أشتري صنى ولا تيدا ؟؟؟

**Eng.GEMI** · 08-02-2013 11:46 PM

أنا شايف الأفضل فى الشكل التيدا الهاتش باك..
عمليا بين التيدا و النيو صنى..شايف الفرق مش كبير..و الفلوس هى الحكم..
نقطة مهمة فى صالح التيدا و هى الموتور..
نقطة مهمة فى صالح النيو صنى و هى الانتشار..أنا فعلا بحس أنا بشوفها أكتر من التيدا..برغم انها موديل السنة دى..

بالنسبة للتقفيل..ليه أى تقفيل فى أى حتة أفضل من التقفيل المصرى؟؟؟ليه الأعضاء اللى ردوا شايفيين ان التقفيل المكسيكى راقى و أفضل من المصرى؟؟

**Land_Cruiser** · 09-02-2013 12:07 AM

لو الميزانيه تسمح يبقى التيدا و موضوع السيدان و لا الهاتشباك ده راجع لمتطلبات حضرتك و بالذات بالنسبه للشنطه فلو عندك اسره هتبقى محتاج للشنطه ولو ان برضه ممكن تحل الموضوع بانك تجيب الشنطه اللى بتركب فوق الشبكه و هتديلك مساحه تخزين كبيره لو كانت الهاتشباك عاجباك و محتاج مساحه تخزين. التيدا موتورها أقوى و استهلاكها للبنزين معقول و تقفيلها افضل من وجهه نظرى و أعطالها قليله و الفرق بينها و بين الصنى فى السعر تقلص ولذلك انا شايفها اختيار كويس إذا توافرت الامكانيات المادية لها و ان لم تتوافر يبقى خليك فى الصنى

**miceg** · 09-02-2013 12:08 AM

المشاركة الأصلية كتبت بواسطة eng.gemi

أنا شايف الأفضل فى الشكل التيدا الهاتش باك..
عمليا بين التيدا و النيو صنى..شايف الفرق مش كبير..و الفلوس هى الحكم..
نقطة مهمة فى صالح التيدا و هى الموتور..
نقطة مهمة فى صالح النيو صنى و هى الانتشار..أنا فعلا بحس أنا بشوفها أكتر من التيدا..برغم انها موديل السنة دى..

بالنسبة للتقفيل..ليه أى تقفيل فى أى حتة أفضل من التقفيل المصرى؟؟؟ليه الأعضاء اللى ردوا شايفيين ان التقفيل المكسيكى راقى و أفضل من المصرى؟؟

إلانتشار ليس دليل ولا هو نقطة قوة للصني
السيدان بشكل عام أكثر إنتشارا من الهاتش باك
لان الهاتش باك معظم سائقية شباب
عكس السيدان فيشمل معظم الفئات العمرية
شوف انت طموحاتك رايحة للهاتش باك ولا للسيدان وقرر واحكم بعد إلاستخاره
تحياتي