسية اية يعنى قابلة للكسر بسهولة يعنى لو موجود على سطح العمارة يجب التعامل معة بحذر و عدم الاقتراب منة و اية خامة الخزان بتاعة و يشيل كام لتر مياة و عادة هل يوجد احجام منة فى السوق
تحياتى

هي خامات زجاج قوي تحيط انابيب اسطوانية تقريبا ستانليس او معدن لماع كده وهي مش سهلة الكسر والخزان اقل سعه 200لتر ويكفي 6افراد ومفيش حذر ولا حاجة...
تحياتي

Sent from my SE Arc S using Forum Runner

-

الموضوع: السخانات الشمسية

LinkBack

أدوات الموضوع

عرض

-

-

-

-

-

المواضيع المتشابهه

الانارة بالطاقة الشمسية

استفسار عن اجهزة السخانات التى بتعمل بالغاز من السعر والسعة اللترية

النظارات الشمسية

المجموعة الشمسية

الكلمات الدلالية لهذا الموضوع

المفضلات

المفضلات

ضوابط المشاركة