علي السرعه العاليه الدركسيون بيخف

**mahmoud_anwar** · 01-02-2013 10:05 PM

المشاركة الأصلية كتبت بواسطة mero100

مع احترامي لجميع مشاركات الاعضاء الكرام .

انا شايف ان الموضوع ده طبيعي و مفيش عيب .... دي طبيعه الباور .

و موضوع ان تحميل العربيه ب 3 افراد في الخلف و فرد يمين السائق ...لازم تحك في المطبات و لازم المطب يتاخد يمين في شمال او العكس حسب الظروف ... و دي طريقه بتخلي العربيه متحكش في المطبات .

ضغط كاوتش اللانوس 32 .

الله ينور عليك
انا بحب اشارك معاك علشان بحس انك بتكلم عن جد مش زي ماالناس بتقول كلام وخلاص وعايزاه يصرف فلوس وخلاص ياباشا لاانوس دركسيونها 120 بيكون عامل زي المية ودي عيب في الاانوس وحلها جنوط 14 او 15 حاجة تدي تقل للعربية

**Mohamed ELOoL** · 01-02-2013 11:01 PM

المشاركة الأصلية كتبت بواسطة mahmoud_anwar

الله ينور عليك
انا بحب اشارك معاك علشان بحس انك بتكلم عن جد مش زي ماالناس بتقول كلام وخلاص وعايزاه يصرف فلوس وخلاص ياباشا لاانوس دركسيونها 120 بيكون عامل زي المية ودي عيب في الاانوس وحلها جنوط 14 او 15 حاجة تدي تقل للعربية

والله يا استاذ محمود انا مش بقول كلام و خلاص ولا عايزه يصرف فلوس و خلاص ولا بجيب كلام من عندي .. بس لو الطارة خفت علي الطريق بشكل كبير يبقي في سنة بوش ممكن مايتحسش بيها و الكلام دة حصل معايا ( ياريت محدش يعمل بطل كلنا بنشارك في المنتدي دة عشان نفيد بعض محدش هايخد فلوس علي كدة )

بالبلدي كدة ( المصلحة واحدة )

**Mohamed ELOoL** · 01-02-2013 11:22 PM

المشاركة الأصلية كتبت بواسطة bebom

معلش سؤال اه اعراض البوش او الصليبه

اعراض البوش يا باشا :

1 : وانت ماشي في طريق مكسر تحس بدبدبة في الدركسون ( ودة الاهم )
2 : و انت مبطل العربية تمسك الدركسيون و تهزه يمين و شمال براحة تحس بفراغ ... بيلوء ....

غير كدة عربيتك زي الفل و الانوس كله كدة

و لو فيها بوش بسيطة ممكن تملي علبة الدركسيون و مش هاتكلفك 60 _ 80 جنيه

**bebom** · 01-02-2013 11:47 PM

المشاركة الأصلية كتبت بواسطة mohamed elool

والله يا استاذ محمود انا مش بقول كلام و خلاص ولا عايزه يصرف فلوس و خلاص ولا بجيب كلام من عندي .. بس لو الطارة خفت علي الطريق بشكل كبير يبقي في سنة بوش ممكن مايتحسش بيها و الكلام دة حصل معايا ( ياريت محدش يعمل بطل كلنا بنشارك في المنتدي دة عشان نفيد بعض محدش هايخد فلوس علي كدة )

بالبلدي كدة ( المصلحة واحدة )

يا جماعه محدش عايز حد يصرف وخلاص كل واحد بيقول تجربته ويقول خبرته احنا هنا كلنا واحد وحدش يزعل من حد وشكرا لكا من ساعد بس انا ربنا يسهل هجيب جنط 14 وهجرب العربيه تاني برده

**bebom** · 01-02-2013 11:53 PM

المشاركة الأصلية كتبت بواسطة Mohamed ELOoL

اعراض البوش يا باشا :

2 : و انت مبطل العربية تمسك الدركسيون و تهزه يمين و شمال براحة تحس بفراغ ... بيلوء ....

