الموضوع: عايز اروح الشغل بالعجلة ..... ايه رأيكم بجد انا ناوي ان شاء الله :)))

العجلة العادية متنفعش فى شوارع مصر العجلة السوستة مريحة جدا جدا
وانا ناوى ان شاء الله اعمل للكرسى بتاعها فرش عند جينز كار بس لما ربنا يسهل بقى :)

المشاركة الأصلية كتبت بواسطة lanos2004

العجله هتجبلك بواسير
عفشتها ناشفه جدا

ناس كتير كانت بتقول لى كدا لما ركبت فعلا العجلة العادية اللى هى ب 300 أو 250 جنيه دى حسيت فعلا بأنها هتتعبنى وممكن تجيبلى البواسير

لكن مع عجلتى الللى فيها سوستة ( هى مش ماركة يعنى اسمها fine and fine صينية الصنع ) بابا جابهالى ب 750 جنيه وقتها ببقى مرتاح جدا عليها ويا سلام لما بمشى وسط التراب وسط طرق الزراعة عندنا وأبقى معفر التراب حواليا
متعة لا تضاهيها متعة وبحس قوى بسرعتى لكن على الطريق السريع بحس إنى ميت خالص مهما جريت لأن الطريق مفتوح بقى ومد نظرك طويل

فلو عندك عجلة سوستة محترمة والكرسى بتاعها محترم هتريح قوى خصوصا فى ال طرق ا لوعرة

بس مينفعش واحد تخين قوى يركب عليها السوستة وقتها بتهنج والصامولة بتاعتها بتهرش والعجلة بتزيق وهى ماشية