اقتباس المشاركة الأصلية كتبت بواسطة ahmedzag1 مشاهدة المشاركة
متشكر جدا على اهتمام حضرتك و على الوقت اللي اخذته في كتابة نصائحك الغالية بس احب اوضح لحضرتك حاجة
البنت المصرية الجميلة بتبقى غالبا شايفة نفسها وبتبقى مغرورة جدا وبتتعب جوزها على عكس السورية الكلام ده من خبرة ناس كبيرة و ثانيا جوازي من سورية كان فكرة عندي من ايام ماكنت صغير فالحكاية جوايا من زمان ومش هعرف انساها بسهولة واخيرا احب اشكر حضرتك مرة اخرى
مانا قلتلك مش شرط تكون جميله جدا. الجمال المتوسط حلو وأصلا أي بنت انت هتعجب بيها أو تحبها هتكون جميله في نظرك وده كفايه مش لازم تكون من البنات اللي كل أو معظم الناس بتقول عليها جميله. والفكره في غرور البنت الجميله مش انها مصريه ولا سوريه ده موضوع ملوش علاقه بالجنسيه أصلا ولكن بطبيعه البشر. الغرور ممكن يصيب أي انسان عنده أكتر من العادي في أي صفه. ده ممكن اللي التدين عنده عالي شويه تلاقيه يتغر بتدينه ويفتكر ان محدش متدين قده. وفيه طبعا اللي بيتغر بغناه واللي بيتغر بطوله مثلا واللي بيتغر بذكاؤه الخ الخ...

ولعلمك فيه ناس من اللي بيتجوزو بنات جميله جدا دول بيجيلهم هوس ولما يبقى ماشي معاها في السارع بيفضل يتلفت حواليه ويحس ان كل الناس بتبصلها. مفيش أحسن من الاعتدال في جزئيه الجمال بالذات.