الموضوع: كنت بحط زيت معدنى ينفع اغبر للتخليقى ولا الموتور يفوت ؟

زى ما فى العنوان كده انا دلوقتى العربيه عامله 183.000 الف اكسنت 99 1500 cc و كنت من زمان بحطلها شل الاصفر بس من امبارح و انا مقرر انى اغيره نزلت امبارح كالعاده الاسبوعيه ابص على ميه المساحات و زيت موتور و الميه الردياتير مبدئيا لقيت الزيت ناقص نص لتر او اكتر شويه طبعا استغربت ده مبقلوش 3000 كيلو و الزيت مسود مش زى كل مره مع مراعاه ان مفيش دحنه من الشكمان و سحب الموتور طبيعى و التغييره اللى فاتت برضه كان ناقص بس على 5000 المهم بفكر فى زيت التعاون وان هل ينفع و لا الموتور يفوت ؟؟ علشان ده تخليقى ؟؟ اصلى زهقت انا بعمل كيلواات كتير و مش عايز كل شهرين اغير زيت و لو مينفعش التعاون 1 اجيب ايه رخيص و حلو و ميضرش الموتور عشان ساعات بحرق على الغيار

ربنا يباركلكم كفيتو و وفيتو
بس الحقيقه مش الشكله من الموتور لان مفيش دخنه ولا تعريق زيت على البوجيهات
لكن انا متأكد ان الزيت اللى حطيطه مضروب 100% عشان من محل تعبان
ف سؤالى هل لو الزيت مضروب يبقى بخره عالى و ايه رايكم فى زيوت التعاون و خصوصا ال 3000