الموضوع: راتب شهري مقابل مشاهدة اعلانات !! حلال ام حرام ؟؟

المشاركة الأصلية كتبت بواسطة مصراوي جدا

اعزائي بعيدا عن جزئية حلال ام حرام لأني مش شيخ ومش هاقدر احلل او احرم وباترك ده لناسه

انما عايز اتكلم في نقطة نصب ولا مش نصب

يعني ايه استفادة الشركة من انك تشوف عدد قليل جدا من الاعلانات وتاخد عليها فلوس كتير

من عدة سنوات كان فيه شركات كتير اجنبية عاملة نفس الفكرة انما ايميلات تفتحها وفيها اعلان وكل ما فتحت ايميل تاخد فلوس والفلوس كانت نوعين يا اما فلوس حقيقية وشركة بتدفع فعلا والفلوس كانت سنتات بعد ما يطلع عينك شهور تلاقيك جمعت 10 دولار مثلا تكون دفعت اكتر منهم بكتير في اشتراك النت (وقتها)

او شركات وهمية عمالة تعد لك فلوس بتكسبها مع كل ميل تفتحه وتلاقي حسابك آلاف الدولارات وكله نصب وكدب

انما الجديد هنا في الشركة دي واللي هو مفتاح القصة كلها هو المبلغ الاصلي اللي انت بتدفعه في الأول اللي هو ال 500 دولار أو اكتر حسب الفئات زي ما ذكرتم

يبقى اول سؤال مهم : انت بقالك قد ايه مع الشركة دي وهل استرديت فلوسك بالكامل ولا لأ؟

اعتقد بما لا يدع مجال للشك ان غرض الشركة دي لا اعلانات ولاشركات سامسونج وبيبسي لها اي علاقة بيها ولا بتدفع لهم مليم احمر

غرض الشركة بوضوح هو اقبال عدد كبير جدا جدا جدا من الناس عليهم ، وكلهم يدفعوا ال500 او ال1000 دولار الاشتراك

ثم ببساطة شديدة جدا جدا جدا الموقع يقفل وصباح الفل

ودليل كلامي الآتي : هل الشركة لها مقر - هل لهم تليفونات - هل لهم اسماء اشخاص واضحين ولا الليلة كلها موقع على النت تيجي تدخل عليه في يوم متلاقيهوش

انا مش عارف اللنك ولا احب اعرفه انما قلت لكم معلوماتي وتوقعاتي من واقع خبرتي الطويلة في التعامل مع هذه النوعية من الشركات

واللي توصلت في الآخر الى صدق الحكمة المصرية الشهيرة : الحداية مبتحدفش كتاكيت

تحياتي

ازي حضرتك يا بشمهندس عامل ايه ؟ يارب تكون بخير
بالنسبه يا بشمهندس ان شركات زي سامسونج وبيبسي ميعرفوش ومش بيعرضوا اعلانتهم عندهم ولاحاجه لا معتقدش ليه ؟ دلوقتي الموقع حاطط الرعاه بتوعه اللي بيعرضوا اعلانتهم عليه تقريبا اكتر من 40 منتج وشركه من اكبر الشركات ( مش من ضمنهم بيبسي تقريبا علفكره ) من اكبر شركات الموبايلات و العربيات و الاكل وحاجات تانيه كتير و الشركه دي شركه عالميه والموقع مشهور وبدا يسمع جامد تفتكر لو انا مثلا مكان شركه زي سامسونج والاقي موقع بدا يستغل اسمي في النصب ع الناس او حتي من غير نصب بدا يستغل اسمي وخلاص تفتكر اني مش هرفع عليه قضيه او ع الاقل هطلع اقول اني مليش دعوه بالكلام ده ؟ يعني مثلا حضرتك بتشتغل في توكيل ميتسوبيشي القديم وليك مركزك هناك تفتكر لو كنت لقيت حد بيتاجر باسم ميتسوبيشي ومدخلها في الكلام ده مكنتش هتهتم بالموضوع وتسال في التوكيل وتشوف الموضوع ده بجد ولا لاه ؟
انا شايف كده معرفش انا غلطان ولا لاه ؟
بالنسبه برضه للناس بتقبض او لا ورجعوا فلوسهم ولا لاه ؟ فاه بيبقضوا واه رجعوا فلوسهم بالزياده طبعا والكلام ده اكيد وممكن حضرتك تسال اي حد دخل فعلا الشركه دي

