الموضوع: رابـــــطة مالكـــــــــــــى شيفـــــرولـيـــــــة كــــــــــــروز

المشاركة الأصلية كتبت بواسطة hossam_elwani

الف مليون مبروك عليك ياعزيزى

مفاجأه ليا ان العربيه نزل منها توب لاين ده من امتى ؟؟

انا الى معايا هاى لاين بدون فرش جلد ولا طاره جلد

سعرها كام ؟؟

وايه تانى الى زياده بخلاف الفرش الجلد والطاره ؟؟ هل فيه مرايا ضم او مرايا صالون ذاتية التعتيم او تويترات فى القايم ياريت صور

اما بخصوص ملاحظاتك

الكراسى ناشفه فعلا بس كنت معتقد ان الفرش جلد بعد ما حعمله حتبقى اطرى كتير ولسه الى الان ماعملتهوشبس انت برهنت على ان حتى بالفرش الجلد لسه ناشفه !!!!!!!!!!!! غريبه

الايجابيه الوحيده فى نشوفية الكراسى هو عمره اطول بكتير من الفرش الطرى من حيث عمر الفوم وشكل الكرسى مع الاستعمال

العفشه ناشفه لان الجنط 17 وحاول تشوف ضغط الهوا وخليه على 32

الباور شايفه كويس وخفيف زياده عن اللزوم كمان

الفرامل معقوله 8 من 10 وفعلا مش من اول لمسه بس اول ما جبتها كانت من اول لمسه دلوقتى لا

العربيه حترتاح جدا بعد الالف طلعتها زى الاوكتافيا فدى طبيعة الكروز رغم ان السحب تحسن نسبيا بنسبة 10 فى الميه عن الموديل الى قبله بسبب تغيير الموتور

واهلا بيك فى الرابطه

الله يبارك فيك حسام باشا ودخولى الرابطة شرف ليا باذن الله
اما بالنسبة للتغير فثبت ان منصور بخيل بخل السنين
مفيش اى حاجه فارقة غير جلد للطارة والكراسى بسسسسسس
المرايات عادية ومفيش اى اوبشن جديد ولا تويتر ولا الهوا -حتى كنت متخيل فلاشر فى المرايا ملقيتش

السعر بتاع التوب اغلى من الهاى 4000 الاف ونزل علشانى وعلاقاتى فى سمير ريان ل 3000 واقسم انه مش واخد فيها شلن
العربية دلوقتى معمول عليها تخفيض من منصور لحد اخر سبتمبر 5000 جنيه فبتباع ب 160 الف الهاى
وعند سمير ريان 156 الف لحد 158 الف حسب العلاقة مع الزبون
ونزلت شوية علشانى بس انا شبطت فى التوب لان فرش القماش اللى كان عندهم كان بيئة جدا محصلش فرش الكيا الغصفورة وطبعا مش هتكلم عن فرش التويوتا او الشارك اللى كانت معايا
المهم خلصت فى التوب السودا وربنا يبارك وبقيت كام الف دفعتهم وخدت الافراج ورخصت الاربعاء
الفرامل واطية شوية وطبعا مختلفة تماما عن الشارك اللى كانت باللمسة
الكراسى ناشفة لدرجة الارهاق اثناء القيادة وتفصيلة المسند مش طبية يعنى هحتاج اجيب مخدع رقبة وظهر
الباور مش زى الشارك بس مش تقيل برده -بحس بيه بس فى الركن
الباور الكهربا ميزته انه كان بيتقل بعد ال 100 كم/ساهعة اما الزيت فى الكروز فبلاقيه بيخف قوى بعد ال 100 وعامة انا لسه مزوتش عن 110 كم/ساعة لحد مخلص الالف الاولانية
بالنسبة لضغط الهوا انا بفكر احول نيتروجين بسمع انه بيغير الدنيا تماما وده من ناس عملته فعلا
وطبع الجنط ال 17" بينشف العفشة بزيادة بس تخيلت ان التعليق الخلفى الجديد هيفرق ملقيتش فرق خالص -فكرتنى بالبولونيز اللى كانت عندى كانت على ورق وكنت معليها بورقتين فكانت نص نقل زى الفورونتيرا كده