أولا .. مرحبا بيك في قسم هيونداي و أحنا دايما في خدمة كل الاعضاء
بداية .. أحب أشكرك علي كلامك بخصوص هيونداي اللي قدرت فعلا في السابق أنها تحقق معادلة صعبة من حيث أمكانيات العربية و السعر لكن بعد الزيادات الخزعبلية مش بس في هيونداي و لكن لكل السيارات علي فكرة فقدت هيونداي تلك الميزة و أصبحت المفاضلة علي أساسيات العربية من حيث (قوة الموتور - الثبات - أستهلاك البنزين - توافر قطع الغيار و مراكز الخدمة - ....... الخ) و اللي هيونداي بتتفوق في بعض تلك النقاط عن مثيلاتها و تتأخر في البعض الأخر و هنا تكون المفاضلة وفق أحتياجاتك و متطلباتك
نيجي بقي لموضوع ألألنترا md أو 2012 أو 2013
العربية كويسة كمجمل أقدر أوجز لك أهم مميزاتها كالتالي :
- وفر في أستهلاك البنزين بالنسبة لفئتها
- وسع الصالون
- نعومة عفشة
- سهولة و سلاسة في القيادة
- عزل صوت جيد جدا
- أداء محرك قوي و جيد جدا في أستجابته مع فتيس أوتوماتيك ممتاز
- ثبات علي الطريق جيد جدا حتي سرعة 140 كم/س في الملفات الحادة كمان
- توافر قطع الغيار و لكنها غالية
- توافر مراكز الخدمة (وكيل مع عيوبه الكثيرة) و مراكز خدمة معتمدة بعضها جيد جدا
- سعر اعادة بيع ممتاز
نيجي بقي لأهم و أخطر عيوبها :
- الرؤية و الابعاد صعبة شوية و لكن محتاجة وقت حتي تتعود عليها
- التقفيل ليس مثل الالماني بالطبع لكنه جيد
- تسارع العربية ليس كبيرا كسابقتها و ذلك بسبب حجم العربية ووزنها الزائد
- شكل العربية بالرغم من انه جميل و لكن أصلاحه صعب
- حجم و مساحة الفوانيس الامامية و الخلفية يزيد من احتمالات تعرضها للاصابة خاصة في شوارعنا الرائعة و مع قيادة متميزة من سائقين أخرين حولك
- أرتفاع السقف في الخلف (الكنبة الخلفية) منخفض قليلا عن الموديل السابق
اللي بيبيع العربية مش معني كده أنها سيئة و لكن قد تكون لم تحقق متطلباته أو أنه زهق و قرف من التوكيل أو أنه طمعان في سعر اعادة بيع مرتفع خاصة بعد زيادة اسعارها بشكل رهيب (124000 الي أكثر من 150000)
يعني أنا مثلا لو بعت عربيتي هأكسب فيها مش أقل من 10000 جنيه و أبقي ركبت عربية لمدة سنة و نصف و كسبت فوقها 10000 جنيه كمان
ده رأيي بالنسبة للالنترا md بالاضافة أن فيها فئات متنوعة تقدر تركب عربية فيها وسائل امان و كماليات بس هاتزود شويتين في السعر
أما الالنترا hd فهي عربية ممتازة طبعا و لكن يعيبها انها فئة واحدة بدون وسائل امان
من رأيي كمان أنك تشوف الهيونداي i30 هيا الألنترا بس هاتشباك و أقل فئة فيها ب 135000 و بسعر اقل من الالنترا
المفضلات