شكراً على مجهوداتك
انا فعلاً غيرت المره ديع من توتال إلى شل هيلكس الترا وفعلاً لاحظت ان حرارة الموتور قلت بشكل ملحوظ وكمان الصوت اهدي والسحب احسن
عرض للطباعة
شكراً على مجهوداتك
انا فعلاً غيرت المره ديع من توتال إلى شل هيلكس الترا وفعلاً لاحظت ان حرارة الموتور قلت بشكل ملحوظ وكمان الصوت اهدي والسحب احسن
انا كنت شغال ب total و لسه مغير ل liqui moly امبارح، مبدأيا السحب بقى احسن من التوتال فى الاول بس فرق بسيط، صوت الموتور برضه فرق بسيط، الحراره حسيت بفرق ملحوظ عن الtotal، متحستش بالصهد اللى كان بيطلع من الكبوت، يعنى من تجربه يوم واحد اقدر اقول ان liqui احسن من total فى الاول، المهم هيستمر على كده و لا هيسقط بدرى بدرى، عشان total بقى اداؤه وحش بعد حوالى 6500 كم و عشان كده غيرته و عملت الصيانه قبل معاده و نازل اسود و محروق و منيل بنيله
طب ياجماعة انا شايف ان من كلامكو ان شيل وليكوي هما تقريبا احسن اتنين ....تنصحوني احط ايه للفوانس...العربية لسه جديدة وعايز احط حاجة تحافظ علي الموتور
ارد على حضرتك انا مغير ليكى مولى فى عربيتين
النترا وميجان
وماشاء الله نازل بعد ال10 الاف زى الفل والعربيه تمام كل المسافه صوت وسحب محستش بفرق فى ال10 كلهم
جرب فيسكو هايل
انا اسف فيسكو مش حلو خالص الى هو الفيسكو 5000 الى بيعد 10
انا مجربه فى اوكتافيا قبل كدة هو كان مش بيقص بسرعه كان عندى العربيه بتاكل زيت
انا قلت احطه فى الميجان هيبقا جامد
اول مااشتريت العربيه جريت جيبته
اجارك الله على صوت العربيه بعد الفين كيلو رحت رميه وحاطط ليكى مولى
هو انتو بتقيسوا الحرارة (سخونة الموتور) إزاى يارجالة؟؟
- فيه Oil-Temperature Gauge بيقيس حرارة الزيت؟!!
ولا بالإحساس كده من الصهد اللى طالع من حوض الموتور؟!!!
أعتقد ده مش indication لأى حاجة..
لأن فيه زيوت بتشتت الحرارة -زى الموبيل (رغم انه زيت سىء)
وفيه زيت زى كده بيكتم الحرارة!! زى الشيل والكاسترول... فـ دى مش قاعدة بصراحة!!
بالنسبة للـLiquiMoly
ياريت اللى جربه فـ عربية موتورها قوى، أو هو ليه فـ الحرق والشد.. يقولنا إنطباعه؟!!
صوت الموتور-بينقص ولا لأ-لونه ولزوجته...etc؟!!
والله انا مش عارف موضوع السخونيه دة الناس بتقيسه ازاى بردة
انا حاطط ليكى مولى بقالى 10 الاف
الصوت ممتاز لغية ال10 الاف والنقص واللزوجه معرفش اصراحه علشان وهما بيغيروا بنزلو الزيت فى حاجه مش بتبين منسوب ولالون
ولسه مغيرة بردة نفس الزيت وبشد بالعربيه و بنقل على 4 rpm او اقل بحاجه بسيطه او ازيد على حسب المود بس مش على طول يعنى مش لازم اجيب اخرها كل مشوار
بس موضوع السخونيه دة انا مش مقتنع بيه لان فى ترموستات داخليه بتخلى سخونية العربيه ثابته والمؤشر ثابت على العلامه التانيه على طول بغض النظر عن نوعية الزيت
لو المؤشر اعلى او اقل يبقا فى حاجه غلط
فورميلاتور...انا معايا الفا روميو 146..وبحطلها زيت شيل الاحمرر..اللزوجة الثااابتة ال50..ايه رايك..احط زيت ايه..؟؟