حبيب قلبي يا علي باشا
موجود يا باشا وانا تحت النظر ... انا بس كنت جمبيكم هنا في قسم الشارع المصري ... بشوف اخبار البلد والناس وصلت لايه ... وامبارح رحت خدت العجلة بتاعت ابني كان رميها فوق السطح وجيلي من يومين بيقولي بابا انا عاوز مكنة ( موتسيكل يعني )
قلتلوا يابني العجلة بتاعتك زي الفل وانتا لسه شباب ... مشكلة بجد يا علي العيال دي. رحت امبارح جبتلو جوز كويتشات ليها وكرسي جديد وجبت سنفرة ناعمة بجنية ونص وقعدت ازبطلوا العجلة بتاعتوا ... الي جنني النهاردة الصبح جي افرحوا واقولوا اصحى بقه ياعم شوف ابوك حبيبك زبطلك العجلة وبقت عاملة ازاي دلوقتي بالك انتا العجله بتاعتك رحت اسئل عليها امبارح لقيتهاغليت وبقت ب ٤٠٠ جنية
لقيت الواد بيبصلي كده بنظرة احتقااااان. وغبن ... المهم ببص على الواد من الشباك وهو خارج من البيت وابص والمحوا من الشباك واشوفوا خارج مع مين لقيت عيل من زمايلو معدي عليه بمكنة صيني وهو قام ناطط وراه ... وبقيت هتنقط يا اخي ياخسارة ال ٧٥ جنية الي صرفتها على العجلة امبارح ... يعني انا مش عاوز اجيب لابني موتسيكل علشان خايف عليها يقوم هو يصاحب عيال صغيرة عندهم موتسيكلات .
مش عارف انا ... هما اهالي العيال دي ازاي يسمحولهم يشترولهم موتسيكلات. وهما لسه في اعدادي ... اطفال .
والمشكلة هو مش فاهم اني خايف عليه .... ولو قلتوا لا ممنوع والشرطة ممكن تقبض عليك. هتبص تلاقيه يقولي شرطة ايه يا بابا الي في البلد ومشكلة فعلاً الموضوع بقه بزرميطة ده حتى التاكتيك بنشوف عيال صغيرة الي سايقاها
افهموا ازاي بس ان الموتسيكلات خطررر ... افهموا ازاي .
المفضلات