المشاركة الأصلية كتبت بواسطة محمد يوسف

تصديقا لكلام حضرتك أنا اتبعت لى اللنك والكلام كان ان فيه 3 فئات أعلاهم تدفع 8800 جنيه مقدما وتاخد 4000 جنيه فى الشهر ..ولما سألت طيب ايه الضمانات اتقال لى بكل وضوح : مافيش ضمانات؟؟؟؟؟؟؟

يعنى أنا أدفع من رزقى ورزق عيالى 8800 جنيه مقدم بدون أى ايصالات ولا ضمانات وأفضل أعصابى تتحرق كل ثانية حالمهم ولا لأ وزى ماحضرتك قلت مجرد موقع يتقفل فى ثانية

أنا عن نفسى متهيألى لو عملت كده أبقى مجنون واستاهل نار جهنم..بصرف النظر عن الحرام والحلال

الضمان الوحيد للموضوع ده بالنسبه لاي حد انك تعرف حد تبعك دخله فعلا وقبض منه علشان قلبك يطمن ... طيب لو متعرفش حد تبعك دخله يبقي انت فعلا بتغامر وكده كده اي حاجه في حياتك مغامره
مفيش حد فينا بيعمل حاجه ضامنها ومتاكد منها انت لو فتحت اي مشروع في الدنيا بتبقي بتاخد من رزق عيالك ورزقك علشان تفتح بيهم المشروع ده وانت مش ضامن انه اكيد هينجح وهتفضل اعصابك تتحرق في كل لحظه لحد ما المشروع ينجح وتجيب فلوسك وتكسب او العكس ... وده اي حاجه في حياتنا مش بس الحوار ده
انا كان في عضو ( غير حضرتك ) بعت سالني الحوار ده انت شايفه مضمون بنسبه كام في الميه بالظبط
رديت عليه وقلتله بالظبط
الموضوع ده مضمون بنسبه 1000 % باذن الله بس انت برضه لازم تبقي حاطط في دماغك ان دي شركه زي اي شركه معرضه انها تكسب وتكمل او تخسر فتقفل وانت لازم تبقي عارف كده واي حد يقولك غير كده يبقي بينصب عليك وبيضحك عليك

المشاركة الأصلية كتبت بواسطة nicegypt

كدة الحوار اتحول لربا !!
هما بياخدو المبلغ اللى انت بتدفعوا ويربحوا منة ويرجع لك بأثر رجعي بالتقسيط مع عمولة
كل دة ولسة مش مقتنع انة شرعاّ حرام !!
طيب يا جماعة كل واحد يدينى الف جنية
وهرد لة المبلغ بعد انتهاء الشهر الاول
وبدون اي اعلانات هرجع لك المبلغ 150 ج ف الشهر يعنى ف السنة 1800 ج
اية رأيكم ؟؟ لسة مش مقتنع ؟؟
علماّ ان مفيش اي ضمان على المبلغ اللى هتدفعهولي ودة شرطهم يعنى ف اي وقت اخلع واقفل وانا معايا مبالغ بالكوم
والناس تضرب دماغها ف الحيط !! وكل واحد وحظة ممكن يقفل عليك او على غيرك بس وكدة تقلب على لعبة حظ
بدون اي ضمان ورقي قانوني

ايه اللي جاب الربا في الموضوع يا باشا ؟
الربا علي حد علمي اني استلف منك الف جنيه واقولك هرجعهولك الف و نص كمان سنه مثلا في حاله مكسبي او خسارتي ومن غير انت ما تعمل شغل
انما دي انت بتدفع تمن التحالقك بالشركه دي ولو اتفرجت ع الاعلانات بتكسب ولو متفرجتش بتخسر ... يعني لو انت متفرجتش ع الاعلانات مبتاخدش ولا مليم فالفلوس اللي انت بتاخدها دي نظير فرجتك ع الاعلانات اللي لو معملتهاش مش هتاخدهم
زي ما في ناس ساعات بيدفعوا علشان يشتغلوا في شركات معينه ( الفلوس اللي بيدفعهوا دي مقابل انهم يشتغلوا في الشركه ولو اشتغلوا بيقبضوا مرتبهم ولو مشتغلوش مبيقبضوش حاجه )
وزي برضه لما بتجيب عقد بره ( بس عقد بجد مش من بتوع المركب وارميك في البحر ) بيبقي في ساعات عقود بتدفع عليها فلوس علشان تسافر بره الفلوس دي علشان بس انت تشتغل ولو اشتغلت بتاخد مرتبك ولو مشتغلتش مبتاخدش حاجه