فعلا ده الي بيحصل ونا مبطل ديه بتتملي فين ميكانيكي ولا عفشجي ولا ايه - ولو سبتها شويه بتاثر علي حاجة

و لو فيها بوش بسيطة ممكن تملي علبة الدركسيون و مش هاتكلفك 60 _ 80 جنيه

**AlGazar2** · 02-02-2013 12:06 AM

لو سيبتها مبتاثرش على حاجة بس لو صليبه الدركسيون غيرها بجديده احسن عشان دى معايا كانت ساعات بفقد التحكم فى العربيه للحظات و على سرعات بطيئه كمان بس مش حدفه يعنى بس الاستجابه مبتبقاش سريعه

و بتبوظ من التراب بتاع بلدنا الجميل و باظت عندى بدرى عشان العربيه كانت بتطلع شق التعبان ايام مكان جبل لسه

**Mohamed ELOoL** · 02-02-2013 12:38 AM

بتتملي عند العفشجي

لا مش بتاثر علي حاجة ممكن تمشي بيها كدة عادي و تجري كمان بس تكون حاسس العربية خصوصا لو انت ركبت جنوط زي ماانت بتقول

بس اتاكد انها مش بدبدبة في الطرق المكسرة لو فيها ... تبقي صليبة دركسيون و دي بتتغير

**bebom** · 02-02-2013 11:07 AM

المشاركة الأصلية كتبت بواسطة mohamed elool

بتتملي عند العفشجي

لا مش بتاثر علي حاجة ممكن تمشي بيها كدة عادي و تجري كمان بس تكون حاسس العربية خصوصا لو انت ركبت جنوط زي ماانت بتقول

بس اتاكد انها مش بدبدبة في الطرق المكسرة لو فيها ... تبقي صليبة دركسيون و دي بتتغير

طبعا الف شكر ليكم علي مساعدتكم
هوا مفيش دبدبة الحمد الله جايه من عند الدركسيون سؤالين اخير انا والله عارف اني بتقل عليكم بس العشم
1-سعر ملي علبة الدركسون ولو حد يعرف عفشجي كويس قريب من وسط البلد او الجيزة
2- سعر صليبة الدركسيون والمصنعية
شكرا جدا ليكم

**AlGazar2** · 02-02-2013 12:34 PM

فى عفشجى و مركز ظبط زوايا فى المنيل اسمه مركز النصر فى شارع يوسف الدجوى ده كويس بس السعر مش عارف انا ماليها ب 300 تقريبا بس مش عنده العلبه عندى كانت بتعمل كل حاجة يعنى دبدبة و تخبيط

الصليبه بتاعه النوبيرا كانت ب 400 بتاعه اللانوس اكيد هاتبقى ارخص

**mahmoud_anwar** · 04-02-2013 10:01 AM

المشاركة الأصلية كتبت بواسطة mohamed elool

والله يا استاذ محمود انا مش بقول كلام و خلاص ولا عايزه يصرف فلوس و خلاص ولا بجيب كلام من عندي .. بس لو الطارة خفت علي الطريق بشكل كبير يبقي في سنة بوش ممكن مايتحسش بيها و الكلام دة حصل معايا ( ياريت محدش يعمل بطل كلنا بنشارك في المنتدي دة عشان نفيد بعض محدش هايخد فلوس علي كدة )

بالبلدي كدة ( المصلحة واحدة )

والله انتا فهمت غلط
انا لمع اسمع كام ان انا فعلآ عندي مشكلة وهيا اصلآ مشكلة الاانوس كلها كده واروح لي صنيعي اصنيعي هو الي هيخليني اصرف علشان هو عايز يعمل شغل وخلاص
دة كان كل قصدي وانا عارف انك مش هتاخد فلوس علشان بتقولة اعمل كذا
ومتزعلش مني اني موضحتش في الاول
وتقبل تحياتي