الموضوع: رابـــــطة مالكـــــــــــــى شيفـــــرولـيـــــــة كــــــــــــروز

وبعد انتهاء الحظر رجعت انا والاستاذ حسام >المحظوران لتغيير سياق الموضوع<
انا لسه يا دوب مكمل شهر على الكروز وربنا اعلم انا جبتها ازاى بعد الخسارة اللى خسرتها فى حادثة الشارك وطبعا ماشى بيها جنب الحيط واذا بواحد الله يسامحه يدخل على زحمة كابس والفرامل على حد قوله متمسكش فيهبد فيا من ورا ويكسر الاكصدام والجسر الحديد اللى تحته يتعوج خالص وهوا راكب بروتون اتعوج الكبوت وكسر فانوس والردياتير اتخرم
طب تكلفة الليله عندى كام حوالى 3900 جنيه -انا الحمد لله امنت عليها طب هل التأمين كفاية وهيغطى
لاااااااا عندك 10% علشان هتصلح فى التوكيل او مركز خدمة معتمد
وعندك 5 % مستنقذ او اهلاك يعنى البس 15% على الصبح ده غير العطله وكام مشوار لشركة التأمين والتوكيل وبنزين وفلوس بتضيع عليك فى الشغل
وكل ده علشان نظام الكبس فى الزحمة وغباء الكثير
طب انا ذنبى ايه فى الليله والمفروض اعمل ايه علشان مدفعش 600جنيه تقريبا بدون ادنى نسبة مشاركة فى الحادثة وايه يخلى عربية عاملة 1000 كيلو تغير اكصدام
هل لازم نسيب ....... ام البلد دى علشان نعرف نعيش محترمين
من يوم الثلاثاء وانا مع العوض جروب فى الفيلم ده -كان عندهم اكصدام بس مفيش جسر
يوم الاربعاء رشوا الاكصدام وجابوا الجسر من منصور م.نصر ولما رحت اركب فنى الله يكرمه اكتشف قبل ما يفك ان الاكصدام الجديد المرشوش مختلف لانه بتاع 2012 ومفيش فيه السوكة الطولية اللى فى الجنب قبل الدوران ومن يوم الاربع لحد دلوقتى بيجيبوا اكصدام بتاعها من منصور اكتوبر -وصل امبارح حوالى الساعة خمسه والمفروض يجهز انهارده واروح اركبه
انا بصراحة مستخصر اغير لانى وضبت الاكصدام اللى راكب ونضفت اللون اللى عليه بس طبعا مش سليم 100% والجسر تحتيه مبقاش ليه لازمه بل ممكن يؤذى العربية >الستارة< لو اتخبط حد فيه تانى
هتوكل على الله واغير وخلاص علشان حرام عربية جديدة يبقى فيها القرف ده
وحسبنا الله ونعم الوكيل