المشاركة الأصلية كتبت بواسطة micromoud

طب انا عاوز أسأل سؤال ايه الفرق بين الموضوع دا و لما أدخل شريك مع واحد بمبلغ من المال مقابل انه يرجعلى فلوسى ومعاها جانب من الارباح .. أعتقد ان المعاملتين شبيهتين الا فى التوثيق !!.. كان شيخ الازهر مرة فى حديث له عن شركة كيو نت كان بيقول ان الحرمانية فى انك تشترى حاجة بالدولار وبالتالى دا بيعود باللضرر على الاقتصاد المصرى

علي فكره الدفع والصرف بالجنيه المصري

المشاركة الأصلية كتبت بواسطة ahmedeihab

عارف المشكله فى ايه يا ابو حميد

ان مفيش ضمانات للكلام ده او منتج بتاخده

يعنى الشركه لو فى اى وقت قفلت يبقى سلامتك

و انت بتحقق فلوسك كلها بعد 3 شهور و بتبدأ تقبض كاشاتك بعد مرور اول 4 اسابيع من اشتراكك

بس مشكلتها انها مفيهاش ضمانات

يعنى لو سرفر وقع مش هتاخد فلوسك

لو الشركه قفلت نفس الكلام

^_^

الكلام ده صح

أستاذ Hikayat حضرتك بتقول :

الضمان الوحيد للموضوع ده بالنسبه لاي حد انك تعرف حد تبعك دخله فعلا وقبض منه علشان قلبك يطمن ... طيب لو متعرفش حد تبعك دخله يبقي انت فعلا بتغامر وكده كده اي حاجه في حياتك مغامره

مفيش حد فينا بيعمل حاجه ضامنها ومتاكد منها انت لو فتحت اي مشروع في الدنيا بتبقي بتاخد من رزق عيالك ورزقك علشان تفتح بيهم المشروع ده وانت مش ضامن انه اكيد هينجح وهتفضل اعصابك تتحرق في كل لحظه لحد ما المشروع ينجح وتجيب فلوسك وتكسب او العكس ... وده اي حاجه في حياتنا مش بس الحوار ده
انا كان في عضو ( غير حضرتك ) بعت سالني الحوار ده انت شايفه مضمون بنسبه كام في الميه بالظبط
رديت عليه وقلتله بالظبط
الموضوع ده مضمون بنسبه 1000 % باذن الله بس انت برضه لازم تبقي حاطط في دماغك ان دي شركه زي اي شركه معرضه انها تكسب وتكمل او تخسر فتقفل وانت لازم تبقي عارف كده واي حد يقولك غير كده يبقي بينصب عليك وبيضحك عليك
.................................................. ................................................

يافندم لو فتحت مشروع بابقى دارسه وشايفه قدام عينى وضامن راس المال ع الأقل..لكن اللى انت بتتكلم فيه سمك فى مية..ومية مش نضيفة كمان..هو ضمان حضرتك بنسبة 100 % يفرق معايا ايه ولا يضمن لى ايه أصلا..حضرتك أصلا بالنسبة لى أكاونت ع الانترنت ماعرفوش... لو حضرتك واثق 100% زى مابتقول يبقى أقترح عليك تقابل اللى حايشترك وتستلم منه الفلوس وتوقع له على ايصالات استلام مع صور بطاقة حضرتك...ايه رأيك؟

المشاركة الأصلية كتبت بواسطة محمد يوسف

الضمان الوحيد للموضوع ده بالنسبه لاي حد انك تعرف حد تبعك دخله فعلا وقبض منه علشان قلبك يطمن ... طيب لو متعرفش حد تبعك دخله يبقي انت فعلا بتغامر وكده كده اي حاجه في حياتك مغامره

مفيش حد فينا بيعمل حاجه ضامنها ومتاكد منها انت لو فتحت اي مشروع في الدنيا بتبقي بتاخد من رزق عيالك ورزقك علشان تفتح بيهم المشروع ده وانت مش ضامن انه اكيد هينجح وهتفضل اعصابك تتحرق في كل لحظه لحد ما المشروع ينجح وتجيب فلوسك وتكسب او العكس ... وده اي حاجه في حياتنا مش بس الحوار ده
انا كان في عضو ( غير حضرتك ) بعت سالني الحوار ده انت شايفه مضمون بنسبه كام في الميه بالظبط
رديت عليه وقلتله بالظبط
الموضوع ده مضمون بنسبه 1000 % باذن الله بس انت برضه لازم تبقي حاطط في دماغك ان دي شركه زي اي شركه معرضه انها تكسب وتكمل او تخسر فتقفل وانت لازم تبقي عارف كده واي حد يقولك غير كده يبقي بينصب عليك وبيضحك عليك

