السلام عليكم ورحمة الله وبركاته

من فترة دخلت في شركة تسويق الكتروني فكرتها قريبة شوية من Qnet لكن ميزتها ان ليك راتب ثابت يعني الربح مالوش علاقة بانك تجيب ناس تشتري منتجات من الشركة او تدخل ناس الشركة من خلالك او غيره

بدون الدخول في تفاصيل عشان مايعتبرش الموضوع اعلان للشركة

بكل بساطة بتتفرج على اعلانات فيديو زي اليوتيوب ومقابل كدة الشركة بتديلك راتب شهري ثابت

مشترك فيها بقالي مدة والدنيا تمام واهي حاجة بتساعد الواحد في ظروف البلد اليومين دول

لحد مالقيت واحد بيقولي انه حرام وسال شيخ وقال انه حرام !! ولما كنت بساله حرام ليه يقولي معرفش واحد زميلي اللى سال !! ؟ وعمال يقولي لازم تسال في الموضوع ؟؟

سالت كذا واحد اعرفه اللى يقول حلال واللى يقول حرام واكن كل واحد بيحلل وبيحرم بمزاجه

فلما سرشت هنا في المنتدى قريت ان فيه ناس كتير اتكلمت في قصة ان Qnet حرام !! وناس تانية اتكلمت وقالت لاء حلال !!

فحبيت اسال ؟؟ ياترى حد عنده خلفية الموضوع ده حلال ولا حرام ؟ ولو حبيت استشير مين اللى اقدر اروح اساله واحكيله الموضوع بالتفصيل واقدر اعرف منه ده فعلا حلال ولا حرام ؟

انا عن نفسي - مجرد وجهة نظر - شايف ان الموضوع عادي جدا !! انت بتتفرج على اعلانات في مقابل كدة الشركة بتديلك فلوس !! والاهم من كدة ان الشركات المعلنة - صاحبة الاعلانات - عارفين ان ال Users اللى هيتفرجو على الاعلانات بتاعتهم هياخدو فلوس مقابل كدة