ya bash wla yhmk
:hug3:
و الف سلامة عليك و ربنا يا رب يعوض عليك خير ( انا لسة واخد بالي من حادثة bmw )
معلش ربنا يعوضك خير ان شاء الله
عرض للطباعة
بصوا بقه يا رجاله .....
لسه راجع البيت من ساعه و الحمد لله اني رجعت ......
الواد ابني عيان و الظروف اضطرتني اجري بالعربيه و اخد نفق الازهر 130 - 140 ..... و فعلا الدركسيون كان خفيف جدا ... بس كان ممتع بالنسبه لي في القياده ... حسيت اني جوه لعبه need 4 speed ..... و يا سلام عالمنحنيات بقه لما تاخدها بسرعتك ...و لا الغرز :-)).. ( طبعا انا بهذر .... محدش يسوق عالسرعات دي جوه نفق الازهر لان ملوش كبير و الغلطه فيه بموته )
بس اللانوس ثباتها معقول جدا جدا بصراحه لاني فعلا اول مره اسوق بالسرعه دي في النفق و كله منحنيات و حارتين
و عن تجربتي خلال اليومين اللي فاتوا مع قرصي علي العربيه و توصيل الغيار ل 5 rpm
انصح مالكي اللانوس كل فتره يقرصوا علي العربيه شويه و يوصلوا الغيار الثالث و الرابع ل 5 rpm لان النتيجه بعد كده حتلاقي العربيه بتستجيب معاك اسرع و سحبها افضل بكتير .
بص ... انا فهمت انت تقصد ايه ...... معلوماتي ان الباور في عربيات فئتها اعلي من اللانوس ... بيفصل الباور اوتوماتيك عند سرعه معينه و ده بيدي تقل للدركسيون عشان متحسش بالاحساس اللي بتتكلم عنه .... و بردو اعرف ان الباور في السرعات العاليه بيبقي ميه .... بس انت من خلال سواقتك للعربيه و بتاخد عليها بيبقي الشعور عادي .... اهم حاجه التركيز في السواقه و تعمل حساب خطأ الغير .... طبعا علي السرعات العاليه مبيبقاش فيه مجال للخطأ او ان حد يرمي عليك و تبعد بالعربيه و تلم نفسك ....يبقي انت تخلي السرعات العاليه في طرق سفر مستقيمه .... وعشان كده من وصفك قولتلك في الاول عربيتك مفيهاش حاجه ده طبيعي .... طالما الاعراض اللي ذكرها الاعضاء مش موجوده عندك زي الدبدبه اللي بتسمع في الدركسيون في المطبات و كده .... يعني طالما انت متطمن للعفشه ... يبقي متقلقش .
( و بالمناسبه يا جماعه ده رأيي الشخصي مع كامل احترامي لأي رأي يخالف رأيي ) لاننا كلنا هنا بنتعلم من بعض و بنقول اراءنا بناء علي وصف مكتوب مش بناء علي تجربه عمليه .... و في النهايه كلنا مستخدمين ... يعني مش مهندسين و مش فنيين .... ف أرجو كلنا يتسع صدرنا لبعض ... و الخلاف في الرأي كويس لأنه بيطرح مزيد من الافكار .
والله الناس هنا محترمين جدا انا سعيد جدا اني مشترك في منتدي زي ده
انا بنقل اول وتاني واتالت اخري3 والرابع اخري3ونص ياريت لو حد يكتب بالتفصيل السواقه الصح بس لو بش مع عربيه من غير مدخل في الخطر او اقصر علي عمر الماتور