يافندم لو فتحت مشروع بابقى دارسه وشايفه قدام عينى وضامن راس المال ع الأقل..لكن اللى انت بتتكلم فيه سمك فى مية..ومية مش نضيفة كمان..هو ضمان حضرتك بنسبة 100 % يفرق معايا ايه ولا يضمن لى ايه أصلا..حضرتك أصلا بالنسبة لى أكاونت ع الانترنت ماعرفوش... لو حضرتك واثق 100% زى مابتقول يبقى أقترح عليك تقابل اللى حايشترك وتستلم منه الفلوس وتوقع له على ايصالات استلام مع صور بطاقة حضرتك...ايه رأيك؟

وانت اي مشروع بتبقي دارسه بيكسب برضه في الاخر ؟ مكنش حد خسر فلوسه في مشاريع وكانت كل الناس بقت غنيه
انت مهما كنت دارس المشروع برضه محتمل تكسب ومحتمل تخسر مهما كانت درجه ذكائك ودرجه دراستك للمشروع ودرجه قربك او بعدك عن ربنا
انت مش مغسل وضامن جنه يا باشا


اما بقي بالنسبه لموضوع ضماني اللي بنسبه 1000 %
ههههههههههههههههههههههههه ه
يا حبيب قلبي انت ليه خدت نص الكلام
انا ده كان كلامي بالنص

المشاركة الأصلية كتبت بواسطة hikayat

انا كان في عضو ( غير حضرتك ) بعت سالني الحوار ده انت شايفه مضمون بنسبه كام في الميه بالظبط

رديت عليه وقلتله بالظبط
الموضوع ده مضمون بنسبه 1000 % باذن الله بس انت برضه لازم تبقي حاطط في دماغك ان دي شركه زي اي شركه معرضه انها تكسب وتكمل او تخسر فتقفل وانت لازم تبقي عارف كده واي حد يقولك غير كده يبقي بينصب عليك وبيضحك عليك

ياريت حضرتك تكمل بقيه الكلام للاخرواظن ان حضرتك لما سالتني امبارح ايه الضمانات ؟ جاوبتلك بشكل مباشر مفيش ضمانات ( صح ولا انا غلطان ) ومعلقتش ع الكلمه كمان في بقيه كلامي
انا اقسم بالله ( انا او اي حد في الشركه ) مبنستفدش من اي حد بيخش غير ب 213.5 جنيه مصري بالظبط وعلشان كده العضو صاحب الموضوع في كلامه بيقول انا كده كده مبجبش حد تحتي ومش مهتم بالموضوع ده ( وعلفكره انا كمان مش مهتم بالموضوع ده ومجبتش حد تحتي غير واحد صاحبي ولسه داخل النهارده كمان ) معظم الناس مبتهتمش بالموضوع ده لانه وجع دماغ ع الفاضي في حين ان الاعلانات بتغنيك لانك بيطلعلك 4000 جنيه مصري في الشهر منهم
وانا في عضو كلمني امبارح اسمه الاستاذ محمد حمدي لما سالني * طيب دلوقتي لو انا حبيت اخش مع حد اخش مع مين * رديت عليه وقلتله بالظبط * حاول تدور علي حد يكون تعرفه وتثق فيه وتخش معاه ولو ملقتش شوف ممكن تخش معايا او مع صاحب الموضوع ده لو رضي * يعني مش لما قاللي لو دخلت اخش ازاي انا رديت عليه قلتله تعالي خش معايا يا عم وهظبطك وبتاع وكلام من ده
في برضه امبارح واحد بعتلي يسالني علي شويه حاجات علشان عاوز يخش تحت صحابه ( مش تحتي يعني ) برضه رديت عليه وقلتله لما تحب تسال في اي حاجه في اي وقت اسالني براحتك وبعتله رقم تليفوني كمان رغم اني مش هستفيد منه باي حاجه ( حتي ال 213.5 مش هاخدهم )
انا مجرد لقيت الناس بتسال في موضوع انا فاهم فيه فقلت ارد عليهم واجاوب علي اي حاجه مش واضحه


ياريت حضرتك تقري ردي عليك تاني بالظبط هتلاقيني قايل نفس الكلام اللي انت قايله بالظبط

المشاركة الأصلية كتبت بواسطة hikayat

الضمان الوحيد للموضوع ده بالنسبه لاي حد انك تعرف حد تبعك دخله فعلا وقبض منه علشان قلبك يطمن ... طيب لو متعرفش حد تبعك دخله يبقي انت فعلا بتغامر وكده كده اي حاجه في حياتك مغامره
مفيش حد فينا بيعمل حاجه ضامنها ومتاكد منها انت لو فتحت اي مشروع في الدنيا بتبقي بتاخد من رزق عيالك ورزقك علشان تفتح بيهم المشروع ده وانت مش ضامن انه اكيد هينجح وهتفضل اعصابك تتحرق في كل لحظه لحد ما المشروع ينجح وتجيب فلوسك وتكسب او العكس ... وده اي حاجه في حياتنا مش بس الحوار ده
انا كان في عضو ( غير حضرتك ) بعت سالني الحوار ده انت شايفه مضمون بنسبه كام في الميه بالظبط
رديت عليه وقلتله بالظبط
الموضوع ده مضمون بنسبه 1000 % باذن الله بس انت برضه لازم تبقي حاطط في دماغك ان دي شركه زي اي شركه معرضه انها تكسب وتكمل او تخسر فتقفل وانت لازم تبقي عارف كده واي حد يقولك غير كده يبقي بينصب عليك وبيضحك عليك

المشاركة الأصلية كتبت بواسطة ahmod

بص يا باشا مافيش حاجة في الدنيا دي مضمونة كل حاجة ليها risk factors !!

حتى ولو فتحت مشروع وارد جدا ان المشروع يخسر

احنا نمنا صحينا لقينا شركة دايو فلست وباعت كل عربياتها !! حصل ولا ماحصلش ؟؟

مرة واحدة اعصار توهامي دمر مصنع تويوتا وهوندا في اليابان !! ؟ الدولار رفع جامد والاسعار ضربت في السما

كل دي حجات فجاءة حصلت زي ماممكن فجاءة بكرة اللهم اعلم ايه اللى يحصل

مرة واحدة من كذا سنة البورصة خسرت كل حاجة !! ؟ اكيد فاكر

فمافيش حاجة مضمونة زي مالشركة دي ممكن بكرة تقفل ممكن بكرة شركة الادوية اللى انا شغال فيها حاليا بعقد رسمي تقفل ويقولولي مستغنين عن خدماتك !!!!!

ده مش معناه اني بقولك ارمي فلوسك في الارض ويا جت يا اما ماجتش

بس اللى بيدخل حاجة زي كدة بيدخل من خلال ثقته في شخص يعرفه - شخصيا - ودخل الموضوع وكسب منه ورجع فلوسه + كسب منه

انا لما اتعرض عليا الموضوع اول مرة من تلت شهور قلتله بص ماتحورش عليا !! ؟ يعني ايه اتفرج على اعلانات واخد كل شهر 200 دولار !! ؟ ادخل انت ولما تبقى تقبض وترجع فلوسك ابقى كلمني

وفعلا عدى شهرين ولقيته بيكلمني ودخلت واقتنعت في الموضوع ودلوقتي بقول يارتني دخلت معاه من اول ماقالي

وانا معاك على فكرة وموافق كل الناس ان الشركة دي وارد يجي عليها يوم تقفل وماتعرفش عنها حاجة لكن الشركة لسه جديدة وحاليا في مرحلة جذب عملاء ومكسب فاكيد قصة انها تقفل مش هتحصل دلوقتي نهائيا على الاقل مش قبل سنة / سنتين

يكون الواحد رجع فلوسه وكسب قرشين حلوين ولما تقفل بعدها بقى مع السلامة

ما هو ده اللي انا قلته بالحرف يا استاذ احمد ( الاسم كده صح ؟ بدل مانا عمال اقول العضو اللي فاتح الموضوع )
وعلشان كده قلتله يقري ردي تاني بالظبط هيلاقي فيه نفس كلامه وكلام حضرتك بالحرف
وبالنسبه لدراسه المشروع فادرسه ... ممكن استاذ محمد يوسف يلاقيه خسران وممكن واحد زيي لاقاه كسبان وهكذا كل واحد ليه حساباته وبتختلف من واحد للتاني
وممكن حسبتي انا تطلع صح او حسبتك انت تطلع صح وده في كل حاجه مش في ده بس لولا اختلاف الاراء لبارت السلع